സമനില കുരുക്കിൽ ചെൽസി തുടർച്ചയായ രണ്ടാം ജയം മോഹിച്ച ചെൽസിയെ ക്രിസ്റ്റൽ പാലസ് സമനിലയിൽ കുരുക്കി. 25-ാം മിനിറ്റിൽ നികോളസ് ജാക്സണിന്റെ ഗോളിൽ ചെൽസി സ്വന്തം കളത്തിൽ മുന്നിലെത്തി. ചെൽസിയുടെ കണക്കുകൂട്ടൽ തെറ്റിച്ച് 53-ാം മിനിറ്റിൽ എബെറെച്ചി എസെ പാലസിനു സമനില നൽകി.
മറ്റൊരു മത്സരത്തിൽ ന്യൂകാസിൽ യുണൈറ്റഡ് 2-1ന് ടോട്ടൻഹാമിനെ പരാജയപ്പെടുത്തി. അലക്സാണ്ടർ ഇസാകാണ് ന്യൂകാസിലിന്റെ വിജയഗോൾ നേടിയത്. ഹാർവി ബർനസ് (37’) ന്യൂകാസിലിനെ മുന്നിലെത്തിച്ചു. 56-ാം മിനിറ്റിൽ ഡാൻ ബേണിന്റെ ഓണ്ഗോൾ ടോട്ടനത്തിനു സമനില നൽകി. 78-ാം മിനിറ്റിൽ ഇസാക് ന്യൂകാസിലിന്റെ വിജയഗോൾ നേടി.