യുവേഫ യൂറോ കപ്പ് 2024: ആദ്യ ക്വാർട്ടർ സ്പെയിൻ x ജർമനി : Deepika.com Sports News |

Click here for detailed news of all items

യുവേഫ യൂറോ കപ്പ് 2024: ആദ്യ ക്വാർട്ടർ സ്പെയിൻ x ജർമനി

Wednesday, July 3, 2024 12:30 AM IST

മ്യൂണിക്: യുവേഫ യൂറോ കപ്പ് 2024 ഫുട്ബോളിന്‍റെ ക്വാർട്ടർ ഫൈനൽ ചിത്രങ്ങൾ തെളിഞ്ഞു. ഇന്നും നാളെയും വിശ്രമം. ഇന്ത്യൻ സമയം വെള്ളി രാത്രി 9.30ന് ആദ്യ ക്വാർട്ടർ പോരാട്ടത്തിന്‍റെ കിക്കോഫ്.

മുൻചാന്പ്യന്മാരായ സ്പെയിനും ജർമനിയും തമ്മിലാണ് ആദ്യ ക്വാർട്ടർ ഫൈനൽ.

ഈ യൂറോയിലെ ക്വാർട്ടർ ഫൈനലുകളിൽ രണ്ട് ഹെവിവെയ്റ്റ് പോരാട്ടങ്ങളാണ് അരങ്ങേറുന്നത്, സ്പെയിൻ x ജർമനി, പോർച്ചുഗൽ x ഫ്രാൻസ്. സൂപ്പർ താരങ്ങളായ പോർച്ചുഗലിന്‍റെ ക്രിസ്റ്റ്യാനോ റൊണാൾഡോയും ഫ്രാൻസിന്‍റെ കിലിയൻ എംബപ്പെയും നേർക്കുനേർവരുന്ന പോരാട്ടമാണ് പോർച്ചുഗൽ x ഫ്രാൻസ്. ഇന്ത്യൻ സമയം വെള്ളി അർധരാത്രി 12.30നാണ് ഈ വന്പൻ പോര്.

ഗോളില്ലാ ഫ്രാൻസ്

ഈ യൂറോയിൽ ക്വാർട്ടർ ഫൈനലിൽ എത്തിയിട്ടും ഒരു ഫീൽഡ് ഗോൾപോലും സ്കോർ ചെയ്യാൻ സാധിക്കാത്ത ടീമാണ് ഫ്രാൻസ്. ഗ്രൂപ്പ് ഘട്ടത്തിൽ ഒരു ജയവും രണ്ട് സമനിലയുമായിരുന്നു ഫ്രാൻസിന്‍റെ പ്രകടനം.

ഓസ്ട്രിയയ്ക്കെതിരായ ജയം സെൽഫ് ഗോളിലായിരുന്നു. നെതർലൻഡ്സുമായി ഗോൾ രഹിത സമനില. പോളണ്ടുമായി 1-1ന്‍റെയും സമനില. പോളണ്ടിനെതിരേ കിലിയൻ എംബപ്പെ പെനാൽറ്റിയിലൂടെയാണ് ഗോൾ നേടിയത്. പ്രീക്വാർട്ടറിൽ 1-0 നു ബെൽജിയത്തെ കീഴടക്കിയപ്പോഴും ഫ്രാൻസിന്‍റെ അക്കൗണ്ടിൽ കയറിയത് സെൽഫ് ഗോളായിരുന്നു.

ക്രിസ്റ്റ്യാനോ റൊണാൾഡോയ്ക്കും ഇതുവരെ ഗോൾ നേടാൻ സാധിച്ചിട്ടില്ല. അതേസമയം, ടൂർണമെന്‍റിൽ ഇതുവരെ സ്ഥിരതയാർന്ന പ്രകടനം കാഴ്ചവച്ച ടീമുകളാണ് സ്പെയിനും ജർമനിയും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.