ഐഎസ്എൽ ഫുട്ബോൾ: മോഹൻ ബഗാൻ സൂപ്പർ ജയന്‍റ്സ്- ഒഡീഷ എഫ്സി രണ്ടാംപാദ സെമി ഫൈനൽ ഇന്ന് : Deepika.com Sports News |

Click here for detailed news of all items

ഐഎസ്എൽ ഫുട്ബോൾ: മോഹൻ ബഗാൻ സൂപ്പർ ജയന്‍റ്സ്- ഒഡീഷ എഫ്സി രണ്ടാംപാദ സെമി ഫൈനൽ ഇന്ന്

Sunday, April 28, 2024 12:54 AM IST

കോൽക്കത്ത: ഇന്ത്യൻ സൂപ്പർ ലീഗ് ഫുട്ബോൾ 2023-24 സീസണിന്‍റെ ആദ്യ ഫൈനലിസ്റ്റുകളെ ഇന്നറിയാം. രണ്ടാംപാദ സെമി ഫൈനലിൽ ഇന്ന് കോൽക്കത്ത സോൾട്ട് ലേക്ക് സ്റ്റേഡിയത്തിൽ മോഹൻ ബഗാൻ സൂപ്പർ ജയന്‍റ്സും ഒഡീഷ എഫ്സിയും ഏറ്റുമുട്ടും. ഒഡീഷയിലെ കലിംഗ സ്റ്റേഡിയത്തിൽ നടന്ന ആദ്യപാദ സെമിയിൽ ഒഡീഷ എഫ്സി 2-1ന്‍റെ ജയം സ്വന്തമാക്കിയിരുന്നു.

ഈ ചെറിയ സ്വന്തം കാണികൾ നൽകുന്ന ആവേശത്തിൽ ഈ സ്കോർ മറികടന്ന് വൻ ജയവുമായി തുടർച്ചയായ രണ്ടാം ഫൈനലാണ് മോഹൻ ബഗാൻ ലക്ഷ്യമിടുന്നത്. ഈ സീസണിലെ ലീഗിലെ ഒന്നാം സ്ഥാനക്കാർക്കുള്ള ഐഎസ്എൽ ഷീൽഡ് നേടിയ ബഗാന് തുടർച്ചയായ ചാന്പ്യൻഷിപ്പാണ് ലക്ഷ്യം.

ഈ സെമി ഫൈനൽ ബഗാന് ഫൈനൽ പോലെ കളിക്കേണ്ടതായിരിക്കുകയാണ്. ഒഡീഷയുടെ പ്രവചനാതീതമായ ആക്രമണരീതിയെ തടയാൻ കൂടുതൽ ശക്തമായ പ്രതിരോധവും അതിനൊത്ത ആക്രമണവും അന്‍റോണിയ ഹബാസിന്‍റെ ടീമിന് നടത്തിയേ തീരു.

ഈ സീസണിൽ മോഹൻ ബഗാനെതിരേ മികച്ച പ്രകടനമാണ് ഒഡീഷ നടത്തിയത്. ഈ മികവ് ആവർത്തിക്കാനുള്ള അവസരമാണ് സെർജിയോ ലൊബെറോയുടെ ഒഡീഷയ്ക്ക്.

സ്വന്തം കളത്തിൽ കാണികൾ നല്കുന്ന ഉൗർജം ആക്രമണത്തിലേക്കു വരുത്തിയാൽ ഒഡീഷ എഫ്സി ബുദ്ധിമുട്ടിലാകും. ഇതു തടയാൻ കിട്ടുന്ന അവസരം പരമാവധി മുതലാക്കി കാണികളെ നിശബ്ദരാക്കാനുള്ള ശ്രമമാകും ലൊബെറോ നടത്തുക.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.