ബ്ലൂം​ഫോ​ണ്ടെ​യ്ൻ (ദ​ക്ഷി​ണാ​ഫ്രി​ക്ക): ഐ​സി​സി അ​ണ്ട​ർ 19 പു​രു​ഷ ഏ​ക​ദി​ന ലോ​ക​ക​പ്പി​ൽ നി​ല​വി​ലെ ചാ​ന്പ്യന്മാരാ​യ ഇ​ന്ത്യ​ക്ക് വി​ജ​യ​ത്തു​ട​ക്കം. ഏ​ഷ്യ ക​പ്പ് ജേ​താ​ക്ക​ളാ​യ ബം​ഗ്ലാ​ദേ​ശി​നെ 84 റ​ണ്‍​സി​ന് ഇ​ന്ത്യ കീ​ഴ​ട​ക്കി.

ഏ​ഷ്യ ക​പ്പ് സെ​മി​യി​ൽ ബം​ഗ്ലാ​ദേ​ശി​നോ​ടേ​റ്റ തോ​ൽ​വി​ക്കും ഇ​തോ​ടെ ഇ​ന്ത്യ പ്ര​തി​കാ​രം ചെ​യ്തു. ചാ​ന്പ്യ​ന്‍റെ ക​ളി​ക്കെ​ട്ട​ഴി​ച്ച് മി​ക​ച്ച ഓ​ൾ റൗ​ണ്ട് പ്ര​ക​ട​ന​ത്തോ​ടെ​യാ​ണ് ഗ്രൂ​പ്പ് എ​യി​ൽ ഇ​ന്ത്യ​യു​ടെ ജ​യം. സ്കോ​ർ: ഇ​ന്ത്യ 251/7 (50). ബം​ഗ്ലാ​ദേ​ശ് 167 (45.5).

ടോ​സ് ന​ഷ്ട​പ്പെ​ട്ട് ക്രീ​സി​ലെ​ത്തി​യ ഇ​ന്ത്യ​യു​ടെ തു​ട​ക്കം മോ​ശ​മാ​യി​രു​ന്നു. 7.2 ഓ​വ​റി​ൽ 31 റ​ണ്‍​സ് എ​ടു​ക്കു​ന്ന​തി​നി​ടെ ര​ണ്ട് വി​ക്ക​റ്റ് ഇ​ന്ത്യ​ക്കു ന​ഷ്ട​മാ​യി. എ​ന്നാ​ൽ, ഓ​പ്പ​ണ​ർ ആ​ദ​ർ​ശ് സിം​ഗും (96 പ​ന്തി​ൽ 76) ക്യാ​പ്റ്റ​ൻ ഉ​ദ​യ് സ​ഹാ​ര​നും (94 പ​ന്തി​ൽ 64) ര​ക്ഷാ​പ്ര​വ​ർ​ത്ത​നം ന​ട​ത്തി ഇ​ന്ത്യ​യെ ക​ര​ക​യ​റ്റി. നാ​ലാം വി​ക്ക​റ്റി​ൽ ഇ​രു​വ​രും ചേ​ർ​ന്ന് 116 റ​ണ്‍​സ് കൂ​ട്ടു​കെ​ട്ടു​ണ്ടാ​ക്കി. പി​ന്നീ​ടെ​ത്തി​യ പ്രി​യാ​ൻ​ഷു മോ​ലി​യ (42 പ​ന്തി​ൽ 23) ഇ​ഴ​ഞ്ഞു​നീ​ങ്ങി​യ​ത് ഇ​ന്ത്യ​ൻ സ്കോ​റിം​ഗി​നെ പ്ര​തി​കൂ​ല​മാ​യി ബാ​ധി​ച്ചു.

20 പ​ന്തി​ൽ 26 റ​ണ്‍​സു​മാ​യി പു​റ​ത്താ​കാ​തെ നി​ന്ന സ​ച്ചി​ൻ ദാ​സും 17 പ​ന്തി​ൽ 23 റ​ണ്‍​സ് നേ​ടി​യ അ​വാ​നി​ഷ് റാ​വു​വു​മാ​ണ് ഇ​ന്ത്യ​ൻ സ്കോ​ർ 250 ക​ട​ത്തി​യ​ത്. ബം​ഗ്ലാ​ദേ​ശി​നാ​യി മ​റൂ​ഫ് മൃ​ദ എ​ട്ട് ഓ​വ​റി​ൽ 43 റ​ണ്‍​സ് വ​ഴ​ങ്ങി അ​ഞ്ച് വി​ക്ക​റ്റ് വീ​ഴ്ത്തി. ആ​ദ​ർ​ശ് സിം​ഗാ​ണ് പ്ലെ​യ​ർ ഓ​ഫ് ദ ​മാ​ച്ച്.


മ​റു​പ​ടി​ക്കി​റ​ങ്ങി​യ ബം​ഗ്ലാ​ദേ​ശി​ന്‍റെ വി​ക്ക​റ്റ് കൃ​ത്യ​മാ​യ ഇ​ട​വേ​ള​യി​ൽ ഇ​ന്ത്യ വീ​ഴ്ത്തി. 77 പ​ന്തി​ൽ 54 റ​ണ്‍​സ് നേ​ടി​യ മു​ഹ​മ്മ​ദ് ഷി​ഹാ​ബ് ജ​യിം​സാ​ണ് ബം​ഗ്ലാ​ദേ​ശ് ഇ​ന്നിം​ഗ്സി​ലെ ടോ​പ് സ്കോ​റ​ർ. ആ​റാം ന​ന്പ​റാ​യാ​ണ് മു​ഹ​മ്മ​ദ് ഷി​ഹാ​ബ് ക്രീ​സി​ലെ​ത്തി​യ​ത്. അ​രി​ഫു​ൾ ഇ​സ്ലാം 71 പ​ന്തി​ൽ 41 റ​ണ്‍​സ് നേ​ടി. ഇ​ന്ത്യ​ക്കു​വേ​ണ്ടി സൗ​മി കു​മാ​ർ പാ​ണ്ഡെ 9.5 ഓ​വ​റി​ൽ 24 റ​ണ്‍​സ് വ​ഴ​ങ്ങി നാ​ല് വി​ക്ക​റ്റ് വീ​ഴ്ത്തി.

പാ​ക്കി​സ്ഥാ​നു ജ​യം

ഗ്രൂ​പ്പ് ഡി​യി​ൽ പാ​ക്കി​സ്ഥാ​ൻ 181 റ​ണ്‍​സി​ന് അ​ഫ്ഗാ​നി​സ്ഥാ​നെ ത​ക​ർ​ത്തു. ആ​ദ്യം ബാ​റ്റ് ചെ​യ്ത പാ​ക്കി​സ്ഥാ​ൻ 50 ഓ​വ​റി​ൽ ഒ​ന്പ​ത് വി​ക്ക​റ്റ് ന​ഷ്ട​ത്തി​ൽ 284 റ​ണ്‍​സ് നേ​ടി. 26.2 ഓ​വ​രി​ൽ 103 റ​ണ്‍​സി​ന് അ​ഫ്ഗാ​നി​സ്ഥാ​ൻ പു​റ​ത്ത്. പാ​ക്കി​സ്ഥാ​നു​വേ​ണ്ടി ഷാ​സൈ​ബ് ഖാ​ൻ (126 പ​ന്തി​ൽ 106 റ​ണ്‍​സ്) സെ​ഞ്ചു​റി നേ​ടി. ഷാ​സൈ​ബാ​ണ് പ്ലെ​യ​ർ ഓ​ഫ് ദ ​മാ​ച്ച്.