റെ​ജി ജോ​സ​ഫ്

കോ​ട്ട​യം: പ​ക​ര​ച്ചു​ങ്ക​ത്തി​ല്‍ ആ​ടി​യു​ല​ഞ്ഞ് റ​ബ​ര്‍ വി​പ​ണി. അ​മേ​രി​ക്ക ഏ​ര്‍പ്പെ​ടു​ത്തി​യ കൂ​ട്ടു​ക​ര​ത്തി​ന്‍റെ ആ​ഘാ​തം ബാ​ങ്കോ​ക്ക്, ടോ​ക്യോ, ക്വാ​ലാ​ലം​പൂ​ര്‍ മാ​ര്‍ക്ക​റ്റു​ക​ളി​ലു​ണ്ടാ​ക്കി​യ വി​ല​ത്ത​ക​ര്‍ച്ച ഇ​ന്ത്യ​ന്‍ റ​ബ​ര്‍ വി​പ​ണി​യി​ലും പ്ര​ക​ട​മാ​യി. ഒ​ന്ന​ര​യാ​ഴ്ച മു​ന്പ് 209 രൂ​പ​യ്ക്കു വ്യാ​പാ​രം ന​ട​ന്ന ഷീ​റ്റി​ന് നി​ല​വി​ല്‍ നാ​ലു രൂ​പ​യു​ടെ ഇ​ടി​വാ​ണു​ണ്ടാ​യ​ത്.

റ​ബ​ര്‍ ബോ​ര്‍ഡ് വി​ല​യെ​ക്കാ​ള്‍ കി​ലോ​യ്ക്ക് നാ​ലു രൂ​പ താ​ഴ്ത്തി 193, 195 രൂ​പ നി​ര​ക്കി​ലാ​ണ് ഇ​ന്ന​ലെ ഡീ​ല​ര്‍മാ​ര്‍ ച​ര​ക്ക് വാ​ങ്ങി​യ​ത്. വ്യ​വ​സാ​യി​ക​ള്‍ വി​ല പ​റ​യാ​ത്ത​തി​നാ​ല്‍ ഷീ​റ്റ് വാ​ങ്ങി വ​യ്ക്കാ​ന്‍ ഡീ​ല​ര്‍മാ​രും ത​യാ​റ​ല്ല.

അ​പ്ര​തീ​ക്ഷിത വി​ല​യി​ടി​വു​ണ്ടാ​യ​തി​നാ​ല്‍ ചെ​റു​കി​ട ഡീ​ല​ര്‍മാ​ര്‍ ക​ര്‍ഷ​ക​രി​ല്‍നി​ന്നും റ​ബ​ര്‍ വാ​ങ്ങാ​ന്‍ താ​ത്പ​ര്യ​പ്പെ​ടു​ന്നി​ല്ല. വി​ദേ​ശ​വി​പ​ണി​യി​ല്‍ വ​ന്‍ ഇ​ടി​വു രേ​ഖ​പ്പെ​ടു​ത്തി​യ​തി​നാ​ല്‍ റ​ബ​ര്‍ മേ​ഖ​ല​യി​ല്‍ ക​ടു​ത്ത ആ​ശ​ങ്ക ഉ​യ​രു​ക​യാ​ണ്. വേ​ന​ല്‍മ​ഴ ല​ഭി​ച്ചെ​ങ്കി​ലും ടാ​പ്പിം​ഗ് പു​ന​രാ​രം​ഭി​ക്കാ​തെ ക​ര്‍ഷ​ക​ര്‍ മ​ടി​ച്ചു​നി​ല്‍ക്കു​ന്നു.

നി​ല​വി​ലെ സാ​ഹ​ച​ര്യ​ത്തി​ല്‍ മ​ഴ​മ​റ​യി​ടാ​നോ തു​രി​ശ​ടി​ക്കാ​നോ ക​ര്‍ഷ​ക​ര്‍ താ​ത്പ​ര്യ​പ്പെ​ടു​ന്നി​ല്ല. ബാ​ങ്കോ​ക്ക് മാ​ര്‍ക്ക​റ്റ് ഇ​ന്ന​ലെ അ​വ​ധി​യാ​യി​രു​ന്ന​തിനാ​ല്‍ വി​ല​യി​ലെ ഇ​ടി​വും ആ​ഘാ​ത​വും വ്യ​ക്ത​മ​ല്ല.

റ​ബ​ര്‍ ബോ​ര്‍ഡ് ഉ​ള്‍പ്പെ​ടെ വി​ല നി​ശ്ച​യി​ക്കു​ന്ന​തി​ല്‍ മാ​ന​ദ​ണ്ഡ​മാ​ക്കു​ന്ന​ത് ബാങ്കോ​ക്ക് നി​ര​ക്കാ​ണ്. ക​ഴി​ഞ്ഞ ആ​ഴ്ച​ക​ളി​ല്‍ 205 രൂ​പ​യ്ക്കു മു​ക​ളി​ല്‍ ഷീ​റ്റ് വാ​ങ്ങി സം​ഭ​രി​ച്ച ഡീ​ല​ര്‍മാ​ര്‍ നി​ല​വി​ല്‍ ഭാ​രി​ച്ച ന​ഷ്ട​മാ​ണ് നേ​രി​ടു​ന്ന​ത്.


ശ​നി​യാ​ഴ്ച റ​ബ​ര്‍ ബോ​ര്‍ഡ് നി​ശ്ച​യി​ച്ച വി​ല ആ​ര്‍എ​സ്എ​സ് നാ​ല് ഗ്രേ​ഡി​ന് 206, ഗ്രേ​ഡ് അ​ഞ്ച് 203 രൂ​പ നി​ര​ക്കി​ലാ​യി​രു​ന്നു. ഇ​ന്ന​ലെ കി​ലോ​യ്ക്ക് നാ​ല് രൂ​പ താ​ഴ്ന്ന് 202, 199 രൂ​പ നി​ര​ക്കി​ലെ​ത്തി.

യാ​തൊ​രു വി​ല​സ്ഥി​ര​ത​യു​മി​ല്ലാ​ത്ത ഉ​ത്പ​ന്നം എ​ന്ന നി​ല​യി​ല്‍ റ​ബ​റി​നെ ആ​ശ്ര​യി​ച്ച് കൃ​ഷി ചെ​യ്യാ​നോ ടാ​പ്പിം​ഗ് ന​ട​ത്താ​നോ സാ​ധി​ക്കാ​ത്ത സാ​ഹ​ച​ര്യ​മാ​ണ്. ക​ഴി​ഞ്ഞ ഓ​ഗ​സ്റ്റി​ല്‍ കി​ലോ​യ്ക്ക് 250 രൂ​പ വ​രെ ഉ​യ​ര്‍ന്ന റ​ബ​ര്‍ ര​ണ്ടു മാ​സം പി​ന്നി​ട്ട​പ്പോ​ള്‍ 180 രൂ​പ​യി​ലേ​ക്ക് താ​ഴ്ന്നു. മാ​സ​ങ്ങ​ളു​ടെ കാ​ത്തി​രി​പ്പി​നു​ശേ​ഷം ക​ഴി​ഞ്ഞ മാ​സം 210 രൂ​പ വ​രെ ഉ​യ​ര്‍ന്ന​തി​നു പി​ന്നാ​ലെ വി​ല വീ​ണ്ടും തി​രി​ച്ച​ടി​ച്ചു.

പ​ക​ര​ച്ചു​ങ്കം ഉ​യ​ര്‍ത്തു​ന്ന ഭീ​തി​യും ആ​ശ​ങ്ക​യു​മാ​ണ് നി​ല​വി​ല്‍ റ​ബ​ര്‍ മേ​ഖ​ലയി​ലും തി​രി​ച്ച​ടി​യു​ണ്ടാ​ക്കു​ന്ന​ത്. 30 ശ​ത​മാ​ന​ത്തി​നു മു​ക​ളി​ലാ​ണ് പ്ര​ധാ​ന റ​ബ​ര്‍ ഉ​ത്പാ​ദ​ക​രാ​യ താ​യ്‌​ല​ന്‍ഡ്, ഇ​ന്തോ​നേ​ഷ്യ, വി​യ​റ്റ്‌​നാം തു​ട​ങ്ങി​യ രാ​ജ്യ​ങ്ങ​ള്‍ക്ക് ചു​മ​ത്താ​ന്‍ അ​മേ​രി​ക്ക തീ​രു​മാ​നി​ച്ചി​രി​ക്കു​ന്ന​ത്. പ​ക​ര​ച്ചു​ങ്ക​ത്തി​ല്‍ പു​നഃ​പ​രി​ശോ​ധ​ന​യോ വ്യ​ക്ത​ത​യോ ഉ​ണ്ടാ​യാ​ല്‍ മാ​ര്‍ക്ക​റ്റ് തി​രി​ച്ചു​ക​യ​റു​മെ​ന്നാ​ണ് വ്യാ​പാ​രി​ക​ള്‍ പ്ര​തീ​ക്ഷി​ക്കു​ന്ന​ത്.