അ​​മേ​​രി​​ക്ക​​ൻ വ്യാ​​പാ​​രയു​​ദ്ധ​​ത്തി​​ൽ ആ​​ഗോ​​ള റ​​ബ​​ർ ക​​ർ​​ഷ​​ക​​രു​​ടെ ച​​ങ്കി​​ൽ വെ​​ടി​​യേ​​റ്റു, ഏ​​ഷ്യ​​ൻ മാ​​ർ​​ക്ക​​റ്റു​​ക​​ളി​​ൽ ര​​ക്ത​​ച്ചൊ​​രി​​ച്ചി​​ൽ. സം​​സ്ഥാ​​ന​​ത്ത് ഒ​​രു വ്യാ​​ഴ​​വ​​ട്ട​​ത്തി​​നി​​ട​​യി​​ൽ കു​​രു​​മു​​ള​​ക് ഉ​​ത്പാ​​ദ​​ന​​ത്തി​​ൽ 25 ശ​​ത​​മാ​​നം ഇ​​ടി​​വ്, കി​​ട്ടു​​ന്ന വി​​ല​​യ്ക്ക് ച​​ര​​ക്ക് സം​​ഭ​​രി​​ക്കാ​​ൻ വാ​​ങ്ങ​​ലു​​കാ​​രു​​ടെ പ​​ര​​ക്കം​​പാ​​ച്ചി​​ൽ. സ്വ​​ർ​​ണ​​വി​​ല​​യി​​ൽ ശ​​ക്ത​​മാ​​യ ചാ​​ഞ്ചാ​​ട്ടം.

അ​​മേ​​രി​​ക്ക​​ൻ ഭ​​ര​​ണ​​കൂ​​ടം അ​​മി​​തതീ​​രു​​വ ഏ​​ർ​​പ്പെ​​ടു​​ത്തി ക​​യ​​റ്റു​​മ​​തി രാ​​ജ്യ​​ങ്ങ​​ൾ​​ക്ക് മേ​​ൽ സ​​മ്മ​​ർ​​ദം സൃ​​ഷ്ടി​​ച്ച​​തോ​​ടെ ഏ​​ഷ്യ​​ൻ നാ​​ടു​​ക​​ളി​​ലെ സാ​​ധാ​​ര​​ണ​​ക്കാ​​രാ​​യ റ​​ബ​​ർ ക​​ർ​​ഷ​​ക​​ർ പ്ര​​തി​​സ​​ന്ധി​​ക്കു മു​​ന്നി​​ൽ അന്ധാ​​ളി​​ച്ചു നി​​ൽ​​ക്കു​​ക​​യാ​​ണ്. വ്യ​​വ​​സാ​​യ മേ​​ഖ​​ല പ്ര​​തി​​സ​​ന്ധി​​യെ ഏ​​തുവി​​ധം മ​​റി​​ക​​ട​​ക്കു​​മെ​​ന്ന് ചി​​ന്തി​​ക്കു​​ന്ന​​തി​​നി​​ട​​യി​​ൽ ഊ​​ഹ​​ക്ക​​ച്ച​​വ​​ട​​ക്കാ​​ർ വീ​​ണി​​ടം വി​​ഷ്ണുലോ​​ക​​മാ​​ക്കി മാ​​റ്റു​​ക​​യാ​​ണ്. ജ​​പ്പാ​​ൻ, ചൈ​​ന, സിം​​ഗ​​പ്പു​​ർ അ​​വ​​ധിവ്യാ​​പാ​​ര രം​​ഗ​​ത്ത് വി​​ല്പ​​ന​​ക്കാ​​ർ പി​​ടി​​മു​​റു​​ക്കി​​യ​​ത് ആ​​ഗോ​​ള റ​​ബ​​ർ വി​​പ​​ണി​​യു​​ടെ ദി​​ശ​​യി​​ൽ മാ​​റ്റം ഉ​​ള​​വാ​​ക്കി.

ജ​​പ്പാ​​ൻ ഒ​​സാ​​ക്ക എ​​ക്സ്ചേ​​ഞ്ചി​​ൽ റ​​ബ​​ർ സാ​​ങ്കേ​​തി​​ക​​മാ​​യി ദു​​ർ​​ബ​​ലാ​​വ​​സ്ഥ​​യി​​ലേ​​ക്ക് മു​​ഖം തി​​രി​​ച്ചു. 2023 ഓ​​ഗ​​സ്റ്റ് മു​​ത​​ൽ ബു​​ള്ളി​​ഷാ​​യി നീ​​ങ്ങി​​യ റ​​ബ​​ർ 19 മാ​​സ​​ത്തെ ഇ​​ട​​വേ​​ള​​യ്ക്കു ശേ​​ഷം പ്ര​​തി​​വാ​​ര ചാ​​ർ​​ട്ടി​​ൽ സെ​​ല്ലിം​​ഗ് മൂ​​ഡി​​ലേ​​ക്ക് തി​​രി​​ഞ്ഞു. എ​​ഷ്യ​​ൻ റ​​ബ​​ർ വി​​പ​​ണി​​യു​​ടെ ചു​​ക്കാ​​ൻ നി​​യ​​ന്ത്രി​​ക്കു​​ന്ന ജ​​പ്പാ​​ൻ അ​​വ​​ധിവ്യാ​​പാ​​രരം​​ഗ​​ത്തെ ഇ​​ത്ത​​രം ഒ​​രു അ​​വ​​സ്ഥ​​യി​​ലേ​​ക്കു തി​​രി​​യാ​​ൻ പ്രേ​​രി​​പ്പി​​ച്ച​​ത് അ​​മേ​​രി​​ക്ക​​യു​​ടെ തു​​ഗ്ല​​ക്ക് സാ​​ന്പ​​ത്തി​​ക പ​​രി​​ഷ്കാ​​ര​​ങ്ങ​​ൾ ത​​ന്നെ​​യാ​​ണ്.

വാ​​ര​​ത്തി​​ന്‍റെ തു​​ട​​ക്ക​​ത്തി​​ൽ കി​​ലോ 348 യെ​​ന്നി​​ൽ നീ​​ങ്ങി​​യ ഓ​​ഗ​​സ്റ്റ് അ​​വ​​ധി വാ​​രാ​​ന്ത്യം 318 വ​​രെ ഇ​​ടി​​ഞ്ഞു. ഹ്രസ്വ​​കാ​​ല​​യ​​ള​​വി​​ലേ​​ക്ക് വീ​​ക്ഷി​​ച്ചാ​​ൽ 267 യെ​​ന്നി​​ൽ വി​​പ​​ണി പി​​ടി​​ച്ചുനി​​ൽ​​ക്കാ​​ൻ ആ​​ദ്യശ്ര​​മം ന​​ട​​ത്തും. ഈ ​​താ​​ങ്ങ് ന​​ഷ്‌​​ട​​പ്പെ​​ടു​​ന്ന സാ​​ഹ​​ച​​ര്യം ഉ​​ട​​ലെ​​ടു​​ത്താ​​ൽ റ​​ബ​​ർ 236 യെ​​ന്നി​​ലേ​​ക്കും പ​​രീ​​ക്ഷ​​ണ​​ങ്ങ​​ൾ​​ക്ക് നി​​ർ​​ബ​​ന്ധി​​ത​​മാ​​കാം. അ​​തേ​​സ​​മ​​യം ഡെ​​യ്‌​​ലി ചാ​​ർ​​ട്ട് വി​​ല​​യി​​രു​​ത്തി​​യാ​​ൽ ഈ ​​വാ​​രം 310 യെ​​ന്നി​​ൽ സ​​പ്പോ​​ർ​​ട്ട് ക​​ണ്ടെ​​ത്താ​​ൻ ശ്ര​​മം ന​​ട​​ത്താം.

പ്ര​​തി​​കൂ​​ല കാ​​ലാ​​വ​​സ്ഥ​​യി​​ൽ ഒ​​ട്ടു​​മി​​ക്ക രാ​​ജ്യ​​ങ്ങ​​ളി​​ലും റ​​ബ​​ർ ടാ​​പ്പിം​​ഗ് സ്തം​​ഭി​​ച്ച​​തി​​നാ​​ൽ ഷീ​​റ്റ് വി​​ല ഇ​​ന്ന് ഉ​​യ​​രും, നാ​​ളെ ഉ​​യ​​രു​​മെ​​ന്ന പ്ര​​തീ​​ക്ഷ​​യി​​ലാ​​യി​​രു​​ന്നു. അ​​മേ​​രി​​ക്ക​​യു​​ടെ താ​​രി​​ഫ് ഭീ​​തി​​യി​​ലാ​​ണ് ബീ​​ജിം​​ഗി​​ലെ ഓ​​ട്ടോ​​മൊ​​ബൈ​​ൽ മേ​​ഖ​​ല. ആ​​ഗോ​​ളത​​ല​​ത്തി​​ൽ ഏ​​റ്റ​​വും കൂ​​ടു​​ത​​ൽ റ​​ബ​​ർ ഇ​​റ​​ക്കു​​മ​​തി ന​​ട​​ത്തു​​ന്ന​​തും ട​​യ​​ർ ക​​യ​​റ്റു​​മ​​തി​​യി​​ലും വ​​ൻ ശ​​ക്തി​​യാ​​ണ​​വ​​ർ. പ്ര​​തി​​കൂ​​ല സാ​​ഹ​​ച​​ര്യം മൂ​​ലം റ​​ബ​​ർ സം​​ഭ​​ര​​ണം അ​​വ​​ർ നി​​യ​​ന്ത്രി​​ച്ച​​ത് ബാ​​ങ്കോ​​ക്കി​​ൽ ഷീ​​റ്റ് വി​​ല 20,600നി​​ന്നും 19,400ലേ​​ക്ക് ഇ​​ടി​​യാ​​ൻ കാ​​ര​​ണ​​മാ​​യി. സം​​സ്ഥാ​​ന​​ത്ത് നാ​​ലാം ഗ്രേ​​ഡ് 20,600ൽ​​നി​​ന്നും 20,100 രൂ​​പ​​യാ​​യി.


കു​​രു​​മു​​ള​​ക് വി​​ല​​യി​​ൽ കു​​തി​​പ്പ്

കു​​രു​​മു​​ള​​ക് വി​​ല നി​​ത്യേ​​ന ഉ​​യ​​ർ​​ന്ന​​ത് ഉ​​ത്പാ​​ദ​​ക​​രെ​​യും സ്റ്റോ​​ക്കി​​സ്റ്റു​​ക​​ളെ​​യും ആ​​വേ​​ശം കൊ​​ള്ളി​​ച്ചു. വി​​പ​​ണി​​ക​​ളി​​ൽ ച​​ര​​ക്കുവ​​ര​​വ് ചു​​രു​​ങ്ങി​​യ​​തി​​നാ​​ൽ വാ​​ങ്ങ​​ലു​​കാ​​ർ നി​​ര​​ക്ക് ഉ​​യ​​ർ​​ത്തി​​യെ​​ങ്കി​​ലും പ​​ല അ​​വ​​സ​​ര​​ത്തി​​ലും കാ​​ര്യ​​മാ​​യി സം​​ഭ​​രി​​ക്കാ​​നാ​​യി​​ല്ല.

കേ​​ര​​ള​​ത്തി​​ൽ ഇ​​ക്കു​​റി കു​​രു​​മു​​ള​​ക് ഉ​​ത്പാ​​ദ​​നം ഒ​​രു വ്യാ​​ഴ​​വ​​ട്ട കാ​​ല​​യ​​ള​​വി​​ലെ ഏ​​റ്റ​​വും താ​​ഴ്ന്ന നി​​ല​​വാ​​ര​​ത്തി​​ലാ​​ണ്. കാ​​ലാ​​വ​​സ്ഥാ വ്യ​​തി​​യാ​​ന​​ത്തി​​ൽ ക​​ർ​​ണാ​​ട​​ക​​ത്തി​​ലും ത​​മി​​ഴ്നാ​​ട്ടി​​ലും വി​​ള​​വ് കു​​റ​​ഞ്ഞു. ക​​ർ​​ണാ​​ട​​ക​​ത്തി​​ൽ മി​​ക​​ച്ച​​യി​​നം കി​​ലോ 825 രൂ​​പ​​യ്ക്ക് വ​​രെ ഉ​​ത്ത​​രേ​​ന്ത്യ​​കാ​​ർ സം​​ഭ​​രി​​ച്ച വി​​വ​​രം വി​​പ​​ണി​​യു​​ടെ അ​​ടി​​ത്ത​​റ ശ​​ക്ത​​മാ​​ക്കും. കൊ​​ച്ചി​​യി​​ൽ അ​​ൺ ഗാ​​ർ​​ബി​​ൾ​​ഡ് കു​​രു​​മു​​ള​​ക് 71,600 രൂ​​പ. അ​​ന്താ​​രാ​​ഷ്‌​​ട്ര മാ​​ർ​​ക്ക​​റ്റി​​ൽ ഇ​​ന്ത്യ​​ൻ വി​​ല ട​​ണ്ണി​​ന് 8800 ഡോ​​ള​​ർ.

ഏ​​ല​​ക്ക​​യ്ക്ക് ക്ഷാ​​മം

ലേ​​ല​​ത്തി​​നു​​ള്ള ഏ​​ല​​ക്കവ​​ര​​വ് കു​​റ​​ഞ്ഞു. സീ​​സ​​ൺ അ​​വ​​സാ​​നി​​ച്ച​​തി​​നാ​​ൽ ഉ​​യ​​ർ​​ന്ന വി​​ല ഉ​​റ​​പ്പ് വ​​രു​​ത്താ​​നാ​​കു​​മെ​​ന്ന നി​​ഗമനത്തി​​ലാ​​ണ് സ്റ്റോ​​ക്കി​​സ്റ്റു​​ക​​ൾ. ഈ​​സ്റ്റ​​ർ, വി​​ഷു ഡി​​മാ​​ൻ​​ഡ് മു​​ന്നി​​ൽ ക​​ണ്ട് ഇ​​ട​​പാ​​ടു​​കാ​​ർ ഏ​​ല​​ക്ക ശേ​​ഖ​​രി​​ക്കു​​ന്നു​​ണ്ട്. എ​​ന്നാ​​ൽ അ​​തി​​നു​​നു​​സൃ​​ത​​മാ​​യി വി​​ല ഉ​​യ​​ർ​​ന്നി​​ല്ല. ഈ​​സ്റ്റ​​ർ മു​​ന്നി​​ൽ ക​​ണ്ട് വി​​ദേ​​ശ രാ​​ജ്യ​​ങ്ങ​​ളി​​ൽ​​നി​​ന്നു​​ള്ള അ​​ന്വേ​​ഷ​​ണ​​ങ്ങ​​ളു​​ണ്ട്. ശ​​രാ​​ശ​​രി ഇ​​ന​​ങ്ങ​​ൾ 2586 രൂ​​പ​​യി​​ലും മി​​ക​​ച്ച​​യി​​ന​​ങ്ങ​​ൾ 3033 രൂ​​പ​​യി​​ലു​​മാ​​ണ്.

നാ​​ളി​​കേ​​രം ഉ​​യ​​ർ​​ന്നു​​ത​​ന്നെ

നാ​​ളി​​കേ​​രോ​​ത്പ​​ന്ന​​ങ്ങ​​ൾ ശ​​ക്ത​​മാ​​യ നി​​ല​​യി​​ൽ. വി​​ള​​വെ​​ടു​​പ്പ് വേ​​ള​​യി​​ലും പ​​ച്ച​​ത്തേ​​ങ്ങ​​യ്ക്ക് ക്ഷാ​​മം നേ​​രി​​ട്ട​​ത് വ്യ​​വ​​സാ​​യി​​ക​​ളെ സ​​മ്മ​​ർ​​ദ​​ത്തി​​ലാ​​ക്കി. കേ​​ര​​ള​​ത്തി​​ലും ത​​മി​​ഴ്നാ​​ട്ടി​​ലും പ​​ച്ച​​ത്തേ​​ങ്ങ​​യ്ക്കും കൊ​​പ്ര​​യ്ക്കും വി​​ല്പ​​ന​​ക്കാ​​ർ കു​​റ​​വാ​​ണ്. മാ​​സാ​​രം​​ഭ​​മാ​​യ​​തി​​നാ​​ൽ വെ​​ളി​​ച്ചെ​​ണ്ണ​​യു​​ടെ പ്ര​​ദേ​​ശി​​ക വി​​ല്പ​​ന ചൂ​​ടു​​പി​​ടി​​ച്ച​​ത് ക​​ണ്ട് മി​​ല്ലു​​കാ​​ർ നി​​ര​​ക്കു​​യ​​ർ​​ത്തി കൊ​​പ്ര വാ​​ങ്ങി. ത​​മി​​ഴ്നാ​​ട്ടി​​ൽ കൊ​​പ്ര റി​​ക്കാ​​ർ​​ഡ് വി​​ല​​യാ​​യ 18,200 രൂ​​പ​​യി​​ലും കൊ​​ച്ചി​​യി​​ൽ 17,600ലു​​മാ​​ണ്. ഇ​​വി​​ടെ വെ​​ളി​​ച്ചെ​​ണ്ണ 26,500 രൂ​​പ.

ആ​​ഭ​​ര​​ണ വി​​പ​​ണി​​ക​​ളി​​ൽ മ​​ഞ്ഞ​​ലോ​​ഹം വെ​​ട്ടി​​ത്തി​​ള​​ങ്ങി​​യ വാ​​ര​​മാ​​ണ് ക​​ട​​ന്നു​​പോ​​യ​​ത്. പ​​വ​​ന്‍റെ വി​​ല 66,800 രൂ​​പ​​യി​​ൽ​​നി​​ന്നും റി​​ക്കാ​​ർ​​ഡാ​​യ 68,480 വ​​രെ ക​​യ​​റി​​യ ശേ​​ഷം വാ​​രാ​​വ​​സാ​​നം നി​​ര​​ക്ക് 66,480 ലാ​​ണ്.