ഫെഡറല്‍ ബാങ്ക് കൊച്ചി മാരത്തൺ: റൂട്ട് പ്രഖ്യാപിച്ചു
Tuesday, February 4, 2025 12:35 AM IST
കൊച്ചി: ഫെഡറല്‍ ബാങ്ക് കൊച്ചി മാരത്തണിന്‍റെ ജഴ്‌സി പുറത്തിറക്കി. നടിയും കായികതാരവുമായ പ്രാചി തെഹ്‌ലാന്‍, ഫെഡറല്‍ ബാങ്ക് സിഎംഒ എംവിഎസ് മൂര്‍ത്തി, കോസ്റ്റ് ഗാര്‍ഡ് ഡിഐജി എന്‍. രവി, ക്ലിയോസ്‌പോര്‍ട്‌സ് ഡയറക്ടര്‍മാരായ ശബരി നായര്‍, അനീഷ് പോള്‍ എന്നിവര്‍ ചേര്‍ന്നാണു ജഴ്‌സി പുറത്തിറക്കിയത്.
ചടങ്ങില്‍ മാരത്തണ്‍ റൂട്ടും പ്രഖ്യാപിച്ചു. 42.195 കിലോമീറ്റർ മാരത്തണ്‍, 21.097 കിലോമീറ്റർ ഹാഫ് മാരത്തണ്‍, 10 കിലോമീറ്റർ , 3 കിലോമീറ്റർ ഗ്രീന്‍ റണ്‍ എന്നീ വിഭാഗങ്ങളിലാണ് മാരത്തണ്‍ നടക്കുക.
ഒന്പതിന് പുലര്‍ച്ചെ നാലിന് മറൈന്‍ ഡ്രൈവ് ഷണ്‍മുഖം റോഡില്‍നിന്ന് ആരംഭിക്കുന്ന മാരത്തണ്‍ പാര്‍ക്ക് അവന്യു, ഫോര്‍ഷോര്‍ റോഡ്, ചര്‍ച്ച് ലാന്‍ഡിംഗ് റോഡ്, വെണ്ടുരുത്തി പാലം, എംജി റോഡ്, ഹൈക്കോടതി ജംഗ്ഷന്‍, ഗോശ്രീ ജംഗ്ഷന്‍ വഴി തിരിച്ച് മറൈന്‍ ഡ്രൈവില്‍ സമാപിക്കും.