നാളെ ക്ഷീരകർഷക സെമിനാര്‍ ജൂബിലിയോടനുബന്ധിച്ച് ഇരിങ്ങാലക്കുട എംസിപി ഇന്‍റര്‍നാഷണല്‍ കണ്‍വെന്‍ഷന്‍ സെന്‍ററില്‍ നാളെ അഖില കേരള ക്ഷീരകര്‍ഷക സെമിനാര്‍ നടത്തും. കേരള വെറ്ററിനറി അനിമല്‍ സയന്‍സ് യൂണിവേഴ്‌സിറ്റി ഡീന്‍ ഡോ. കെ. വിജയകുമാര്‍ ഉദ്ഘാടനം ചെയ്യും. എം.പി. ജാക്‌സണ്‍ അധ്യക്ഷത വഹിക്കും.
വെറ്ററിനറി കൗണ്‍സില്‍ ഓഫ് ഇന്ത്യ പ്രസിഡന്‍റ് ഡോ.എന്‍. ഉഷാറാണി, എറണാകുളം മില്‍മ ബോര്‍ഡ് അംഗം ഷാജു വെളിയന്‍ എന്നിവര്‍ ആശംസകളര്‍പ്പിക്കും. ഡോ.കെ.എന്‍. അരവിന്ദ്‌ഘോഷ് പശുക്കളിലെ പ്രത്യുത്പാദന പരിപാലനം എന്ന വിഷയത്തിലും ഡോ.എ. പ്രസാദ് നിങ്ങളുടെ ഡയറി ഫാം എങ്ങനെ ലാഭകരമാക്കാം എന്ന വിഷയത്തിലും സെമിനാറുകള്‍ നയിക്കും.