അ​യ​ര്‍ക്കു​ന്നം: ഭാ​ര്യ​യെ കൊ​ല​പ്പെ​ടു​ത്തി നി​ര്‍മാ​ണ​ത്തി​ലി​ക്കു​ന്ന വീ​ടി​ന്‍റെ പി​ന്‍വ​ശ​ത്തു കു​ഴി​ച്ചുമൂ​ടി ഇ​ത​ര സം​സ​ഥാ​ന തൊ​ഴി​ലാ​ളി. പി​ന്നീ​ട് ഭാ​ര്യ​യെ കാ​ണാ​നി​ല്ലെ​ന്നു പോ​ലീ​സി​ല്‍ പ​രാ​തി ന​ല്‍കി​യ​ശേ​ഷം മു​ങ്ങാ​ന്‍ ശ്ര​മി​ച്ച ഇ​യാ​ളെ പോ​ലീ​സ് പി​ടി​കൂ​ടി.

പ​ശ്ചി​മ​ബം​ഗാ​ള്‍ മൂ​ര്‍ഷി​ദാ​ബാ​ദ് സ്വ​ദേ​ശി സോ​ണി (32)യെ​യാ​ണ് അ​യ​ര്‍ക്കു​ന്നം പോ​ലീ​സ് അ​റ​സ്റ്റ് ചെ​യ്ത​ത്. ഇ​യാ​ളു​ടെ ഭാ​ര്യ അ​ല്‍പ​ന​യെ (25) അ​യ​ര്‍ക്കു​ന്നം ഇ​ള​പ്പാ​നി ജം​ഗ്ഷ​നു സ​മീ​പം നി​ര്‍മാ​ണ​ത്തി​ലി​രി​ക്കു​ന്ന വീ​ടി​ന്‍റെ പി​ന്‍വ​ശ​ത്താ​ണു കൊ​ന്നു കു​ഴി​ച്ചു​മൂ​ടി​യ​ത്. നി​ര്‍മാ​ണ തൊ​ഴി​ലാളിയായ സോ​ണി ക​ഴി​ഞ്ഞ 17നാ​ണ് ഭാ​ര്യ​യെ കാ​ണാ​നി​ല്ലെ​ന്നു കാ​ണി​ച്ച് അ​യ​ര്‍ക്കു​ന്നം പോ​ലീ​സി​ല്‍ പ​രാ​തി ന​ല്‍കി​യ​ത്. അ​ന്വേ​ഷ​ണം ന​ട​ത്തു​ന്ന​തി​നി​ട​യി​ല്‍ ഇ​യാ​ള്‍ മ​ക്ക​ളു​മാ​യി ട്രെ​യി​നി​ല്‍ നാ​ട്ടി​ലേ​ക്കു മ​ട​ങ്ങു​ക​യാ​യി​രു​ന്നു. ഈ ​വി​വ​ര​മ​റി​ഞ്ഞ് പോ​ലീ​സ് ആ​ര്‍പി​എ​ഫു​മാ​യി ബ​ന്ധ​പ്പെ​ട്ട് ശ​നി​യാ​ഴ്ച രാ​ത്രി എ​റ​ണാ​കു​ള​ത്തുനി​ന്ന് ഇ​യാ​ളെ പി​ടി​കൂ​ടി.


പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ല്‍ 14നു ​രാ​വി​ലെ ഏ​ഴി​ന് സോ​ണി ഇ​ള​പ്പാ​നി ജം​ഗ്ഷ​നു സ​മീ​പ​ത്ത് ഭാ​ര്യ​യ്ക്കൊ​പ്പം ഓ​ട്ടോ​യി​ല്‍ വ​ന്നി​റ​ങ്ങി നി​ര്‍മാ​ണം ന​ട​ക്കു​ന്ന വീ​ട്ടി​ലേ​ക്കു ന​ട​ന്നു പോ​കു​ന്ന​തി​ന്‍റെ സി​സി​ടി​വി ദൃ​ശ്യ​ങ്ങ​ള്‍ ല​ഭ്യ​മാ​യി​രു​ന്നു. തി​രി​കെ 7.50നു ​സോ​ണി മാ​ത്രം മ​ട​ങ്ങി പോ​കു​ന്ന​തി​ന്‍റെ ദൃ​ശ്യ​ങ്ങ​ളും ല​ഭി​ച്ചു. ഇ​താ​ണ് പോ​ലീ​സി​നു സം​ശ​യം തോ​ന്നാ​ന്‍ കാ​ര​ണ​മാ​യ​ത്. എ​റ​ണാ​കു​ള​ത്തുനി​ന്ന് ഇ​ന്ന​ലെ പു​ല​ര്‍ച്ചെ അ​യ​ര്‍ക്കു​ന്നം സ്റ്റേ​ഷ​നി​ല്‍ എ​ത്തി​ച്ച ഇ​യാ​ളെ ദ്വി​ഭാ​ഷി​യു​ടെ സ​ഹാ​യ​ത്തോ​ടെ ന​ട​ത്തി​യ ചോ​ദ്യം ചെ​യ്യ​ലി​ലാ​ണ് വി​വ​ര​ങ്ങ​ള്‍ പു​റ​ത്താ​യ​ത്.

ഇ​ള​പ്പാ​നി ജം​ഗ്ഷ​നി​ല്‍നി​ന്നു 100 മീ​റ്റ​ര്‍ മാ​റി നി​ര്‍മാ​ണ​ത്തി​ലി​രി​ക്കു​ന്ന വീ​ടി​ന്‍റെ പി​ന്‍വ​ശ​ത്ത് ര​ണ്ട​ടി താ​ഴ്ച​യി​ലാ​ണ് അ​ല്‍പ​ന​യെ കു​ഴി​ച്ചു​മൂ​ടി​യ​ത്. അ​ല്‍പ​ന​യ്ക്കു മ​റ്റൊ​രാ​ളു​മാ​യി ഉ​ണ്ടാ​യി​രു​ന്ന അ​ടു​പ്പ​മാ​ണ് കൊ​ല​പാ​ത​ക​ത്തി​ല്‍ ക​ലാ​ശി​ച്ച​തെ​ന്നു പോ​ലീ​സ് പ​റ​ഞ്ഞു.