വണ്ടി കണ്ടീഷനാണെന്ന് ട്രയൽ റണ്ണിനു ശേഷം മന്ത്രി പറഞ്ഞു. 36-38 ലക്ഷം രൂപയാണ് ബസിന്റെ വില. കൂടുതൽ സൗകര്യങ്ങൾ വരുന്പോൾ കൂടുതൽ യാത്രക്കാരെ കിട്ടുമെന്നാണ് പ്രതീക്ഷ. മിനിമം ചാർജ് 43 രൂപയാണ്.
എറണാകുളം വരെ 361 രൂപയാണ് ടിക്കറ്റ് ചാർജ്. സൂക്ഷിച്ച് ഓടിക്കണമെന്നു ഗണേഷ് കുമാർ ഡ്രൈവർമാരോട് നിർദേശിച്ചു. യാത്രക്കാർക്ക് ഒരു കാര്യവുമില്ലാതെ ബസ് സ്റ്റേഷനുകളിൽ കയറിയിറങ്ങുന്നത് ഒഴിവാക്കുന്നതിനു ശ്രമിക്കും.
വഴിയിൽ ഡ്രൈവർക്ക് ഗൂഗിൾ ലൊക്കേഷൻ ഇട്ടുകൊടുത്താൽ അവിടെ നിർത്തി യാത്രക്കാരനെ കയറ്റുന്നിതിനുള്ള സൗകര്യമുണ്ടാക്കും. ഇതിനായി 20 രൂപ അധികമായി യാത്രക്കാരനിൽനിന്ന് ഈടാക്കും. ഓണത്തോടു കൂടി പ്രീമിയം സർവീസുകൾ ശക്തിപ്പെടുത്തുന്നതിനാണ് തയാറെടുക്കുന്നത്.