ബിർമിങ്ഹാമിൽ റിഥമിക് ജിംനാസ്റ്റിക്സും ഉണ്ടായിരുന്നു. അക്വാട്ടിക്സിലെ ഡൈവിംഗ് 2026 കോമണ്വെൽത്ത് ഗെയിംസിൽ ഇല്ല. 2022ൽ ഡൈവിംഗിൽ 12 സ്വർണമെഡൽ പോരാട്ടങ്ങളായിരുന്നു നടന്നത്. അതേസമയം, നീന്തൽ നടക്കും.
2026 ജൂലൈ 23 മുതൽ ഓഗസ്റ്റ് ആറു വരെയാണ് ഗ്ലാസ്ഗോ കോമണ്വെൽത്ത് ഗെയിംസ് ഷെഡ്യൂൾ ചെയ്തിരിക്കുന്നത്. ഗ്ലാസ്ഗോയിൽ 10 ഇനങ്ങൾ മാത്രമായിരിക്കും ഉണ്ടായിരിക്കുക. എത്ര സ്വർണമെഡൽ പോരാട്ടങ്ങൾ ഉണ്ടാകും എന്നത് ഇതുവരെ പ്രഖ്യാപിച്ചിട്ടില്ല.
ഒഴിവാക്കപ്പെട്ട ഇനങ്ങൾ 2026 ഗ്ലാസ്ഗോ കോമൺവെൽത്ത് ഗെയിംസ് ►ബാഡ്മിന്റണ്
►ബീച്ച് വോളി
►ക്രിക്കറ്റ്
►ഫീൽഡ് ഹോക്കി
►പാരാ പവർലിഫ്റ്റിംഗ്
►റഗ്ബി സെവൻസ്
►സ്ക്വാഷ്
►ടേബിൾ ടെന്നീസ്
►ട്രയാത്തലണ്
►ഗുസ്തി
ഒഴിവാക്കപ്പെട്ടതിൽ ഇന്ത്യൻ മെഡൽ ഗ്ലാസ്ഗോ ഗെയിംസിൽനിന്ന് ഒഴിവാക്കപ്പെട്ട ഇനങ്ങളിൽനിന്നു (പാരാ പവർലിഫ്റ്റിംഗ് ഉൾപ്പെടെ) മാത്രമായി 2022 ബിർമിങ്ഹാമിൽ ഇന്ത്യ ആകെ 14 സ്വർണം ഉൾപ്പെടെ 31 മെഡൽ സ്വന്തമാക്കി.
നിലവിൽ ഒഴിവാക്കപ്പെട്ട 10 ഇനങ്ങളിൽ, ഇന്ത്യ ബിർമിങ്ഹാമിൽ പങ്കെടുക്കാതിരുന്നത് ബീച്ച് വോളി, റഗ്ബി സെവൻസ് പോരാട്ടങ്ങളിൽ മാത്രമായിരുന്നു. പാരാ പവർലിഫ്റ്റിംഗിലെ സ്വർണം അടക്കം ബിർമിങ്ഹാമിൽ ഇന്ത്യ ആകെ 22 സ്വർണം, 16 വെള്ളി, 23 വെങ്കലം എന്നിങ്ങനെ 61 മെഡലായിരുന്നു സ്വന്തമാക്കിയത്.
ഒഴിവാക്കപ്പെട്ട ഇനങ്ങളിൽ 2022ൽ ഇന്ത്യയുടെ മെഡൽ നേട്ടം ഇങ്ങനെ: ►ബാഡ്മിന്റണ്: സ്വർണം 3, വെള്ളി 1, വെങ്കലം 2
►ക്രിക്കറ്റ്: വെള്ളി 1
►ഹോക്കി: വെള്ളി 1, വെങ്കലം 1
►പാരാ പവർലിഫ്റ്റിംഗ്: സ്വർണം 1
►ടേബിൾ ടെന്നീസ്: സ്വർണം 4, വെള്ളി 1, വെങ്കലം 2
►സ്ക്വാഷ്: വെങ്കലം 2
►ഗുസ്തി: സ്വർണം 6, വെള്ളി 1, വെങ്കലം 5