ഗ്രൂപ്പ് എ രണ്ടാം സ്ഥാനക്കാരായ ന്യൂസിലൻഡും ഗ്രൂപ്പ് ബി ഒന്നാം സ്ഥാനക്കാരായ വെസ്റ്റ് ഇൻഡീസും തമ്മിലാണ് രണ്ടാം സെമി ഫൈനൽ പോരാട്ടം. ഗ്രൂപ്പ് ബിയിലെ അവസാന മത്സരത്തിൽ ഇംഗ്ലണ്ടിനെ ആറു വിക്കറ്റിനു കീഴടക്കിയാണ് വെസ്റ്റ് ഇൻഡീസ് സെമിയിലേക്കു മുന്നേറിയത്. ഇംഗ്ലണ്ട് അതോടെ സെമി ഫൈനൽ കാണാതെ പുറത്തായി.
ഗ്രൂപ്പ് ബിയിൽ വെസ്റ്റ് ഇൻഡീസ്, ദക്ഷിണാഫ്രിക്ക, ഇംഗ്ലണ്ട് ടീമുകൾക്ക് ആറു പോയിന്റ് വീതമാണ്. നെറ്റ് റൺ റേറ്റ് അടിസ്ഥാനത്തിൽ വെസ്റ്റ് ഇൻഡീസും ദക്ഷിണാഫ്രിക്കയും ആദ്യരണ്ടു സ്ഥാനത്തു ഫിനിഷ് ചെയ്ത് സെമി ടിക്കറ്റ് കരസ്ഥമാക്കി.