കേണിച്ചിറ: ഇരുളം മൂന്നാനക്കുഴിയിൽ അധിനിവേശ ഇനം കളകൾ നീക്കം ചെയ്യാൻ തുടങ്ങി. ഇരുളം ഫോറസ്റ്റ് സ്റ്റേഷൻ ജീവക്കാരും ടീം ഏറനാട് ക്ലബ് അംഗങ്ങളുമാണ് ഏകദേശം ഒരേക്കറിൽ കളകൾ പറിക്കുന്നത്.
ടീം ഏറനാട് ക്ലബിലെ 35 വോളണ്ടിയർമാർ പങ്കെടുക്കുന്നുണ്ട്. ഇരുളം ഫോറസ്റ്റ് ഡെപ്യൂട്ടി റേഞ്ച് ഓഫീസർ കെ.പി. അബ്ദുൾ ഗഫൂർ ഉദ്ഘാടനം ചെയ്തു. സെക്ഷൻ ഫോറസ്റ്റ് ഓഫീസർമാരായ പി.വി. സുന്ദരേശൻ, എ.കെ. സിന്ധു, ടി. കണ്ണൻ, ക്ലബ് ഭാരവാഹികളായ ആദർശ്, ഷിബിലി എന്നിവർ പ്രസംഗിച്ചു.