ബൈ​ര​ക്കു​പ്പ പാ​ലം: ശി​ലാ​സ്ഥാ​പ​ന​ത്തി​നു 30 വ​യ​സ്
Monday, September 23, 2024 1:40 AM IST
പു​ൽ​പ്പ​ള്ളി: കു​ടി​യേ​റ്റ ജ​ന​ത​യു​ടെ ചി​ര​കാ​ല സ്വ​പ്ന​മാ​യ ബൈ​ര​ക്കു​പ്പ പാ​ലം ശി​ലാ​സ്ഥാ​പ​ന​ത്തി​നു 30 വ​യ​സ്. 1994 സെ​പ്റ്റം​ബ​ർ 22നാ​ണ് അ​ന്ന​ത്തെ കേ​ര​ള മു​ഖ്യ​മ​ന്ത്രി കെ. ​ക​രു​ണാ​കാ​ര​നും ക​ർ​ണാ​ട​ക മു​ഖ്യ​മ​ന്ത്രി വീ​ര​പ്പ​മൊ​യ്ലി​യും ചേ​ർ​ന്ന് പാ​ല​ത്തി​നു ത​റ​ക്ക​ല്ലി​ട്ട​ത്. സാ​ഘോ​ഷം പെ​രി​ക്ക​ല്ലൂ​ർ തോ​ണി​ക്ക​ട​വി​ൽ പാ​കി​യ ശി​ലാ​ഫ​ല​കം കാ​ടു​മൂ​ടി കി​ട​ക്കു​ക​യാ​ണ്. ഇ​തു കാ​ണു​ന്പോ​ൾ തി​ള​യ്ക്കു​ക​യാ​ണ് ജ​ന​ങ്ങ​ൾ​ക്കി​ട​യി​ൽ പ്ര​തി​ഷേ​ധം.

പാ​ലം ത​റ​ക്ക​ല്ലി​ട​ൽ ച​ട​ങ്ങി​ൽ ര​ണ്ടു സം​സ്ഥ​ന​ങ്ങ​ളി​ലെ​യും മ​ന്ത്രി​മാ​ർ, എം​പി​മാ​ർ, എം​എ​ൽ​എ​മാ​ർ എ​ന്നി​വ​രും സ​ന്നി​ഹി​ത​രാ​യി​രു​ന്നു. ക​ബ​നി ന​ദി​യു​ടെ പെ​രി​ക്ക​ല്ലൂ​ർ, ബൈ​ര​ക്കു​പ്പ ക​ട​വു​ക​ളെ ബ​ന്ധി​ച്ച് പാ​ലം പ​ണി ഉ​ട​ൻ തു​ട​ങ്ങു​മെ​ന്ന് ഇ​വ​രെ​ല്ലാം പ​റ​ഞ്ഞ​ത് ജ​ന​ങ്ങ​ളെ ആ​വേ​ശ​ത്തി​ലാ​ക്കി. പ​ക്ഷേ, മൂ​ന്നു പ​തി​റ്റാ​ണ്ടാ​യി​ട്ടും പാ​ലം യാ​ഥാ​ർ​ഥ്യ​മാ​യി​ല്ല.

കേ​ര​ള, ക​ർ​ണാ​ട​ക സ​ർ​ക്കാ​രു​ക​ളു​ടെ സം​യു​ക്ത സം​രം​ഭ​മാ​യാ​ണ് ബൈ​ര​ക്കു​പ്പ പാ​ലം പ​ദ്ധ​തി വി​ഭാ​വ​നം ചെ​യ്ത​ത്. ര​ണ്ടു കോ​ടി രൂ​പ​യാ​ണ് നി​ർ​മാ​ണ​ച്ചെ​ല​വ് ക​ണ​ക്കാ​ക്കി​യി​രു​ന്ന​ത്. ബ​ത്തേ​രി താ​ലൂ​ക്കി​നെ​യും ക​ർ​ണാ​ട​ക​യി​ലെ എ​ച്ച്ഡി കോ​ട്ട താ​ലൂ​ക്കി​നെ​യും എ​ളു​പ്പം ബ​ന്ധി​പ്പി​ക്കു​ന്ന ബൈ​ര​ക്കു​പ്പ പാ​ലം പ​ദ്ധ​തി ര​ണ്ട് സ​ർ​ക്കാ​രു​ക​ളും ഏ​റെ ച​ർ​ച്ച​ക​ൾ​ക്കൊ​ടു​വി​ൽ ആ​വി​ഷ്ക​രി​ച്ച​താ​ണ്. വ്യാ​പാ​ര, വ്യ​വ​സാ​യ, ടൂ​റി​സം രം​ഗ​ത്ത് വ​യ​നാ​ടി​ന്‍റ വി​ക​സ​ന​ത്തി​ന് ഉ​ത​കു​മാ​യി​രു​ന്ന​താ​ണ് പാ​ലം.


ക​ർ​ണാ​ട​ക വ​നം വ​കു​പ്പ് എ​തി​രു​നി​ന്ന​താ​ണ് പാ​ലം​പ​ണി തു​ട​ങ്ങു​ന്ന​തി​നു വി​ഘാ​ത​മാ​യ​ത്. പാ​ല​ത്തി​ലൂ​ടെ ഗ​താ​ഗ​തം ആ​രം​ഭി​ക്കു​ന്ന​ത് വ​ന്യ​ജീ​വി​ക​ളു​ടെ സ്വൈ​ര വി​ഹാ​ര​ത്തെ ബാ​ധി​ക്കു​മെ​ന്ന വാ​ദം ഉ​യ​ർ​ത്തി​യാ​യി​രു​ന്നു വ​നം-​വ​ന്യ​ജീ​വി വ​കു​പ്പി​ന്‍റെ എ​തി​ർ​പ്പ്. ക​ർ​ണാ​ട​ക​യി​ലെ നാ​ഗ​ര​ഹോ​ള ക​ടു​വാ​സ​ങ്കേ​തം പ​രി​ധി​യി​ലാ​ണ് ബൈ​ര​ക്കു​പ്പ പ്ര​ദേ​ശം. ക​ർ​ണാ​ട​ക വ​നം-​വ​ന്യ​ജീ​വി വ​കു​പ്പി​ന്‍റെ എ​തി​ർ​പ്പ് മ​റി​ക​ട​ക്കു​ന്ന​തി​നു​ള്ള നീ​ക്കം ര​ണ്ടു സം​സ്ഥാ​ന​ങ്ങ​ളി​ലെ​യും ജ​ന​പ്ര​തി​നി​ധി​ക​ളു​ടെ ഭാ​ഗ​ത്ത് ഉ​ണ്ടാ​യി​ല്ല.

ബൈ​ര​ക്കു​പ്പ പാ​ലം നി​ർ​മാ​ണ​ത്തി​ലെ ത​ട​സം ഒ​ഴി​വാ​ക്കു​ന്ന​തി​ന് കേ​ര​ള സ​ർ​ക്കാ​രും ജ​ന​പ്ര​തി​നി​ധി​ക​ളും ഉ​ണ​ർ​ന്നു പ്ര​വ​ർ​ത്തി​ക്ക​ണ​മെ​ന്ന് ബി​ജെ​പി മു​ള്ള​ൻ​കൊ​ല്ലി പ​ഞ്ചാ​യ​ത്ത് ക​മ്മി​റ്റി ആ​വ​ശ്യ​പ്പെ​ട്ടു. രാ​ജ​ൻ പാ​റ​യ്ക്ക​ൽ അ​ധ്യ​ക്ഷ​ത വ​ഹി​ച്ചു. സ​ദാ​ശി​വ​ൻ ക​ള​ത്തി​ൽ, ര​ഞ്ജി​ത് ഇ​ട​മ​ല, കു​മാ​ര​ൻ പൊ​യ്ക്കാ​ട്ടി​ൽ, പി.​എ​ൻ. സ​ന്തോ​ഷ്, ബെ​ന്നി കു​ള​ങ്ങ​ര, കെ. ​സ്റ്റൈ​ജ​ൻ, ജോ​ബി​ഷ് മാ​വു​ടി, പി.​പി. സി​ജി, ബി​ന്ദു ജ​യ​കു​മാ​ർ എ​ന്നി​വ​ർ പ്ര​സം​ഗി​ച്ചു.