ചി​റ്റൂ​രി​ന്‍റെ പോ​സ്റ്റ് മാ​ൻ പ​ടി​യി​റ​ങ്ങി
Thursday, March 28, 2024 1:04 AM IST
അ​ഗ​ളി: നാ​ട്ടു​കാ​ർ​ക്ക് ഏ​റെ പ്രി​യ​ങ്ക​ര​നാ​യി​രു​ന്ന അ​ട്ട​പ്പാ​ടി ചി​റ്റൂ​രി​ലെ പോ​സ്റ്റു​മാ​ൻ ബി. ​ശാ​ർ​ങ്ധ​ര​ൻ പ​ടി​യി​റ​ങ്ങി. 41 വ​ർ​ഷ​ത്തെ സേ​വ​നം പൂ​ർ​ത്തി​യാ​ക്കി​യാ​ണ് ഇ​ദ്ദേ​ഹം ജോ​ലി​യി​ൽനി​ന്നു വി​ര​മി​ച്ച​ത്. ഇ​ന്ന​ത്തെ ആ​ധു​നി​ക സം​വി​ധാ​ന​ങ്ങ​ൾ ഒ​ന്നും ഉ​ണ്ടാ​യി​രു​ന്നി​ല്ല നാ​ലു പ​തി​റ്റാ​ണ്ടു​ക​ൾ​ക്ക് മു​ന്പ്. പ്ര​തി​മാ​സം 105 രൂ​പ​യാ​യി​രു​ന്നു അ​ന്ന​ത്തെ വേ​ത​നം. സൈ​ക്കി​ൾ പോ​ലു​മി​ല്ലാ​തെ കാ​ൽ​ന​ട​ ആ​യി​ട്ടായിരു​ന്നു ത​പാ​ൽ വി​ത​ര​ണം.

അ​ട്ട​പ്പാ​ടി​യി​ലേ​ക്ക് ക​ർ​ഷ​ക കു​ടി​യേ​റ്റം കൊ​ടു​ന്പി​രി കൊ​ണ്ടി​രു​ന്ന കാ​ല​ഘ​ട്ട​മാ​യി​രു​ന്നു അ​ത്. ക​ത്തു​രു​പ്പ​ടി​ക​ൾ​ക്ക് ഒ​രു പ​ഞ്ഞ​വും ഉ​ണ്ടാ​യി​രു​ന്നി​ല്ല. ദി​നം​പ്ര​തി മു​ന്നൂ​റോ അ​തി​ല​ധി​ക​മോ ഓ​ർ​ഡി​ന​റി ക​ത്തു​ക​ൾ ത​ന്നെ​യു​ണ്ടാ​വും. കൂ​ടാ​തെ ര​ജി​സ്റ്റ​ർ, മ​ണി ഓ​ർ​ഡ​റു​ക​ൾ, ടെ​ല​ഗ്രാം തു​ട​ങ്ങി​യ​വ വേ​റെ​യും. ചി​റ്റൂ​രി​ലെ കു​ന്നും മ​ല​യും ച​വി​ട്ടി ക​യ​റി​യാ​യി​രു​ന്നു ത​പാ​ൽ വി​ത​ര​ണം.

കു​ടി​യേ​റ്റ ക​ർ​ഷ​ക​ർ​ക്ക് നാ​ട്ടി​ലെ വി​വ​രം അ​റി​യാ​നും ഇ​വി​ടു​ത്തെ വി​വ​രം അ​റി​യി​ക്കു​വാ​നും ത​പാ​ൽ മാ​ത്ര​മാ​യി​രു​ന്നു ഏ​ക ആ​ശ്ര​യം. ക​ത്ത് വി​ത​ര​ണം മാ​ത്ര​മാ​യി​രു​ന്നി​ല്ല അ​ക്കാ​ല​ത്ത് പോ​സ്റ്റു​മാ​ന്‍റെ ദൗ​ത്യം. പ​ല വീ​ടു​ക​ളി​ലും അ​ത് പൊ​ട്ടി​ച്ച് വീ​ട്ടു​കാ​രെ വാ​യി​ച്ചു കേ​ൾ​പ്പി​ക്ക​ണം. അ​തു കൊ​ണ്ടും തീ​ർ​ന്നി​ല്ല. പോ​സ്റ്റു​മാ​ൻ ത​ന്നെ ക​ത്തി​ന് മ​റു​പ​ടി എ​ഴു​തി കൊ​ടു​ക്കു​ക​യും അ​യ​ക്കു​ക​യും വേ​ണം. അ​ക്കാ​ര​ണ​ത്താ​ൽ ഇ​ല്ല​ന്‍റ്, ക​വ​ർ, എ​യ​ർ മെ​യി​ൽ തു​ട​ങ്ങി​യ​വ പോ​സ്റ്റു​മാ​ൻ കൈ​വ​ശം ക​രു​തി​യി​രി​ക്കും. ടെ​ല​ഗ്രാം ഒ​രു വ​ലി​യ ക​ട​ന്പ​യാ​യി​രു​ന്നു അ​ക്കാ​ല​ത്ത്. മ​ര​ണം പോ​ലു​ള്ള അ​തി​പ്ര​ധാ​ന​മാ​യ കാ​ര്യ​ങ്ങ​ൾ ചു​രു​ങ്ങി​യ വാ​ക്കു​ക​ളി​ൽ ക​ന്പി​യി​ല്ലാക​ന്പി വ​ഴി അ​റി​യി​ക്കു​ന്ന സം​വി​ധാ​ന​മാ​യി​രു​ന്നു ടെ​ല​ഗ്രാം.

അ​ഗ​ളി സ​ബ് പോ​സ്റ്റോ​ഫീ​സ് വ​രെ​യാ​ണ് ടെ​ല​ഗ്രാം എ​ത്തു​ക. ചി​ല സ​ന്ദ​ർ​ഭ​ങ്ങ​ളി​ൽ ചി​റ്റൂ​രി​ൽ നി​ന്ന് പോ​സ്റ്റു​മാ​ൻ കാ​ൽ​ന​ട​യാ​യി അ​ഗ​ളി​യി​ൽ ചെ​ന്ന് ടെ​ല​ഗ്രാം സ്വീ​ക​രി​ച്ചു മേ​ൽ​വി​ലാ​സ​ക്കാ​ര​ന് എ​ത്തി​ച്ചു ന​ൽ​ക​ണ​മാ​യി​രു​ന്നു. പ​ല​പ്പോ​ഴും ടെ​ല​ഗ്രാം കൈ​മാ​റു​ന്പോ​ൾ കൂ​ട്ട​ക്ക​ര​ച്ചി​ലി​ന് സാ​ക്ഷി​യാ​കേ​ണ്ടി വ​ന്നി​രു​ന്നു​വെ​ന്ന് ശാ​ർ​ങ്ധ​ര​ൻ പ​റ​ഞ്ഞു.

മ​ണ്ണാ​ർ​ക്കാ​ട് പോ​സ്റ്റ​ൽ സ​ബ് ഡി​വി​ഷ​ണ​ൽ ഇ​ൻ​സ്പെ​ക്ട​ർ എ.​വി. അ​ജി​ത്ത്, മെ​യി​ൽ ഓ​വ​ർ​സി​യ​ർ എ.​കെ. പ്രേ​മ​ദാ​സ് എ​ന്നി​വ​ർ ഓ​ഫീ​സി​ൽ എ​ത്തി ഷാ​ൾ അ​ണി​യി​ച്ച് മൊ​മന്‍റോ ന​ൽ​കി ആ​ശം​സ​ക​ൾ നേ​ർ​ന്നു. അ​ഗ​ളി സ​ബ് പോ​സ്റ്റോ​ഫീ​സി​ന് കീ​ഴി​ലു​ള്ള ജീ​വ​ന​ക്കാ​ർ ശാ​ർ​ങ്ധ​ര​ന്‍റെ വീ​ട്ടി​ലെ​ത്തി ഉ​പ​ഹാ​ര​ങ്ങ​ൾ ന​ൽ​കി സ്നേ​ഹം പ​ങ്കു​വച്ചു മ​ട​ങ്ങി. അ​ഗ​ളി പോ​സ്റ്റ് മാ​സ്റ്റ​ർ സി​ജോമോ​ൾ, സു​ജീ​ഷ്, ജെ​ല്ലി​പ്പാ​റ ബി​പി​എം സാ​ലി, ചി​റ്റൂ​ർ എ​ബി​പി​എം സി.​എ​ൻ. മ​ണി പ്ര​സം​ഗി​ച്ചു. ശാ​ർ​ങ്ധ​ര​ൻ മ​റു​പ​ടി പ്ര​സം​ഗം ന​ട​ത്തി.

Copyright @ 2022 , Rashtra Deepika Ltd.