100 കിലോ ചെമ്പുകന്പികൾ മോഷ്ടിച്ച പ്രതി പിടിയിൽ
1418497
Wednesday, April 24, 2024 6:26 AM IST
കോയമ്പത്തൂർ: കോയമ്പത്തൂർ ഗവ. മെഡിക്കൽ കോളജ് ആശുപത്രിയിൽ ഇലക്ട്രിക്കൽ ജോലികൾക്കായി സ്റ്റോക്ക് റൂമിൽ സൂക്ഷിച്ച ചെന്പുകന്പികൾ മോഷ്ടിച്ച പ്രതികൾ പിടിയിൽ. ആശുപത്രി അധികൃതർ നല്കുന്ന പരാതിയുടെ അടിസ്ഥാനത്തിൽ റോസ് കോഴ്സ് പോലീസ് കേസെടുത്ത് നടത്തിയ അന്വേഷണത്തിലാണ് മെഡിക്കൽ കോളജ് ആശുപത്രിയിൽ പ്ലംബറായി ജോലി ചെയ്തിരുന്ന പാലക്കാട് സ്വദേശി ജയദാസ് (28) ആണ് പ്രതിയെന്ന് കണ്ടെത്തി.
85,000 രൂപ വിലമതിക്കുന്ന 100 കിലോ ചെമ്പുകമ്പി മോഷ്ടിച്ച് വിറ്റതായി അന്വേഷണത്തിൽ കണ്ടെത്തി. പ്രതിയെ പോലീസ് അറസ്റ്റ് ചെയ്ത് കോടതിയിൽ ഹാജരാക്കി.