എണ്ണംകൂ​ടി​യി​ട്ടും വെ​ച്ചൂ​ർ പ​ശു​വി​ന് ഇ​ന്നും ഉ​യ​ർ​ന്ന വി​ല
Wednesday, March 27, 2024 6:12 AM IST
ഫ്രാൻസിസ് തയ്യൂർ

വ​ട​ക്ക​ഞ്ചേ​രി: വെ​ച്ചൂ​ർ പ​ശു സം​ര​ക്ഷ​ണ പ​ദ്ധ​തി മൂ​ന്ന​ര പ​തി​റ്റാ​ണ്ട് പി​ന്നി​ടു​മ്പോ​ൾ ഇ​ന്നും വെ​ച്ചൂ​ർ പ​ശു​വി​ന് ഉ​യ​ർ​ന്ന വി​ല ത​ന്നെ. പ​ത്തു​വ​ർ​ഷം മു​മ്പു​ള്ള വി​ല​യു​മാ​യി താ​ര​ത​മ്യം ചെ​യ്യു​മ്പോ​ൾ കു​റ​വു​ണ്ട് എ​ന്നു​മാ​ത്രം. 1989 ലാ​ണ് കാ​ർ​ഷി​ക സ​ർ​വ​ക​ലാ​ശാ​ല കേ​ന്ദ്രീ​ക​രി​ച്ച് വെ​ച്ചൂ​ർ പ​ശു സം​ര​ക്ഷ​ണ പ​ദ്ധ​തി ആ​രം​ഭി​ച്ച​ത്. ത​നി നാ​ട​ൻ പ​ശു ഇ​ന​മാ​യ വെ​ച്ചൂ​ർ വം​ശ​നാ​ശ ഭീ​ഷ​ണി​യി​ലാ​യ​പ്പോ​ഴാ​ണ് പ​ദ്ധ​തി കൊ​ണ്ടു​വ​ന്ന​ത്. ഇ​ന്നി​പ്പോ​ൾ വെ​ച്ചൂ​ർ പ​ശു​ക്ക​ളു​ടെ എ​ണ്ണം വ​ള​രെ കൂ​ടി​യി​ട്ടു​ണ്ടെ​ന്ന് വെ​ച്ചൂ​ർ ക​ൺ​സ​ർ​വേ​ഷ​ൻ ട്ര​സ്റ്റ് മെ​മ്പ​റും ട്ര​സ്റ്റി​ന്‍റെ പ്ര​വ​ർ​ത്ത​ന​ങ്ങ​ൾ​ക്ക് മേ​ഖ​ല​യി​ൽ മേ​ൽ​നോ​ട്ടം വ​ഹി​ക്കു​ന്ന ചി​റ്റ​ടി മാ​പ്പി​ള​പ്പൊ​റ്റ ആ​ല​പ്പാ​ട്ടുകു​ന്നേ​ൽ ജോ​സ് പ​റ​ഞ്ഞു.

കാ​ർ​ഷി​ക സ​ർ​വ​ക​ലാ​ശാ​ല​യി​ലെ വെ​ച്ചൂ​ർ സം​ര​ക്ഷ​ണ വി​ഭാ​ഗം മേ​ധാ​വി​യാ​യി സേ​വ​ന​മ​നു​ഷ്ഠി​ച്ചി​രു​ന്ന റി​ട്ട​. പ്ര​ഫ​സർ ശോ​ശാ​മ്മ ഐ​പ്പി​ന്‍റെ നേ​തൃ​ത്വ​ത്തി​ലാ​ണ് ട്ര​സ്റ്റി​ന് തു​ട​ക്കം കു​റി​ച്ച​ത്.
കാ​സ​ർ​ഗോ​ഡ​ൻ ഇ​ന​ത്തി​ന്‍റെ സം​ര​ക്ഷ​ണ​വും ട്ര​സ്റ്റി​ന്‍റെ ല​ക്ഷ്യ​മാ​ണ്. നൂ​റ് ശ​ത​മാ​ന​വും വെ​ച്ചൂ​രാ​ണെ​ന്ന് സാ​ക്ഷ്യ​ പ്പെ​ടു​ത്തു​ന്ന പ​ശു​വി​ന് ഇ​ന്നും മോ​ഹവി​ല​യു​ണ്ട്.

ന​ല്ല ല​ക്ഷ​ണ​മൊ​ത്ത പ​ശു​വി​നാ​ണ് ഡി​മാ​ൻ​ഡ്. 90 സെ​ന്‍റീമീ​റ്റ​റി​ൽ താ​ഴെ ഉ​യ​രം, കു​ത്തും പു​ള്ളി​ക​ളു​മി​ല്ലാ​തെ ശ​രീ​ര​മാ​സ​ക​ലം ഒ​രേ നി​റം, വ​ണ്ണം കു​റ​ഞ്ഞ ചെ​റി​യ കൊ​മ്പു​ക​ൾ, ചെ​റി​യ വ​യ​ർ, ക​ണ്ണു​ക​ൾ​ക്ക് ചു​റ്റും നി​റ​ഞ്ഞ ക​ൺ​പീ​ലി​ക​ൾ, ചെ​മ്പ​ൻ കൃ​ഷ്ണ​മ​ണി, നീ​ള​മു​ള്ള വാ​ൽ തു​ട​ങ്ങി​യ​വ​യെ​ല്ലാം വെ​ച്ചൂ​ർ പ​ശു​വി​ന്‍റെ ന​ല്ല ല​ക്ഷ​ണ​ങ്ങ​ളാ​ണ്. ഔ​ഷ​ധ​ഗു​ണ സ​മ്പ​ന്ന​മാ​യ പാ​ൽ മാ​ത്ര​മ​ല്ല ഈ ​കു​ഞ്ഞ​ൻ പ​ശു​വി​ന്‍റെ ചാ​ണ​ക​ത്തി​നും മൂ​ത്ര​ത്തി​നു​മു​ണ്ട് ഡിമാന്‍റ്.

ഏ​റ്റ​വും കു​റ​ഞ്ഞ പ​രി​പാ​ല​ന ചെ​ല​വും ഓ​മ​ന​ത്തവു​മാ​ണ് ഈ ​സു​ന്ദ​രി​യെ ക​ർ​ഷ​ക​രു​ടെ പ്രി​യ​പ്പെ​ട്ട​താ​ക്കു​ന്ന​ത്. പ്ര​തി​രോ​ധ​ശേ​ഷികൊ​ണ്ടും ലോ​ക ശ്ര​ദ്ധ പി​ടി​ച്ചു​പ​റ്റി​യി​ട്ടു​ള്ള ഈ ​കു​ഞ്ഞ​ൻ പ​ശു​വി​നെ കൗ​തു​ക​ത്തി​നും അ​ല​ങ്കാ​ര​ത്തി​നു​മാ​യും പ​ല​രും വ​ള​ർ​ത്തു​ന്നു​ണ്ട്. ജൈ​വ​കൃ​ഷി​രീ​തി​ക​ളി​ലേ​ക്കു​ള്ള ക​ർ​ഷ​ക​രു​ടെ തി​രി​ച്ചു​പോ​ക്കാ​ണ് വെ​ച്ചൂ​ർ പോ​ലു​ള്ള നാ​ട​ൻ ഇ​ന​ങ്ങ​ൾ​ക്ക് ഡി​മാ​ൻ​ഡ് നി​ല​നി​ൽ​ക്കാ​ൻ കാ​ര​ണം. ര​ണ്ട് പ​തി​റ്റാ​ണ്ടാ​യി മാ​പ്പി​ള​പ്പൊ​റ്റ ജോ​സി​ന്‍റെ വീ​ട്ടി​ലും മൂ​ന്ന് വെ​ച്ചൂ​ർ പ​ശു​ക്ക​ളു​ണ്ട്.

ഇ​തി​ന്‍റെ ചാ​ണ​ക​വും മൂ​ത്ര​വു​മാ​യി ജൈ​വ​കൃ​ഷി​ക​ളു​ടെ വി​സ്മ​യക്കാ​ഴ്ച​ക​ളാ​ണ് ജോ​സി​ന്‍റെ വീ​ടി​നു ചു​റ്റും. എ​ല്ലാ​റ്റി​നു​മു​ണ്ട് നൂ​റുമേ​നി വി​ള​വ്. ഫാം ​ടൂ​റി​സംകൂ​ടി ല​ക്ഷ്യം വ​ച്ചാ​ണ് കു​ള്ള​ൻ തെ​ങ്ങു​ക​ളും നി​ര​വ​ധി പ​ഴ​വ​ർ​ഗ ഇ​ന​ങ്ങ​ളു​മാ​യു​ള്ള കൃ​ഷി രീ​തി​ക​ൾ.

Copyright @ 2022 , Rashtra Deepika Ltd.