കരിന്പ: പാലക്കാട് ലോക്സഭാ മണ്ഡലം എൽഡിഎഫ് സ്ഥാനാർഥി എ.വിജയരാഘവൻ കല്ലടിക്കോട്, മൂന്നേക്കർ, കരിന്പ, ശിരുവാണി മേഖലയിൽ ഇന്നലെ രാവിലെ പര്യടനം നടത്തി.
വാക്കോട് കുന്നേമുറി എസ് സി കോളനിയിലും, മൂന്നേക്കർ സെന്‍ററിലും ശിരുവാണി ജംഗ്ഷനിലും സ്ഥാനാർഥിക്ക് പ്രത്യേകം സ്വീകരണം നൽകി. അടുത്തിടെ മരണപ്പെട്ട പാർട്ടി അനുഭാവികളുടെ വീട്ടിലെത്തി അനുശോചനം അറിയിച്ചു. കുന്നേമുറി കോളനിയിൽ തികച്ചും ശുദ്ധമായ തേൻ നൽകിയാണ് കോളനിവാസികൾ സ്വീകരിച്ചത്.
ഗ്രാമപഞ്ചായത്ത് പരിധിയിലെ ചെറുതും വലുതുമായ വിവിധ സ്വീകരണ കേന്ദ്രങ്ങളിൽ സാധാരണക്കാരുമായി സംവദിച്ചു. എംഎൽഎ കെ. ശാന്തകുമാരി, എൻ.കെ. നാരായണൻകുട്ടി, പി. ശിവദാസൻ, ഗോകുൽദാസ്, കെ.സി. റിയാസുദ്ദീൻ, അഡ്വ. ജോസ് ജോസഫ്, ഗ്രാമപഞ്ചായത്ത് പ്രസിഡന്‍റ് പി.എസ്. രാമചന്ദ്രൻ, കെ. കോമളകുമാരി, കെ.സി. ഗിരീഷ്, ബ്ലോക്ക് പഞ്ചായത്ത് മെംബർമാരായ സി .കെ. ജയശ്രീ, ഓമന രാമചന്ദ്രൻ, റെനി കരിമാലത്ത്, രാധിക തുടങ്ങിയവരും സ്ഥാനാർഥിക്കൊപ്പമുണ്ടായിരുന്നു.