ഭ​വ​ന​പ​ദ്ധ​തി വീട് നി​ഷേ​ധി​ക്ക​പ്പെ​ട്ട് കവിളുപാറയിലെ ആ​ദി​വാ​സി കു​ടും​ബം
Monday, March 25, 2024 1:14 AM IST
മം​ഗ​ലം​ഡാം: വ​നം​വ​കു​പ്പി​ൽ വാ​ച്ച​ർ പ​ണി​യു​ണ്ടെ​ന്നു ചൂ​ണ്ടി​ക്കാ​ട്ടി ഭ​വ​ന പ​ദ്ധ​തി​ക​ളി​ൽ നി​ന്നും ആ​ദി​വാ​സി കു​ടും​ബ​ത്തെ ഒ​ഴി​വാ​ക്കു​ന്ന​താ​യി പ​രാ​തി.

കി​ഴ​ക്ക​ഞ്ചേ​രി പ​ഞ്ചാ​യ​ത്തി​ൽ​പ്പെ​ട്ട ക​വി​ളു​പാ​റ ആ​ദി​വാ​സി കോ​ള​നി​യി​ലെ വെ​ള്ള​യു​ടെ കു​ടും​ബ​ത്തി​നാ​ണ് ഈ ​അ​വ​ഗ​ണ​ന.

നി​ല​വി​ലു​ള്ള വീ​ട് താ​മ​സ യോ​ഗ്യ​മ​ല്ലാ​ത്ത​തി​നെ തു​ട​ർ​ന്ന് സ​മീ​പ​ത്തു​ത​ന്നെ ടാ​ർ​പോ​ളി​ൻ കൊ​ണ്ട് മൂ​ടി​യ ഷെ​ഡി​ലാ​ണ് ഭാ​ര്യ​യും മൂ​ന്നു മ​ക്ക​ളും ഉ​ൾ​പ്പെ​ടു​ന്ന കു​ടും​ബം ക​ഴി​യു​ന്ന​ത്.

മ​ഴ​ക്കാ​ല​മാ​യാ​ൽ ഈ ​കൂ​ര​ക്കു​ള്ളി​ലെ ജീ​വി​തം കൂ​ടു​ത​ൽ ദു​രി​ത​പൂ​ർ​ണ​മാ​കും. പു​ലി ഉ​ൾ​പ്പെ​ടെ കാ​ട്ടു​മൃ​ഗ​ങ്ങ​ളു​ടെ ശ​ല്യ​മു​ള്ള പ്ര​ദേ​ശ​ത്ത് സു​ര​ക്ഷി​ത​മ​ല്ലാ​ത്ത ഷെ​ഡി​ലെ താ​മ​സം ഏ​റെ ആ​പ​ൽ​ക്ക​ര​മാ​ണ്.

പ​ല​ദി​വ​സ​വും ഉ​റ​ക്ക​മി​ല്ലാ​തെ മ​ക്ക​ൾ​ക്ക് കാ​വ​ലി​രു​ന്നാ​ണ് രാ​ത്രി ക​ഴി​ച്ചു​കൂ​ട്ടു​ന്ന​തെ​ന്ന് വ​നം​വാ​ച്ച​ർ വെ​ള്ള പ​റ​ഞ്ഞു. പ​ണി​ക്കു പോ​യാ​ൽ ദി​വ​സം 500 രൂ​പ​യാ​ണ് കി​ട്ടു​ന്ന​ത്. ചി​ല ദി​വ​സം തു​ക കു​റ​യും.

വാ​ച്ച​ർ പ​ണി​യു​ള്ള മ​റ്റു​ള്ള​വ​ർ​ക്ക് വീ​ട് അ​നു​വ​ദി​ക്കു​മ്പോ​ൾ ത​ങ്ങ​ളെ മാ​ത്രം എ​ന്തു​കൊ​ണ്ട് മാ​റ്റി നി​ർ​ത്തു​ന്നു എ​ന്ന​തി​ന്‍റെ കാ​ര​ണം ഇ​വ​ർ​ക്കും പി​ടി​കി​ട്ടു​ന്നി​ല്ല.

ഭാ​ര്യ മ​ല​ങ്കാ​ട്ടി​ൽ പോ​യി ന​ന്നാ​രി​ക്കി​ഴ​ങ്ങും മ​റ്റും ശേ​ഖ​രി​ച്ചാ​ണ് മ​ക്ക​ളു​ടെ പ​ഠ​ന​വും മ​റ്റു ചെ​ല​വു​ക​ളും ഇ​വ​ർ കൂ​ട്ടി​മു​ട്ടി​ക്കു​ന്ന​ത്.

വീ​ടു നി​ർ​മി​ക്കാ​നു​ള്ള സാ​മ്പ​ത്തി​ക സ്ഥി​തി​യൊ​ന്നും ത​ങ്ങ​ൾ​ക്കി​ല്ലെ​ന്നും ഭ​വ​ന പ​ദ്ധ​തി​ക​ളി​ൽ ഉ​ൾ​പ്പെ​ടു​ത്തി വീ​ട് നി​ർ​മി​ച്ചു ന​ൽ​ക​ണ​മെ​ന്നു​മാ​ണ് ഈ ​ആ​ദി​വാ​സി കു​ടും​ബ​ത്തി​ന്‍റെ ആ​വ​ശ്യം.

Copyright @ 2022 , Rashtra Deepika Ltd.