കു​ര്യാ​ക്കോസേ​ട്ടനും റോ​സ​ക്കു​ട്ടി​യ​മ്മ​യും കൊ​ഴു​ക്ക​ട്ട ഉ​ണ്ടാ​ക്കുന്ന തിരക്കിലാണ്
Sunday, March 24, 2024 3:24 AM IST
വ​ട​ക്ക​ഞ്ചേ​രി: മ​നു​ഷ്യ​ര​ക്ഷ​യ്ക്കാ​യി കു​രി​ശി​ലേ​റി​യ ക്രി​സ്തു​വി​ന്‍റെ ജെ​റു​സ​ലേ​മി​ലേ​ക്കു​ള്ള രാ​ജ​കീ​യ പ്ര​വേ​ശ​ത്തെ അ​നു​സ്മ​രി​പ്പി​ക്കു​ന്ന ഓ​ശാ​ന തി​രു​നാ​ളാ​ണ് ഇ​ന്ന്. കു​രു​ത്തോ​ല പെ​രു​ന്നാ​ൾ എ​ന്നു​കൂ​ടി അ​റി​യ​പ്പെ​ടു​ന്ന ഈ ​ദി​വ​സം ക്രൈ​സ്ത​വ പാ​ര​മ്പ​ര്യ​ത്തി​ന്‍റെ ഓ​ർ​മ​പ്പെ​ടു​ത്ത​ലു​മാ​യി വീ​ടു​ക​ളി​ൽ കൊ​ഴു​ക്ക​ട്ട വി​ഭ​വം ത​യാ​റാ​ക്കു​ന്ന തി​ര​ക്കു​ക​ളി​ലാ​യി​രു​ന്നു ഇ​ന്ന​ലെ വീ​ട്ടു​കാ​രെ​ല്ലാം.

വി​ശ്വാ​സ ജീ​വി​ത​ത്തി​ൽ പാ​ര​മ്പ​ര്യ വ​ഴി​ക​ൾ പി​ന്തു​ട​രു​ന്ന ക്രൈ​സ്ത​വ കു​ടും​ബ​ങ്ങ​ളി​ലെ​ല്ലാം ഇ​ന്ന​ലെ രാ​വി​ലെ മു​ത​ൽ തു​ട​ങ്ങി കൊ​ഴു​ക്ക​ട്ട ഉ​ണ്ടാ​ക്ക​ൽ. അ​ടു​ക്ക​ള​യി​ലെ രാ​ജ്ഞി​മാ​ർ അ​മ്മ​മാ​രാ​ണെ​ങ്കി​ലും കൊ​ഴു​ക്ക​ട്ട വി​ഭ​വ​ങ്ങ​ൾ ഒ​രു​ക്കാ​ൻ പു​രു​ഷ​ന്മാ​രു​ടെ​യും പ​ങ്കാ​ളി​ത്തം പ​ഴ​യ​കാ​ലം മുതൽ ഉ​ണ്ട്.

ആ​രോ​ഗ്യ​പു​രം പാ​റ​യ്ക്ക​ൽ കു​ര്യാ​ക്കോ​സേ​ട്ട​ന്‍റെ വീ​ട്ടി​ൽ കൊ​ഴു​ക്ക​ട്ട ഉ​ണ്ടാ​ക്കു​ന്ന​തി​ലെ പ്ര​ധാ​നി 89കാ​ര​നാ​യ കു​ര്യാ​ക്കോ​സേ​ട്ട​ൻത​ന്നെ​യാ​യി​രു​ന്നു. പ​ഴ​യ​കാ​ല രു​ചി​ക്കൂ​ട്ടു​ക​ളു​ടെ മേ​ൽ​നോ​ട്ട​വു​മാ​യി ഭാ​ര്യ റോ​സ​ക്കു​ട്ടി​യ​മ്മ​യും ഒ​പ്പം മ​ക്ക​ളും മ​രു​മ​ക്ക​ളും പേ​ര​ക്കു​ട്ടി​ക​ളു​മു​ണ്ടാ​യി​രു​ന്നു.

പ​തി​വി​ല്ലാ​തെ അ​ടു​ക്ക​ള​ക്കാ​ര്യം അ​പ്പൂ​പ്പ​നും അ​മ്മൂ​മ്മ​യും ഏ​റ്റെ​ടു​ത്ത​പ്പോ​ൾ പേ​ര​ക്കു​ട്ടി​ക​ൾ​ക്കും കൊ​ഴു​ക്ക​ട്ട ഉ​ണ്ടാ​ക്കു​ന്ന​തു കാ​ണാ​ൻ കൗ​തു​ക​മാ​യി.

പൊ​ടി കു​ഴ​യ്ക്കാ​നും മ​റ്റു​മാ​യി അ​വ​രും ഒ​പ്പം കൂ​ടി. ആ​രോ​ഗ്യ​പു​രം സെ​ന്‍റ് മേ​രീ​സ് ഇ​ട​വ​ക​യി​ലെ പ്രാ​യംകൂ​ടി​യ ദ​മ്പ​തി​ക​ളാ​ണ് കു​ര്യാ​ക്കോ​സേ​ട്ട​നും ഭാ​ര്യ റോ​സ​ക്കു​ട്ടി​യ​മ്മ​യും.

ഓ​ശാ​നഞാ​യ​റാ​ഴ്ച​യു​ടെ ത​ലേ​ന്നാ​ണ് കൊ​ഴു​ക്ക​ട്ടശ​നി​യാ​ഴ്ച എ​ന്ന​റി​യ​പ്പെ​ടു​ന്ന​ത്. ഓ​ശാ​നശ​നി, കൊ​ഴു​ക്ക​ട്ടശ​നി എ​ന്നൊ​ക്കെ​യും പേ​രു​ക​ളു​ണ്ട്. മാ​ർ​ത്തോ​മാ ന​സ്രാ​ണി​ക​ൾ വ​ലി​യ നോ​മ്പി​ന്‍റെ നാ​ല്പ​ത്തി ഒ​ന്നാം ദി​വ​സ​മാ​യ ഓ​ശാ​നത്ത​ലേ​ന്ന് ഉ​ണ്ടാ​ക്കു​ന്ന പ്ര​ത്യേ​ക പ​ല​ഹാ​ര​മാ​ണ് കൊ​ഴു​ക്ക​ട്ട.

50 നോ​മ്പി​ന്‍റെ ആ​ദ്യ 40 ദി​വ​സം ക​ർ​ത്താ​വ് നോ​മ്പുനോ​റ്റ​തി​ന്‍റെ​യും പി​ന്നീ​ടു​ള്ള പ​ത്തു ദി​വ​സം ക​ർ​ത്താ​വി​ന്‍റെ പീ​ഡാ​നു​ഭ​വ​ത്തെ​യും ഓ​ർ​ത്താ​ണ് നോ​മ്പ് എ​ടു​ക്കു​ന്ന​ത്.

വ​റു​ത്ത അ​രി​പ്പൊ​ടി കൊ​ണ്ടാ​ണ് കൊഴു​ക്ക​ട്ട ഉ​ണ്ടാ​ക്കു​ന്ന​ത്. ഇ​തി​നു​ള്ളി​ൽ നി​റ​യ്ക്കാ​ൻ തേ​ങ്ങ, ശ​ർ​ക്ക​ര, നെ​യ്യ,് ഏ​ല​ക്ക, ജീ​ര​കം തു​ട​ങ്ങി​യ ചേ​രു​വ​ക​ളും ഉ​ണ്ടാ​ക്കും. തി​ള​ച്ച വെ​ള്ള​ത്തി​ൽ അ​രി​പ്പൊ​ടി​യി​ട്ടാ​ണ് മാ​വ് കു​ഴ​യ്ക്കു​ക.

പൊ​ടി കു​ഴ​യ്ക്കു​മ്പോ​ൾത​ന്നെ തേ​ങ്ങ ചേ​ർ​ത്തും ചേ​ർ​ക്കാ​തെ​യും കൊ​ഴു​ക്ക​ട്ട ഉ​ണ്ടാ​ക്കും.
തി​ടു​ക്ക​ത്തി​ൽ മാ​വു കു​ഴ​ച്ചു​ണ്ടാ​ക്കി​യെ​ന്ന​ർ​ഥ​ത്തി​ൽ കു​ഴ​ക്ക​ട്ട എ​ന്നും ഇ​തി​നെ വി​ളി​ച്ചി​രു​ന്നു. കൊ​ഴു​ക്ക​ട്ട​യു​മാ​യി ബ​ന്ധ​പ്പെ​ട്ട പ​ല ച​രി​ത്രവാ​ദ​ങ്ങ​ളും ഉ​ണ്ട്.

ഈ​ശോ ലാ​സ​റി​ന്‍റെ ഭ​വ​ന​ത്തി​ൽ എ​ത്തി​യ​പ്പോ​ൾ ലാ​സ​റി​ന്‍റെ സ​ഹോ​ദ​രി​മാ​രാ​യ മ​ർ​ത്താ​യും മ​റി​യ​വും തി​ടു​ക്ക​ത്തി​ൽ മാ​വ് കു​ഴ​ച്ച് ഉ​ണ്ടാ​ക്കി യേ​ശു​വി​നു ന​ൽ​കി​യ ഭ​ക്ഷ​ണം എ​ന്നാ​ണ് ഒ​രു വാ​ദം.

എ​ന്നാ​ൽ ഇ​ങ്ങ​നെ​യ​ല്ല പീ​ഡാ​നു​ഭ​വച​രി​ത്ര​ത്തി​ൽ ക്രി​സ്തു​വി​നെ ക​ല്ലെ​റി​യു​ന്ന സം​ഭ​വ​ത്തെ അ​നു​സ്മ​രി​പ്പി​ക്കു​ന്ന​താ​ണ് കൊ​ഴു​ക്ക​ട്ട എ​ന്ന വാ​ദ​വു​മു​ണ്ട്.

ഫ്രാൻസിസ് തയ്യൂർ

Copyright @ 2022 , Rashtra Deepika Ltd.