ചാ​വ​ക്കാ​ട്: അ​ങ്ങാ​ടി താ​ഴ​ത്ത് ആ​ക്രി​ക്ക​ട​യി​ൽ തീ​പി​ടിത്തം. അ​ഗ്നി​സേ​ന​യും പോ​ലീ​സും നാ​ട്ടു​കാ​രും ചേ​ർ​ന്ന് ക​ഠി​ന പ്ര​യ​ത്ന​ത്തി​ൽ തീ​യ​ണ​ച്ചു.

എ​ട​പ്പാ​ൾ സ്വ​ദേ​ശി മേ​നോ​ൻ പ​റ​മ്പി​ൽ സ​ഹ​ദേ​വ​ന്‍റെ ഉ​ട​മ​സ്ഥ​ത​യി​ലു​ള്ള വെ​ളി​ച്ചെ​ണ്ണ മി​ല്ലി​നോ​ട് ചേ​ർ​ന്നു​ള്ള ആ​ക്രി​ക്ക​ട​യി​ലാ​ണ് ഇ​ന്ന​ലെ ഉ​ച്ച​യ്ക്ക് ര​ണ്ടു മ​ണി​യോ​ടെ തീ​പി​ടു​ത്തം ഉ​ണ്ടാ​യ​ത്. പ​ട്ടാ​മ്പി സ്വ​ദേ​ശി അ​ന​സി​ന്‍റെ ഉ​ട​മ​സ്ഥ​ത​യി​ലു​ള്ള ആ​ക്രി​ക്ക​ട​യി​ൽ കൂ​ട്ടി​യി​ട്ടി​രു​ന്ന പ്ലാ​സ്റ്റി​ക് മാ​ലി​ന്യ​ങ്ങ​ൾ​ക്ക് തീപി​ടി​ച്ച​താ​ണ് അ​പ​ക​ട​ത്തി​ന് കാ​ര​ണ​മാ​യ​ത്.

തു​ട​ർ​ന്ന് പ്ര​ദേ​ശ​ത്ത് ക​റു​ത്ത പു​ക ഉ​യ​ർ​ന്നു. ഇ​തി​ന് സ​മീ​പ​ത്തെ പാ​ല​യൂ​ർ സ്വ​ദേ​ശി യൂ​സ​ഫിന്‍റെ വ​ർ​ക്ക് ഷോ​പ്പി​ലേ​ക്കും തീ ​പ​ട​ർ​ന്നു. വ​ർ​ക്ക്ഷോ​പ്പി​ന്‍റെ ഓ​ടി​ട്ട മേ​ൽ​ക്കൂ​ര ഭാ​ഗി​ക​മാ​യി നി​ലം​പൊ​ത്തി. ഇ​വി​ടെ ഉ​ണ്ടാ​യി​രു​ന്ന ആ​ഡം​ബ​ര കാ​റ​ട​ക്കം അ​ഞ്ചു വാ​ഹ​ന​ങ്ങ​ൾ നാ​ട്ടു​കാ​രു​ടെ സ​ഹാ​യ​ത്തോ​ടെ മാ​റ്റി​യി​ട്ടു. കു​റെ സ​മ​യം ഗ​താ​ഗ​തം ത​ട​സ​പ്പെ​ട്ടു. സ്വ​കാ​ര്യ ബ​സി​ൽ യാ​ത്ര ചെ​യ്തി​രു​ന്ന കു​ട്ടി​ക​ൾ​ക്ക് പു​ക ശ്വ​സി​ച്ച് അ​സ്വ​സ്ഥ​ത അ​നു​ഭ​വ​പ്പെ​ട്ടു. തു​ട​ർ​ന്ന് വാ​ഹ​ന​ങ്ങ​ൾ വ​ഴി​തി​രി​ച്ചു​വി​ട്ടു.

ക​ഴി​ഞ്ഞ​വ​ർ​ഷ​വും ഈ ​സ്ഥാ​പ​ന​ത്തി​ന് തീ​പി​ടി​ച്ചി​രു​ന്നു. സു​ര​ക്ഷാ പാ​ലി​ക്കാ​തെ അ​ന​ധി​കൃ​ത​മാ​യാ​ണ് സ്ഥാ​പ​നം പ്ര​വ​ർ​ത്തി​ക്കു​ന്ന​ത് എ​ന്ന് നാ​ട്ടു​കാ​ർ ആ​രോ​പി​ച്ചു. ഗു​രു​വാ​യൂ​ർ, നാ​ട്ടി​ക, തൃ​ശൂ​ർ എ​ന്നി​വി​ട​ങ്ങ​ളി​ൽ നി​ന്ന് ഫ​യ​ർ​ഫോ​ഴ്സ് എ​ത്തി ഒ​ന്ന​ര മ​ണി​ക്കൂ​ർ ക​ഠി​ന​ശ്ര​മം ന​ട​ത്തി​യാ​ണ് തീ ​അ​ണ​ച്ച​ത്. ല​ക്ഷ​ക്ക​ണ​ക്കി​ന് രൂ​പ​യു​ടെ ന​ഷ്ടം സം​ഭ​വി​ച്ച​താ​യി സ്ഥാ​പ​ന ഉ​ട​മ​ക​ൾ പ​റ​ഞ്ഞു.