വീട് നവീകരിച്ചുനല്‍കി
1477839
Sunday, November 10, 2024 3:26 AM IST
കാട്ടൂര്‍: സ്‌നേഹക്കൂട് പദ്ധതിയുമായിചേര്‍ന്ന് പോംപേ സെന്‍റ് മേരീസ് സ്‌കൂളിലെ എന്‍എസ്എസ് യൂണിറ്റ് നവീകരിച്ചുനല്‍കിയ തിയ്യത്തുപറമ്പില്‍ അജയന്‍റെ വീടിന്‍റെ ഉദ്ഘാടനം മന്ത്രി ആര്‍. ബിന്ദു നിര്‍വഹിച്ചു.
ഇരിങ്ങാലക്കുട നിയോജകമണ്ഡലത്തിലെ ഭവനരഹിതരായ കുടുംബങ്ങള്‍ക്ക് വീട് നിര്‍മിച്ചുനല്‍കുക എന്ന ലക്ഷ്യത്തോടെ മന്ത്രി ആര്‍. ബിന്ദു നടപ്പിലാക്കുന്നതാണ് പദ്ധതി. പഞ്ചായത്ത് പ്രസിഡന്‍റ് ടി.വി. ലത അധ്യക്ഷതവഹിച്ചു. പ്രിന്‍സിപ്പല്‍ കെ.ബി. പ്രിയ, എന്‍എസ്എസ് ജില്ലാ കോ-ഓര്‍ഡിനേറ്റര്‍ ടി.വി. സതീഷ്, ബ്ലോക്ക് പഞ്ചായത്ത് അംഗം വി.എ. ബഷീര്‍, പഞ്ചായത്ത് വൈസ് പ്രസിഡന്‍റ് കമറുദ്ദീന്‍, എന്‍എസ്എസ് പ്രോഗ്രാം ഓഫിസര്‍ വി.ബി. വിനിത, സൈമണ്‍ ജോസ്, എം.കെ. ബൈജു എന്നിവര്‍ പ്രസംഗിച്ചു.