ദേ​വ​സ്വം​സ്ഥ​ലം ഏ​റ്റെ​ടു​ക്കാ​തെ​ത​ന്നെ തി​രു​വെ​ങ്കി​ടം അ​ടി​പ്പാ​ത നി​ർ​മി​ക്കാ​നാ​കും
Friday, October 11, 2024 7:01 AM IST
ഗു​രു​വാ​യൂ​ർ: സ​തേ​ൺ റെ​യി​ൽ​വേ ജ​ന​റ​ൽ മാ​നേ​ജ​രും ഡി​വി​ഷ​ണ​ൽ റെ​യി​ൽ​വെ മാ​നേ​ജ​രും ഗു​രു​വാ​യൂ​രി​ലെ​ത്തി സ്റ്റേഷ​നി​ലെ നി​ർ​മാ​ണപു​രോ​ഗ​തി വി​ല​യി​രു​ത്തി.​ ഭൂ​മി ഏറ്റെ​ടു​ക്ക​ലു​മാ​യി ബ​ന്ധ​പ്പെ​ട്ട് കേ​സ് നി​ലനി​ൽ​ക്കു​ന്ന​തുകാ​ര​ണം അ​നി​ശ്ചി​ത​ത്വ​ത്തി​ലാ​യി​രു​ന്ന തി​രു​വെ​ങ്കി​ടം അ​ടി​പ്പാ​ത നി​ർ​മാ​ണം തു​ട​ങ്ങാ​ൻ സാ​ധ്യ​ത തെ​ളി​യു​ന്നു.

സ​തേ​ൺ റെ​യി​ൽ​വെ ജ​ന​റ​ൽ മാ​നേ​ജ​ർ ആ​ർ.​എ​ൻ.​ സി​ംഗും ഡി​വി​ഷ​ണ​ൽ റെ​യി​ൽ​വേ മാ​നേ​ജ​ർ മ​നീ​ഷ് ത​പ്ലി​യാ​ൽ എ​ന്നി​വ​രാ​ണു ഗു​രു​വാ​യൂ​ർ റെ​യി​ൽ​വേ സ്റ്റേഷ​നി​ലെ​ത്തി​യ​ത്.​ ഇ​രു​വ​രും റെ​യി​ൽ​വേ സ്റ്റേഷ​നി​ൽ ന​ട​ക്കു​ന്ന നി​ർ​മാ​ണപ്ര​വൃ​ത്തി​യു​ടെ പു​രോ​ഗ​തി​യും തി​രു​വെ​ങ്കി​ടം അ​ടി​പ്പാ​ത​യു​ടെ സാ​ധ്യ​ത​യെക്കുറി​ച്ചും വി​ശ​ദ​മാ​യി പ​രി​ശോ​ധി​ച്ചു.​

ദേ​വസ്വം സ്ഥ​ലം ഏ​റ്റെ​ടു​ക്കാ​തെ​ത​ന്നെ അ​ടി​പ്പാ​ത നി​ർ​മി​ക്കു​വാ​ൻ ക​ഴി​യു​മെ​ന്നാ​ണ് ഉ​ന്ന​ത ഉ​ദ്യോ​ഗ​സ്ഥ​ർ വി​ല​യി​രു​ത്തി​യ​ത്.​ ഇ​തി​നാ​യി നി​ല​വി​ലെ പ്ലാ​നി​ൽ ചെ​റി​യ മാ​റ്റംവ​രു​ത്തും. ദേ​വ​സ്വം സ്ഥ​ലം നി​ൽ​ക്കു​ന്ന ഭാ​ഗ​ത്താ​ണു പ്ലാ​നി​ൽ മാ​റ്റംവ​രു​ത്തേ​ണ്ട​ത്. ​ഒ​രു ച​രി​വോ​ടുകൂ​ടി ബോ​ക്സ് ടൈ​പ്പ് അ​ടി​പ്പാ​ത നി​ർ​മി​ക്കാ​നാ​കു​മെ​ന്നാ​ണു വി​ല​യി​രു​ത്ത​ൽ.

അ​ടി​പ്പാ​ത​യ്ക്ക് ദേ​വ​സ്വം വി​ട്ടുന​ൽ​കാ​മെ​ന്ന് അ​റി​യി​ച്ചി​രു​ന്ന സ്ഥ​ല​വും സ്വ​കാ​ര്യവ്യ​ക്തി​യു​ടെ ഏ​റ്റെ​ടു​ക്കു​ന്ന സ്ഥ​ല​വും ഉ​ദ്യോ​ഗ​സ്ഥ​ർ നോ​ക്കിക്കണ്ടു.​ അ​ടി​പ്പാ​ത​യു​ടെ പ്ലാ​ൻ വി​ശ​ദ​മാ​യി പ​രി​ശോ​ധി​ച്ച് വെ​ള്ള​ത്തി​ന്‍റെ ഒ​ഴു​ക്കി​നെക്കുറി​ച്ചും അ​പ്രോ​ച്ച് റോ​ഡി​നെ​ക്കുറി​ച്ചും ഉ​ദ്യോ​ഗ​സ്ഥ​രു​മാ​യി ച​ർ​ച്ചന​ട​ത്തി.​ ഭൂ​മി ഏ​റ്റെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട കേ​സി​നെ​ക്കുറി​ച്ചും ചോ​ദി​ച്ച​റി​ഞ്ഞു.​ ഡിആ​ർഎം ​ര​ണ്ടുമ​ണി​ക്കൂ​റോ​ളം സ്റ്റേ​ഷ​ൻ പ​രി​സ​ര​ത്തുന​ട​ന്ന് പ​രി​ശോ​ധി​ച്ചു.​ പി​ന്നീ​ടാ​ണ് ജ​ന​റ​ൽ​ മാ​നേ​ജ​ർ പ​രി​ശോ​ധ​ന ന​ട​ത്തി​യ​ത്.


ഇ​ന്ന​ലെ ഉ​ച്ച​യ്ക്ക് ഒ​ന്നോ​ടെ തൃ​ശൂ​രി​ൽനി​ന്ന് സ്പെ​ഷൽ ട്രെ​യി​നി​ലാ​ണ് ഉ​യ​ർ​ന്ന ഉ​ദ്യോ​ഗ​സ്ഥ​ർ ഗു​രു​വാ​യൂ​രി​ലെ​ത്തി​യ​ത്.​ ഗു​രു​വാ​യൂ​രി​ലെ​ത്തി​യ ജ​ന​റ​ൽ മാ​നേ​ജ​ർ ആ​ർ.​എ​ൻ.​ സിം​ഗ് വ​ന്ന​യു​ട​ൻ മെ​ട്രോ​മാ​ൻ ഇ.​ ശ്രീ​ധ​ര​നെ കാ​ണു​ന്ന​തിനും ച​ർ​ച്ച ന​ട​ത്തു​ന്ന​തി​നു​മാ​യി പൊ​ന്നാ​നി​യി​ലെ ശ്രീ​ധ​ര​ന്‍റെ വ​സ​തി​യി​ലേ​ക്കുപോ​യി.​ തി​രി​ച്ചെ​ത്തി​യശേ​ഷ​മാ​യി​രു​ന്നു ജ​ന​റ​ൽ മാ​നേ​ജ​രു​ടെ പ​രി​ശോ​ധ​ന.​

ഉ​ന്ന​ത ഉ​ദ്യോ​ഗ​സ്ഥ​രു​ടെ നി​ർ​ദേ​ശ​ത്തി​ന്‍റെ അ​ടി​സ്ഥാ​ന​ത്തി​ൽ റെ​യി​ൽ​വേക്ക് റി​പ്പോ​ർ​ട്ട് കൈ​മാ​റും.​ തു​ട​ർ​ന്ന് പു​തി​യ പ്ലാ​ൻ അം​ഗീ​ക​രി​ച്ചുക​ഴി​ഞ്ഞാ​ൽ അ​ടി​പ്പാ​ത നി​ർ​മാ​ണം ആ​രം​ഭി​ക്കാ​നാ​ണ് പ​ദ്ധ​തി.​ അ​മൃ​ത് സ്റ്റേ​ഷ​ൻ പ​ദ്ധ​തി​യു​ടെ ഭാ​ഗ​മാ​യി ന​ടക്കു​ന്ന നി​ർ​മാ​ണപ്ര​വൃത്തികൾ ഡി​സം​ബ​റോ​ടെ പൂ​ർ​ത്തീ​ക​രി​ച്ച് ജ​നു​വ​രി​യി​ൽ നാ​ടി​നുസ​മ​ർ​പ്പി​ക്കും.