ചാല​ക്കു​ടി: അ​തി​ര​പ്പി​ള്ളി - ചാ​ല​ക്കു​ടി റൂ​ട്ടി​ൽ കെ​എ​സ്ആ​ർടിസി ജീ​വ​ന​ക്കാ​ർ സ്വ​കാ​ര്യബ​സ് സ​ർ​വീ​സി​നെ ന​ശി​പ്പി​ക്കു​ന്ന​താ​യി അ​തി​ര​പ്പി​ള്ളി മേ​ഖ​ല​യി​ലെ സ്വ​കാ​ര്യബസു​ട​മ -​ തൊ​ഴി​ലാ​ളി സം​ര​ക്ഷ​ണസ​മി​തി ആ​രോ​പി​ച്ചു.

അ​ധി​കാ​രി​ക​ൾ ഇ​തി​നു പ​രി​ഹാ​രം ഉ​ണ്ടാ​ക്കി​യി​ല്ലെ​ങ്കി​ൽ ചാ​ല​ക്കു​ടി - അ​തി​ര​പ്പി​ള്ളി മേ​ഖ​ല​യി​ലെ ബ​സു​ട​മ​ക​ളും തൊ​ഴി​ലാ​ളി​ക​ളും കു​ടും​ബ​സ​മേ​തം ലോ​ക​്സ​ഭാ തെര​ഞ്ഞെ​ടു​പ്പ് ബ​ഹി​ഷ്‌​ക​രി​ക്കു​ന്ന​ത​ട​ക്ക​മു​ള്ള പ്ര​തി​ഷേ​ധ മാ​ർ​ഗ​ങ്ങ​ളി​ലേ​ക്ക് നീ​ങ്ങു​മെ​ന്ന് മു​ന്ന​റി​യി​പ്പുന​ൽ​കി.

കോ​വി​ഡ് 19ന് ശേ​ഷം അ​തി​ര​പ്പി​ള്ളി -ചാ​ല​ക്കു​ടി മേ​ഖ​ല​യി​ൽ യാ​തൊ​രുവി​ധ നി​യ​ന്ത്ര​ണ​ങ്ങ​ളും ഇ​ല്ലാ​തെ കെ​എ​സ്​ആ​ർ​ടി​സി സ​ർ​വീ​സ് ന​ട​ത്തു​ക​യാ​ണെ​ന്ന് ഇ​വ​ർ ആ​രോ​പി​ച്ചു. 30 വ​ർ​ഷ​ത്തി​ലേ​റെ​യാ​യി സ​ർ​വീ​സ് ന​ട​ത്തു​ന്ന സ്വ​കാ​ര്യബസു​ക​ളു​ടെ തൊ​ട്ടുമു​മ്പി​ൽ ഒ​രു സ​മ​യ​ക്ര​മ​വും പാ​ലി​ക്കാ​തെ​യാ​ണ് കെ​എ​സ്​ആ​ർ​ടി​സി സ​ർ​വീ​സ് ന​ട​ത്തു​ന്ന​ത്.

കെ​എ​സ്ആ​ർടി​സി​യു​ടെ ഈ ​ന​ട​പ​ടി​ക്കെ​തി​രെ അ​തി​ര​പ്പി​ള്ളി പ​ഞ്ചാ​യ​ത്തി​ൽ സ​ർ​വ​ക​ക്ഷി​യോ​ഗം വി​ളി​ച്ച് ബ​സു​ക​ൾ ത​മ്മി​ലു​ള്ള സ​മ​യ​വ്യ​ത്യാ​സം 20 മി​നി​റ്റ് ആ​ക്ക​ണ​മെ​ന്ന് നി​ർ​ദേ​ശം ന​ൽ​കി​യി​ട്ടു​ള്ള​താ​ണ്.

ഇ​തി​നെ​തി​രെ ഗ​താ​ഗ​ത​മ​ന്ത്രി​ക്ക് നേ​രി​ൽക​ണ്ട് പ​രാ​തി കൊ​ടു​ക്കു​ക​യും ചെ​യ്തി​ട്ടു​ള്ള​താ​ണ്. എ​ന്നാ​ൽ ഇ​തി​നൊ​ന്നും യാ​തൊ​രു പ​രി​ഹാ​ര​വും ഉ​ണ്ടാ​യി​ട്ടി​ല്ല. കോ​വി​ഡ് 19 ശേ​ഷം ഏ​ക​ദേ​ശം 10 സ​ർ​വീ​സു​ക​ൾ ആ​ണ് കെ​എ​സ്​ആ​ർ​ടിസി ഈ ​റൂ​ട്ടി​ൽ കൂ​ടു​ത​ലാ​യി ആ​രം​ഭി​ച്ച​ത്.

ഇ​തി​ന് ഒ​രു പ​രി​ഹാ​രം ഉ​ണ്ടാ​കു​ന്ന​തുവ​രെ സ​മ​ര​മു​റ​ക​ളു​മാ​യി മു​ന്നോ​ട്ട് പോ​കു​മെ​ന്ന് പത്രസ​മ്മേ​ള​ന​ത്തി​ൽ സി.​വി. ​സു​രേ​ഷ്, രാ​ജേ​ഷ് മ​ഹി​മ, മി​ൽ​ട്ട​ൺ പി.​ഡേ​വി​സ്, ഷി​ബു ആ​ട്ടോ​ക്കാ​ര​ൻ, കെ.​ജി.​ ജി​ജേ​ഷ് കു​മാ​ർ, ഡാ​നി​ഷ് ഡേ​വി​സ്, ദേ​വ​സി​ക്കു​ട്ടി, പൗ​ലോ​സ് കു​ണ്ടു​കു​ളം, സു​മേ​ഷ് തു​ട​ങ്ങി​യ​വ​ർ അ​റി​യി​ച്ചു.