വ​ന്യ​മൃ​ഗ​ശ​ല്യം: മു​ന്ന​റി​യി​പ്പ് ബോ​ർ​ഡു​കളുമായി വ​നംവ​കു​പ്പ്
Tuesday, March 5, 2024 1:26 AM IST
അ​തി​ര​പ്പി​ള്ളി: പ്ലാ​ന്‍റേ​ഷ​ൻ റോ​ഡു​ക​ളി​ലും പ​രി​സ​ര​ത്തും വ​ന്യ​മൃ​ഗ​ങ്ങ​ളു​ടെ ശ​ല്യം രൂ​ക്ഷ​മാ​യ​തോ​ടെ മു​ന്ന​റി​യി​പ്പു ബോ​ർ​ഡു​ക​ൾ സ്ഥാ​പി​ച്ച് വ​നം വ​കു​പ്പ്. ഏ​ഴാ​റ്റു​മു​ഖം മു​ത​ൽ അ​യ്യ​മ്പു​ഴ വ​രെ​യു​ള്ള റോ​ഡ​രി​കു​ക​ളി​ൽ വി​വി​ധ ഇ​ട​ങ്ങ​ളി​ലാ​യി അ​ന്പ​തോ​ളം ബോ​ർ​ഡു​ക​ളാ​ണ് സ്ഥാ​പി​ച്ചി​രി​ക്കു​ന്ന​ത്. എ​ന്നാ​ൽ ബോ​ർ​ഡു​ക​ൾ സ്ഥാ​പി​ച്ച​ത​ല്ലാ​തെ യാ​തൊ​രു സു​ര​ക്ഷാസം​വി​ധാ​ന​വും ഒ​രു​ക്കി​യി​ട്ടി​ല്ല. ഇ​വി​ട​ങ്ങ​ളി​ൽ വ​ന്യ​ജീ​വി​ക​ളു​ടെ അ​ടു​ത്തേ​ക്ക് വി​നോ​ദ​സ​ഞ്ചാ​രി​ക​ൾ എ​ത്തു​ന്ന​ത് പ​തി​വു​കാ​ഴ്ച​യാ​ണ്. വി​നോ​ദസ​ഞ്ചാ​രി​ക​ളെ നി​യ​ന്ത്രി​ക്കു​ന്ന​തി​ന് വാ​ച്ച​റെപ്പോലും നി​യ​മി​ച്ചി​ട്ടി​ല്ല.

റോ​ഡി​ൽ വാ​ഹ​ന​ങ്ങ​ൾ നി​ർ​ത്താ​നോ വ​ന്യ​മൃ​ഗ​ങ്ങ​ളു​ടെ ഫോ​ട്ടോ​യെ​ടു​ക്കാ​നോ സ​ഞ്ചാ​രം ത​ട​സ​പ്പെ​ടു​ത്താ​നോ പാ​ടി​ല്ല തു​ട​ങ്ങി​യ നി​ർ​ദേ​ശ​ങ്ങ​ൾ എ​ല്ലാം ബോ​ർ​ഡി​ൽ ഉ​ണ്ട്. ഈ ​നി​ർ​ദേ​ശ​ങ്ങ​ൾ ലം​ഘി​ച്ചാ​ൽ കേ​സെ​ടു​ക്കു​മെ​ന്നും അ​റി​യി​ക്കു​ന്നു.

വി​നോ​ദ​സ​ഞ്ചാ​രി​ക​ളി​ൽ ഏ​റി​യ​പ​ങ്കും ഈ ​നി​യ​മ​ങ്ങ​ളെ​ല്ലാം കാ​റ്റി​ൽ​പ്പ​റ​ത്തി​യാ​ണ് വ​ന്യ​മൃ​ഗ​ങ്ങ​ളെ കാ​ണു​മ്പോ​ൾ പെ​രു​മാ​റു​ന്ന​ത്. സ്ത്രീ​ക​ളും കു​ട്ടി​ക​ളും അ​ട​ക്ക​മു​ള്ള​വ​ർ വ​ന്യ​മൃ​ഗ​ങ്ങ​ളെ കാ​ണു​മ്പോ​ൾ ആ​വേ​ശ​ത്തോ​ടെ ബ​ഹ​ളം​വ​യ്ക്കു​ക​യും അ​ടു​ത്തുചെ​ന്ന് ഫോ​ട്ടോ​യെ​ടു​ക്കാ​ൻ തി​ക്കി​ത്തി​ര​ക്കു​ക​യും ചെ​യ്യു​ക​യാ​ണ്. ആ​ന​ക​ളെ കാ​ണു​മ്പോ​ൾ ബ​ഹ​ളം​വ​ച്ചും ക​ല്ലെ​റി​ഞ്ഞും പ്ര​കോ​പി​പ്പി​ക്കു​മ്പോ​ൾ അ​വ ആ​ക്ര​മി​ക്കാ​നാ​യി പാ​ഞ്ഞ​ടു​ക്കു​ന്ന​ത് പ​തി​വു​സം​ഭ​വ​മാ​ണ്.
ര​ണ്ടു​വ​ർ​ഷ​ത്തി​നു​ള്ളി​ലാ​ണ് കാ​ട്ടാ​ന​ശ​ല്യം ഈ ​മേ​ഖ​ല​ക​ളി​ൽ അ​തി​രൂ​ക്ഷ​മാ​യി​രി​ക്കു​ന്ന​ത്.