എം​ജി റോ​ഡി​ലൂടെ മ​ദ്യ​ല​ഹ​രി​യി​ല്‍ കാ​റി​ല്‍ യു​വാ​ക്ക​ളു​ടെ അ​ഭ്യാ​സ പ്ര​ക​ട​നം; മൂ​ന്നു​പേ​ര്‍ അ​റ​സ്റ്റി​ല്‍
Wednesday, August 14, 2024 4:25 AM IST
കൊ​ച്ചി: കോ​ഴി​ക്കോ​ട് ന​ട​ന്ന ഇ​ന്‍റ​ര്‍​വ്യു​വി​ല്‍ പ​ങ്കെ​ടു​ത്ത് മ​ട​ങ്ങ​വെ മ​ദ്യ​ല​ഹ​രി​യി​ല്‍ കാ​റി​ല്‍ അ​ഭ്യാ​സ പ്ര​ക​ട​നം ന​ട​ത്തി​യ മൂ​ന്നു യു​വാ​ക്ക​ള്‍ അ​റ​സ്റ്റി​ല്‍. കൊ​ല്ലം സ്വ​ദേ​ശി​ക​ളാ​യ ക​രു​നാ​ഗ​പ്പ​ള്ളി എ​സ്.​എ​സ് മ​ന്‍​സി​ലി​ല്‍ എ​ന്‍.​എ​സ്. ഷു​ഹൈ​ബ് (24), ശാ​സ്താം​കോ​ട്ട കൃ​ഷ്ണാ​ല​യ​ത്തി​ല്‍ പി. ​പ്ര​ജീ​ഷ് (23), ശാ​സ്താം​കോ​ട്ട കു​രി​ശ​ടി വ​ട​ക്കേ​തി​ല്‍ ഷാ​ഫി ഷാ​ജ​ഹാ​ന്‍ (23) എ​ന്നി​വ​രെ​യാ​ണ് എ​റ​ണാ​കു​ളം സെ​ന്‍​ട്ര​ല്‍ പോ​ലീ​സ് ഇ​ന്‍​സ്‌​പെ​ക്ട​ര്‍ അ​നീ​ഷ് ജോ​യി, എ​സ്‌​ഐ അ​നൂ​പ് ചാ​ക്കോ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം അ​റ​സ്റ്റ് ചെ​യ്ത​ത്.

ഇ​ന്നലെ പു​ല​ര്‍​ച്ചെ ഒ​ന്നി​ന് എം​ജി റോ​ഡി​ലാ​യി​രു​ന്നു സം​ഭ​വം. കോ​ഴി​ക്കോ​ട് നി​ന്ന് ഇ​ന്‍റ​ര്‍​വ്യൂ​വി​നു ശേ​ഷം കാ​റി​ല്‍ കൊ​ല്ല​ത്തേ​ക്കു പോ​കു​ക​യാ​യി​രു​ന്നു യു​വാ​ക്ക​ള്‍. ഷു​ഹൈ​ബി​നാ​യി​രു​ന്നു ഇ​ന്‍റ​ര്‍​വ്യൂ. ഗൂ​ഗി​ൾ മാ​പ്പ് തെ​റ്റി​യ​തി​നെ തു​ട​ര്‍​ന്ന് ഇ​വ​ര്‍ ക​ലൂ​രി​ല്‍ നി​ന്ന് എം​ജി റോ​ഡ് ഭാ​ഗ​ത്തേ​ക്ക് സ​ഞ്ച​രി​ക്ക​വെ​യാ​ണ് കാ​റി​ല്‍ അ​ഭ്യാ​സ​പ്ര​ക​ട​നം ന​ട​ത്തി​യ​ത്. ഒ​രാ​ള്‍ കാ​ർ ഓടി​ക്കു​ക​യും ര​ണ്ടു പേ​ര്‍ കാ​റി​ന്‍റെ വ​ശ​ങ്ങ​ളി​ലൂ​ടെ ദേ​ഹം പു​റ​ത്തേ​ക്കി​ട്ട് എ​ഴു​ന്നേറ്റ് നി​ന്ന് യാ​ത്ര ചെ​യ്യു​ക​യു​മാ​യി​രു​ന്നു.


ഇ​വ​ര്‍​ക്ക് പി​ന്നാ​ലെ മ​റ്റൊ​രു വാ​ഹ​ന​ത്തി​ല്‍ സ​ഞ്ച​രി​ക്കു​ക​യാ​യി​രു​ന്ന യാ​ത്ര​ക്കാ​ര്‍ ദൃ​ശ്യ​ങ്ങ​ള്‍ മൊ​ബൈ​ല്‍ കാ​മ​റ​യി​ല്‍ പ​ക​ര്‍​ത്തി പോ​ലീ​സി​ന് അ​യ​ച്ചു​കൊ​ടു​ത്തു. പോ​ലീ​സ് മാ​ധ​വ ഫാ​ര്‍​മ​സി ജം​ഗ്ഷ​നി​ല്‍ വ​ച്ച് മൂ​വ​രെ​യും കൈ​യോ​ടെ പി​ടി​കൂ​ടി. ഇ​വ​ര്‍ മ​ദ്യ​ല​ഹ​രി​യി​ല്‍ ആ​യി​രു​ന്നെ​ന്ന് പോ​ലീ​സ് പ​റ​ഞ്ഞു.

മ​ദ്യ​പി​ച്ച് അ​ല​ക്ഷ്യ​മാ​യി വാ​ഹ​ന​മോ​ടി​ച്ച​തി​നാ​ണ് ഇ​വ​ര്‍​ക്കെ​തി​രെ കേ​സെ​ടു​ത്തി​രി​ക്കു​ന്ന​ത്. മോ​ട്ടോര്‍ വാ​ഹ​ന വ​കു​പ്പ് നി​യ​മ പ്ര​കാ​രം ലൈ​സ​ന്‍​സ് കാ​ന്‍​സ​ല്‍ ചെ​യ്യാ​നു​ള്ള അ​പേ​ക്ഷ ന​ല്‍​കും. കാ​ര്‍ കോ​ട​തി​യി​ല്‍ ഹാ​ജ​രാ​ക്കി. ര​ക്ഷി​താ​ക്ക​ള്‍ എ​ത്തി​യ​തി​നെ തു​ട​ര്‍​ന്ന് ക​സ്റ്റ​ഡി​യി​ലു​ള്ള പ്ര​തി​ക​ളെ സ്റ്റേ​ഷ​ന്‍ ജാ​മ്യ​ത്തി​ല്‍ വി​ട്ട​യ​ച്ചു.