വന്യജീവി ആക്രമണങ്ങൾ: കോ​ത​മം​ഗ​ലത്ത് പ്രതിഷേധമിരന്പി
Thursday, February 29, 2024 4:16 AM IST
കോ​ത​മം​ഗ​ലം: ജ​ന​പ​ങ്കാ​ളി​ത്തംകൊ​ണ്ട് കോ​ത​മം​ഗ​ലം ക​ണ്ട​തി​ല്‍ ഏ​റ്റ​വും വ​ലി​യ പ്ര​തി​ഷേ​ധ​മാ​യി മാ​റി, വർധിച്ചു വരുന്ന വന്യമൃഗശല്യത്തിനെ തിരേ രൂ​പ​ത ന​ട​ത്തി​യ മ​നു​ഷ്യാ​വ​കാ​ശ സം​ര​ക്ഷ​ണ റാ​ലി. ഇ​ന്ന​ലെ വൈ​കു​ന്നേ​രം നാ​ലോ​ടെ കോ​ത​മം​ഗ​ലം കെ​എ​സ്ആ​ര്‍​ടി​സി ജം​ഗ്ഷ​നി​ല്‍ രൂ​പ​ത വി​കാ​രി ജ​ന​റാ​ള്‍ മോ​ണ്‍.​ പ​യ​സ് മ​ലേക്ക​ണ്ട​ത്തി​ല്‍ കാ​ട്ടാ​ന ആ​ക്ര​മ​ണ​ത്തി​ല്‍ പ​രി​ക്കേ​റ്റ, പൂ​യം​കു​ട്ടി കൂ​ന​ത്താ​ന്‍ ബെ​ന്നി​ക്ക് പ​താ​ക കൈ​മാ​റി​യാ​ണ് റാ​ലി ഉ​ദ്ഘാ​ട​നം ചെ​യ്ത​ത്.

ബി​ഷ​പ് മാ​ര്‍ ജോ​ര്‍​ജ് മ​ഠ​ത്തി​ക്ക​ണ്ട​ത്തി​ല്‍, വി​കാ​രി ജ​ന​റാ​ള്‍​മാ​രാ​യ മോ​ണ്‍. ഫ്രാ​ന്‍​സി​സ് കീരം​പാ​റ, മോൺ. പ​യ​സ് മലേ​ക്ക​ണ്ടത്തിൽ എ​ന്നി​വ​ര്‍ റാ​ലി​യു​ടെ മു​ന്‍​നി​ര​യി​ല്‍ ആ​ദ്യാ​വ​സാ​അ​ടു​ത്ത കാ​ല​ത്ത് വ​ന്യ​മൃ​ഗ ആ​ക്ര​മ​ണ​ങ്ങ​ളി​ല്‍ മ​രി​ച്ച​വ​രു​ടെ ബ​ന്ധു​ക്ക​ളും പ​രി​ക്കേ​റ്റ​വ​രു​മു​ള്‍​പ്പെ​ടെ വ​ന്യ​മൃ​ഗ ആ​ക്ര​മ​ണ​ങ്ങ​ളു​ടെ ഇ​ര​ക​ളാ​യ 20 പേ​ര്‍ റാ​ലി​യു​ടെ മു​ന്‍​നി​ര​യി​ല്‍ അ​ണി​നി​ര​ന്ന​തും ശ്ര​ദ്ധേ​യ​മാ​യി.

കോ​ത​മം​ഗ​ലം, മൂ​വാ​റ്റു​പു​ഴ, തൊ​ടു​പു​ഴ മേ​ഖ​ല​ക​ളി​ല്‍ നി​ന്നു​ള്ള നാ​നാ​ജാ​തി മ​ത​സ്ഥ​രാ​യ ക​ര്‍​ഷ​ക​ര്‍ പ്ല​ക്കാ​ർഡുക​ളു​മാ​യി റാ​ലി​യി​ല്‍ അ​ണി​നി​ര​ന്നു. സ്ത്രീ​ക​ളും കു​ട്ടി​ക​ളും സ​ന്യ​സ്ഥ​രും വൈ​ദി​ക​രും ഉ​ള്‍​പ്പെ​ടെ പതിനായിരത്തോളം പേർപ​ങ്കാ​ളി​ക​ളാ​യി. കോ​ത​മം​ഗ​ല​ത്തെ വി​വി​ധ രാ​ഷ്ട്രീ​യ സാ​മൂ​ഹ്യ സാം​സ്‌​കാ​രി​ക പ്ര​വ​ര്‍​ത്ത​ക​രും റാ​ലി​യി​ല്‍ അ​ണി​നി​ര​ന്നു.

ഉ​ച്ച​ക​ഴി​ഞ്ഞ് മൂ​ന്നോ​ടെ കോ​ത​മം​ഗ​ലം കെ​എ​സ്ആ​ര്‍​ടി​സി ജം​ഗ്ഷ​ന്‍ പ​രി​സ​രം പ്രതിഷേധക്കാരെകൊണ്ട് നി​റ​ഞ്ഞു ക​വി​ഞ്ഞു. മ​നു​ഷ്യജീ​വ​ന് മൃ​ഗ​ങ്ങ​ളേ​ക്കാ​ള്‍ വി​ല ക​ല്‍​പി​ക്കു​ക, വ​ന്യ​മൃ​ഗ​ങ്ങ​ളെ വ​ന​ത്തി​ന്‍റെ ആ​വാ​സ​വ്യ​വ​സ്ഥ​യി​ല്‍ ത​ന്നെ നി​ല​നി​റു​ത്തു​ക, ദു​രി​ത​ബാ​ധി​ത​ര്‍​ക്ക് അ​ര്‍​ഹ​മാ​യ ന​ഷ്ടപ​രി​ഹാ​രം ന​ല്‍​കു​ക തു​ട​ങ്ങിയ മു​ദ്രാ​വാ​ക്യ​ങ്ങ​ളും റാ​ലി​യി​ല്‍ ഉ​യ​ര്‍​ന്നു. മല​യോ​ര ക​ര്‍​ഷ​ക​രും അ​വ​രു​ടെ ഉ​റ്റ​വ​രും വ​ന്യ​മൃ​ഗ​ശ​ല്യം നേ​രി​ടു​ന്ന​തി​ന്‍റെ ആ​ത്മ​രോ​ഷം റാ​ലി​യി​ലു​ട​നീ​ളം മു​ഴ​ങ്ങി. കോ​ത​മം​ഗ​ലം മാ​ര്‍ത്തോ​മ ചെ​റി​യ പ​ള്ളി വി​കാ​രി ഫാ.​ജോ​സ് പ​ര​ത്തു​വ​യ​ലി​ല്‍ റാ​ലി​ക്ക് ഐ​ക്യ​ദാ​ര്‍​ഡ്യം പ്ര​ഖ്യാ​പി​ച്ചു.

റാ​ലി​ക്ക് മു​ന്നോ​ടി​യാ​യി വെ​ളി​യേ​ല്‍​ച്ചാ​ല്‍ സെ​ന്‍റ് ജോ​സ​ഫ് ഫൊ​റോ​ന വി​കാ​രി റ​വ.​ഡോ. തോ​മ​സ് പ​റ​യി​ടം, പ്ര​ഫ. ജോ​സു​കു​ട്ടി ഒ​ഴു​ക​യി​ല്‍ എ​ന്നി​വ​ര്‍ ആ​മു​ഖ​പ്ര​സം​ഗം ന​ട​ത്തി. വ​ള​രെ അ​ച്ച​ട​ക്ക​ത്തോ​ടെ​യും സ​മാ​ധാ​നപ​ര​മാ​യും ന​ട​ത്തി​യ റാലി കോ​ത​മം​ഗ​ലം ഡി​എ​ഫ്ഒ ഓ​ഫീ​സി​ന് മു​ന്നി​ല്‍ സ​മാ​പി​ച്ചു. തു​ട​ര്‍​ന്ന് ന​ട​ത്തി​യ സ​മ്മേ​ള​ന​ത്തി​ല്‍ ബി​ഷ​പ് മാ​ര്‍ ജോ​ര്‍​ജ് മ​ഠ​ത്തി​ക്ക​ണ്ട​ത്തി​ല്‍ അ​ധ്യ​ക്ഷ​ത വ​ഹി​ച്ചു.

മോൺ. ​ഫ്രാ​ന്‍​സി​സ് കീ​രം​പാ​റ, രൂ​പ​ത ചാ​ന്‍​സ​ല​ര്‍ റ​വ.​ഡോ. ജോ​സ് കു​ള​ത്തൂ​ര്‍, വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി ഇ​ടു​ക്കി ജി​ല്ലാ വ​ര്‍​ക്കിം​ഗ് പ്ര​സി​ഡ​ന്‍റ് കെ.​ആ​ര്‍. വി​നോ​ദ്, കെ​സി​വൈ​എം മു​ന്‍ സം​സ്ഥാ​ന പ്ര​സി​ഡ​ന്‍റ് സ​ണ്ണി ക​ടു​ത്താ​ഴെ, ഫാ. ​റോ​ബി​ന്‍ പ​ടി​ഞ്ഞാ​റേ​ക്കു​റ്റ്, മി​നി ജോ​സ് തു​ട​ങ്ങി​യ​വ​ര്‍ പ്ര​സം​ഗി​ച്ചു. ക​ത്തോ​ലി​ക്കാ കോ​ണ്‍​ഗ്ര​സ് രൂ​പ​ത പ്ര​സി​ഡന്‍റ് ജോ​സ് പു​തി​യേ​ട​ത്ത് പ്ര​തി​ഷേ​ധ പ്ര​മേ​യം അ​വ​ത​രി​പ്പി​ച്ചു.

വ​ന്യമൃ​ഗ​ങ്ങ​ളു​ടെ എ​ണ്ണ​ത്തി​ല്‍ നി​യ​ന്ത്ര​ണം ന​ട​പ്പാ​ക്ക​ണം: മോ​ണ്‍. മ​ലേ​ക്ക​ണ്ടത്തിൽ

കോ​ത​മം​ഗ​ലം: വ​ന്യമൃ​ഗ​ങ്ങ​ളു​ടെ എ​ണ്ണ​ത്തി​ല്‍ നി​യ​ന്ത്ര​ണം ന​ട​പ്പാ​ക്ക​ണ​മെ​ന്ന് കോ​ത​മം​ഗ​ലം രൂ​പ​ത വി​കാ​രി ജ​ന​റാ​ള്‍ മോ​ണ്‍. പ​യ​സ് മ​ലേ​ക്ക​ണ്ടത്തിൽ പ​റ​ഞ്ഞു. കാ​ട് വ​ന്യ​ജീ​വി​ക​ള്‍​ക്കും നാ​ട് മ​നു​ഷ്യ​ര്‍​ക്കും എ​ന്ന സ​ന്ദേ​ശ​വു​മാ​യി കോ​ത​മം​ഗ​ല​ത്ത് ന​ട​ന്ന മ​നു​ഷ്യാ​വ​കാ​ശ സം​ര​ക്ഷ​ണ റാ​ലി ഫ്‌​ളാ​ഗ് ഓ​ഫ് ചെ​യ്ത് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ത്തി​ല്‍ പൊ​റു​തി​മു​ട്ടി​യ ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ഉ​റ​പ്പു​വ​രു​ത്താ​ന്‍ കോ​ത​മം​ഗ​ലം രൂ​പ​ത സ​മ​ര​മു​ഖ​ത്താ​ണ്. വ​നം വ​ന്യ​ജീ​വി​ക​ള്‍​ക്കും നാ​ട് മ​നു​ഷ്യ​ര്‍​ക്കു​മാ​യി നി​ജ​പ്പെ​ടു​ത്ത​ണം. 1965 ല്‍ ​വ​ന​നി​യ​മം ന​ട​പ്പി​ലാ​കു​ന്ന​തി​ന് മു​മ്പേ മ​ല​യോ​ര മേ​ഖ​ല​ക​ളി​ല്‍ മ​നു​ഷ്യ​വാ​സം ഉ​ണ്ടാ​യി​രു​ന്നു.

വ​ന​ത്തി​നു​ള്ളി​ല്‍ ട്രെ​ഞ്ച് കെ​ട്ടി വ​ന്യജീ​വി​ക​ളെ വ​നാ​തി​ര്‍​ത്തി​​യി​ല്‍ ത​ന്നെ നി​ല​നി​ർ​ത്താ​ന്‍ സ​ത്വ​ര ന​ട​പ​ടി സ്വീ​ക​രി​ക്ക​ണം. മ​ല​യോ​ര മേ​ഖ​ല​യി​ലെ ജ​ന​ങ്ങ​ള്‍​ക്ക് സ​മാ​ധാ​ന​ത്തോ​ടെ ജീ​വി​ക്കാ​ന്‍ സാ​ഹ​ച​ര്യം ഉ​ണ്ടാ​കു​ന്ന​തു​വ​രെ രൂ​പ​ത​യു​ടെ പ്ര​തി​ഷേ​ധസ​മ​ര​ങ്ങ​ള്‍ തു​ട​രു​മെ​ന്ന് മോ​ണ്‍. മ​ലേ​ക്ക​ണ്ട​ത്തി​ല്‍ പ​റ​ഞ്ഞു.