പാ​ലാ: മീ​ന​ച്ചി​ലാ​റി​ന്‍റെ കൈ​വ​ഴി​യാ​യ ളാ​ലം തോ​ട്ടി​ല്‍ യു​വാ​വി​ന്‍റെ മൃ​ത​ദേ​ഹം ക​ണ്ടെ​ത്തി. എ​രു​മേ​ലി മു​ക്കൂ​ട്ടു​ത​റ ഇ​ട​ക​ട​ത്തി കി​ഴു​ക​ണ്ട​യി​ല്‍ ജി​ത്തു റോ​ബി​യാ​ണ് (28) മ​രി​ച്ച​ത്. ഇ​ഞ്ച​പ്പ​ട​ര്‍​പ്പു​ക​ളി​ല്‍ കു​രു​ങ്ങി​യ മൃ​ത​ദേ​ഹം വെ​ള്ള​ത്തി​ല്‍ പൊ​ന്തി​ക്കി​ട​ക്കു​ന്ന നി​ല​യി​ലാ​ണ് ക​ണ്ടെ​ത്തി​യ​ത്. ക​ഴി​ഞ്ഞ ഞാ​യ​റാ​ഴ്ച പാ​ലാ​യി​ല്‍ നി​ന്നും കാ​ണാ​താ​യി​രു​ന്നു. പാ​ലാ പോ​ലീ​സും ഫ​യ​ര്‍​ഫോ​ഴ്സും സ്ഥ​ല​ത്തെ​ത്തി മൃ​ത​ദേ​ഹം ക​ര​യ്‌​ക്കെ​ത്തി​ച്ചു.

കെ​എ​സ്ആ​ര്‍​ടി​സി ഡി​പ്പോ​യ്ക്ക് പി​ന്‍​വ​ശ​ത്താ​യാ​ണ് മൃ​ത​ദേ​ഹം ക​ണ്ടെ​ത്തി​യ​ത്. ബൈ​ക്ക് അ​പ​ക​ട​ത്തി​ല്‍ പ​രി​ക്കു​പ​റ്റി പാ​ലാ അ​രു​ണാ​പു​ര​ത്തെ സ്വ​കാ​ര്യ ആ​ശു​പ​തി​യി​ല്‍ ചി​കി​ത്സ​യി​ല്‍ ക​ഴി​യു​ന്ന സു​ഹൃ​ത്തി​നെ ക​ഴി​ഞ്ഞ 14ന് ​ജി​ത്തു കാ​ണാ​നെ​ത്തി​യി​രു​ന്നു. വൈ​കു​ന്നേ​രം 7.45ന് ​മ​ട​ങ്ങി​യ ഇ​യാ​ളെ പി​ന്നീ​ട് കാ​ണാ​നി​ല്ലാ​യി​രു​ന്നു. മൃ​ത​ദേ​ഹം പാ​ലാ ജ​ന​റ​ല്‍ ആ​ശു​പ​ത്രി മോ​ര്‍​ച്ച​റി​യി​ലേ​ക്ക് മാ​റ്റി. പോ​സ്റ്റ്‌​മോ​ര്‍​ട്ടം റി​പ്പോ​ര്‍​ട്ട് ല​ഭി​ച്ച​ശേ​ഷ​മേ മ​ര​ണ​കാ​ര​ണം വ്യ​ക്ത​മാ​കൂ​വെ​ന്ന് പോ​ലീ​സ് അ​റി​യി​ച്ചു. ജി​ത്തു​വി​ന്‍റെ ബൈ​ക്ക് പാ​ലാ ബി​വ​റേ​ജ​സ് ഷോ​പ്പി​ന് പി​ന്നി​ല്‍ തോ​ട്ടു​തീ​ര​ത്തു​നി​ന്ന് ക​ണ്ടെ​ടു​ത്തി​ട്ടു​ണ്ട്.