ച​ങ്ങ​നാ​ശേ​രി: കു​റി​ച്ചി ഇ​ള​ങ്കാ​വ് ചാ​ല​ടി പാ​ട​ശേ​ഖ​ര​ത്തി​ൽ നെ​ല്‍കൃ​ഷി പ്രോ​ത്സാ​ഹ​ന​ത്തി​നാ​യി പാ​ട​ശേ​ഖ​ര സ​മി​തി​ക്ക് പ​മ്പ് സെ​റ്റ് കൈ​മാ​റി പ​ള്ളം ബ്ലോ​ക്ക് പ​ഞ്ചാ​യ​ത്ത്. വ​ര്‍ഷ​ങ്ങ​ളാ​യി ത​രി​ശു​കി​ട​ന്നി​രു​ന്ന ചാ​ല​ടി പാ​ട​ശേ​ഖ​ര​ത്തി​ല്‍ കു​റി​ച്ചി പ​ഞ്ചാ​യ​ത്തും കൃ​ഷി​ഭ​വ​നും പാ​ട​ശേ​ഖ​ര സ​മി​തി​യും ചേ​ര്‍ന്ന് ക​ഴി​ഞ്ഞ വ​ര്‍ഷം മു​ത​ല്‍ നെ​ല്‍കൃ​ഷി ആ​രം​ഭി​ച്ചി​രു​ന്നു. ​

പ​ഞ്ചാ​യ​ത്തി​ലെ മു​ഴു​വ​ന്‍ ത​രി​ശ് നി​ല​ങ്ങ​ളും കൃ​ഷി​യോ​ഗ്യ​മാ​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് പ​ഞ്ചാ​യ​ത്തി​ല്‍ അ​വ​ശേ​ഷി​ച്ച ഏ​ക ത​രി​ശു പാ​ട​ശേ​ഖ​ര​മാ​യ ഇ​ള​ങ്കാ​വ് വാ​ല​ടി പാ​ട​ശേ​ഖ​ര​ത്തി​ൽ കൃ​ഷിയാ​രം​ഭി​ച്ച​ത്. പാ​ടത്തേക്ക് കൊ​യ്ത്ത് യ​ന്ത്ര​വും ട്രാ​ക്ട​റും ഇ​റ​ക്കു​ന്ന​തി​നാ​യി റോ​ഡ് സൗ​ക​ര്യം സ​ജ്ജ​മാ​ക്കി​ പാ​ട​ശേ​ഖ​ര സ​മി​തി വി​ളി​ച്ചു കൂ​ട്ടി കൃ​ഷി ആ​രം​ഭി​ക്കു​ക​യാ​യി​രു​ന്നു.

വ​ര്‍ഷ​ങ്ങ​ളോളം ത​രി​ശ് കി​ട​​ന്ന പാ​ട​ത്ത് വെ​ള്ളം വ​റ്റി​ക്കു​ന്ന​തി​നാ​വ​ശ്യ​മാ​യ പെ​ട്ടി​യും പ​റ​യും ല​ഭ്യ​മ​ല്ലാ​തി​രു​ന്ന​തി​നാ​ല്‍ വാ​ട​ക ന​ല്‍കി​യാ​ണ് ഇ​വ ഉ​പ​യോ​ഗി​ച്ചി​രു​ന്ന​ത്. ക​ര്‍ഷ​ക​രു​ടെ ബു​ദ്ധി​മു​ട്ട് ശ്ര​ദ്ധ​യി​ല്‍പ്പെ​ടു​ത്തി​യ​തോ​ടെ പ​ള്ളം ബ്ലോ​ക്ക് പ​ഞ്ചാ​യ​ത്ത് 2024-25 വാ​ര്‍ഷി​ക പ​ദ്ധ​തി​യി​ല്‍ ഉ​ള്‍പ്പെ​ടു​ത്തി​യാ​ണ് മോ​ട്ടോ​ര്‍ പ​മ്പ് സെ​റ്റ് ല​ഭ്യ​രാ​ക്കി​യ​ത്.

പാ​ട​ശേ​ഖ​ര​ത്തി​ല്‍ ന​ട​ന്ന യോ​ഗ​ത്തി​ല്‍ ബ്ലോ​ക്ക് പ​ള്ളം ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് പ്ര​ഫ. ടോ​മി​ച്ച​ന്‍ ജോ​സ​ഫ് പ​മ്പ് സെ​റ്റ് പാ​ട​ശേ​ഖ​ര സ​മി​തി​ക്കു കൈ​മാ​റി. കു​റി​ച്ചി പ​ഞ്ചാ​യ​ത്ത് പ്ര​സി​ഡ​ന്‍റ് സു​ജാ​ത സു​ശീ​ല​ന്‍ അ​ധ്യ​ക്ഷ​ത വ​ഹി​ച്ചു. പാ​ട​ശേ​ഖ​ര സ​മി​തി ഭാ​ര​വാ​ഹി​ക​ളാ​യ പി.​പി. സു​രേ​ഷ്, കെ.​പി. സ​ജി​കു​മാ​ര്‍ എ​ന്നി​വ​ര്‍ പ്ര​സം​ഗി​ച്ചു.