വെ​ച്ചൂ​ച്ചി​റ: സം​സ്ഥാ​ന ജൈ​വ​വൈ​വി​ധ്യ ബോ​ര്‍​ഡി​​ന്‍റെ സാ​ങ്കേ​തി​ക സ​ഹാ​യ​ത്തോ​ടെ ജൈ​വ​വൈ​വി​ധ്യ ര​ജി​സ്റ്റ​ര്‍ പു​തു​ക്കു​ന്ന​തി​നും ര​ണ്ടാം ഭാ​ഗം ത​യാ​റാ​ക്കു​ന്ന​തി​നും വേ​ണ്ടി ജ​ന​പ്ര​തി​നി​ധി​ക​ള്‍, സാ​ങ്കേ​തി​ക വി​ദ​ഗ്ധ​ര്‍, പ​ഞ്ചാ​യ​ത്ത് ത​ല ജൈ​വ​വൈ​വി​ധ്യ മാ​നേ​ജ്‌​മെ​​ന്‍റ് ക​മ്മ​ിറ്റി അം​ഗ​ങ്ങ​ള്‍, വി​വ​ര ശേ​ഖ​ര​ണ വോ​ള​ണ്ടി​യ​ര്‍​മാ​ര്‍ തു​ട​ങ്ങി​യ​വ​ര്‍​ക്കു​ള്ള ഏ​ക​ദി​ന ശി​ല്പ​ശാ​ല ന​ട​ത്തി. ഗ്രാ​മ പ​ഞ്ചാ​യ​ത്ത് പ്ര​സി​ഡ​​ന്‍റ് ടി.കെ. ജ​യിം​സ് ഉ​ദ്ഘാ​ട​നം നി​ര്‍​വ​ഹി​ച്ചു.

2013 ലാ​ണ് നി​ല​വി​ലെ ര​ജി​സ്റ്റ​ര്‍ ത​യാ​റാ​ക്കി​യ​തെ​ന്നും കോ​വി​ഡും 2018 ലും 2019 ​ലും കേ​ര​ള​ത്തി​ലു​ണ്ടാ​യ പ്ര​ള​യ​വും ജൈ​വ​വൈ​വി​ധ്യ​ത്തി​ലു​ണ്ടാ​ക്കി​യ മാ​റ്റ​വും ന​ഷ്ട​വും ക​ണ​ക്കാ​ക്കു​ന്ന​തി​ന് ഉ​ത​കു​ന്ന​താ​യി​രി​ക്കും ര​ജി​സ്റ്റ​ര്‍ പു​തു​ക്ക​ല്‍ പ്ര​ക്രി​യ. പെ​രു​ന്തേ​ന​രു​വി തീ​ര​ത്ത് ഒ​രു കാ​ല​ത്ത് സ​മ്പു​ഷ്ഠമാ​യി​രു​ന്ന ക​ല്ലൂ​ര്‍ വ​ഞ്ചി​യും ഈ ​ഭാ​ഗ​ത്ത് മാ​ത്ര​മു​ണ്ടാ​യി​രു​ന്ന ചി​ല മ​ത്സ്യ​സ​മ്പ​ത്തു​ക​ളും പ്ര​ള​യ ശേ​ഷം ന​ഷ്ട​പ്പെ​ട്ടു പോ​യെ​ന്നു ക​രു​തു​ന്നു.

വെച്ചൂ​ച്ചി​റ​യി​ല്‍ കൃ​ഷി ചെ​യ്തി​രു​ന്ന മ​ര​ച്ചീ​നി​യു​ടെ ആ​ദ്യ കാ​ല ഇ​ന​ങ്ങ​ളാ​യ പാ​ലാ വെ​ള്ള ക​പ്പ, കാ​ന്താ​രി​പ​ട​പ്പ​ന്‍, ഏ​ത്ത​യ്ക്ക ക​പ്പ എ​ന്നീ ഇ​ന​ങ്ങ​ള്‍ നാ​മാ​വ​ശേ​ഷ​മാ​യിട്ടു​ണ്ട്. കു​രു​മു​ള​ക് നാ​ട​ന്‍ ഇ​ന​ങ്ങ​ള്‍ പൂ​ര്‍​ണ​മാ​യും ഇ​ല്ലാ​താ​യി. എ​ന്നാ​ല്‍ ചി​ല ഇ​ട​ങ്ങ​ളി​ല്‍ 50 കൊ​ല്ല​ത്തി​ലേ​റെ പ്രാ​യ​മു​ള്ള കു​രു​മു​ള​കുചെ​ടി നി​ല നി​ല്‍​ക്കു​ന്ന​താ​യും ക​ര്‍​ഷ​ക​ര്‍ പ​റ​യു​ന്നു. നാ​ട​ന്‍ മാ​വു​ക​ള്‍, നാ​ട​ന്‍ വ​രി​ക്കപ്ലാ​വു​ക​ള്‍ തു​ട​ങ്ങി​യ​വ അ​പൂ​ര്‍​വ​മാ​യി മാ​ത്ര​മേ കാ​ണാ​നു​ള്ളു.

പ​ണ്ട് വ്യാ​പ​ക​മാ​യുണ്ടാ​യി​രു​ന്ന നാ​റി​ക്കാ​ട് ഇ​പ്പോ​ള്‍ ഇ​ല്ലെ​ന്നു ത​ന്നെ പ​റ​യാം. പ​ക​രം പ​ല അ​ധി​നി​വേ​ശ സ​സ്യ​ങ്ങ​ളും വ്യാ​പ​ക​മാ​യി​ട്ടു​ണ്ട്. ത​വ​ള, മ​ണ്ണി​ര, പെ​രു​ന്തേ​ന​ട്ട തു​ട​ങ്ങി​യ ജീ​വി​ക​ളു​ടെ എ​ണ്ണം താ​ര​ത​മ്യേ​ന കു​റ​യു​ക​യും ഇ​ല്ലാ​താ​ക്കു​ക​യും ചെ​യ്യു​ന്നു. നീ​രു​റ​വ​ക​ളി​ല്‍ വ​ലി​യ മാ​റ്റ​ങ്ങ​ള്‍ ഉ​ണ്ടാ​കു​ന്നു.

പ്രാ​ദേ​ശി​ക ജൈ​വ​വൈ​വി​ധ്യ​ത്തെ​യും നാ​ട്ട​റി​വു​ക​ളെ​യും ജ​ന​കീ​യ​മാ​യി ശേ​ഖ​രി​ച്ച് ശാ​സ്ത്രീ​യ​മാ​യി രേ​ഖ​പ്പെ​ടു​ത്തി ര​ജി​സ്റ്റ​ര്‍ ത​യാ​റാ​ക്കു​ന്ന​തി​ലൂ​ടെ സം​ര​ക്ഷി​ക്ക​പ്പെ​ടേ​ണ്ട​വ​യെ സം​ര​ക്ഷി​ക്കു​ക​യും നീ​ക്കം ചെ​യ്യേ​ണ്ട​ത് നീ​ക്കംചെ​യ്യു​ക​യും വ​രുംകാ​ല​ങ്ങ​ളി​ല്‍ പ്ര​ദേ​ശി​ക ത​ല​ത്തി​ല്‍ വി​ഭ​വ​സ​മാ​ഹ​ര​ണം ന​ട​ത്തു​ന്ന​തി​നും പ​ദ്ധ​തി​ക​ള്‍ ആ​സൂ​ത്ര​ണം ചെ​യ്യു​ന്ന​തി​നും ഈ ​ര​ജി​സ്റ്റ​റു​ക​ള്‍ അ​ടി​സ്ഥാ​ന രേ​ഖ​യാ​യി മാ​റു​മെ​ന്നും പ്ര​സി​ന്‍റ് ടി.​കെ.​ജെ​യിം​സ് പ​റ​ഞ്ഞു.

ഗ്രാ​മ പ​ഞ്ചാ​യ​ത്ത് വി​ക​സ​ന സ്റ്റാ​ന്‍​ഡിം​ഗ് ക​മ്മ​ിറ്റി ചെ​യ​ര്‍​മാ​ന്‍ ഇ.വി. വ​ര്‍​ക്കി അ​ധ്യ​ക്ഷ​ത വ​ഹി​ച്ചു. സ്റ്റാ​ന്‍​ഡിം​ഗ് ക​മ്മി​റ്റി ചെ​യ​ര്‍​പേ​ഴ്‌​സ​ണ്‍ എ​സ്. ര​മാ​ദേ​വി, പ​ഞ്ചാ​യ​ത്തം​ഗ​ങ്ങ​ളാ​യ ടി.​കെ. രാ​ജ​ന്‍, പ്ര​സ​ന്ന, റ​സി ജോ​ഷി എ​ന്നി​വ​ര്‍ പ്ര​സം​ഗി​ച്ചു.

ജൈ​വ​വൈ​വി​ധ്യ ബോ​ര്‍​ഡ് ജി​ല്ല കോ​-ഓര്‍​ഡി​നേ​റ്റ​ര്‍ അ​രു​ണ്‍ സി.​ രാ​ജ​ന്‍ സെ​മി​നാ​റി​നു നേ​തൃ​ത്വം ന​ല്‍​കി. കി​ല ആ​ര്‍​പി​മാ​രാ​യ ജോ​ണ്‍ ശ​മു​വേ​ല്‍, കെ.​വി. നാ​രാ​യ​ണ്‍, റോ​യി ത​റ​പ്പേ​ല്‍, മോ​ന്‍​സി ചെ​റു​ക​ര​ക്കു​ഴി​യി​ല്‍, എം.​ബി. സു​രേ​ഷ് കു​മാ​ര്‍, ബോ​ബ​ന്‍ മാ​ളി​യേ​ക്ക​ല്‍, ഷീ​ബ ജോ​ണ്‍​സ​ണ്‍ എ​ന്നി​വ​ര​ട​ങ്ങു​ന്ന വി​ദ​ഗ്ധ സ​മി​തി​യെ തെ​ര​ഞ്ഞെ​ടു​ത്തു.