വിദ്യാര്‍ഥികള്‍ക്കു ലഹരിയാകേണ്ടത് സര്‍ഗാത്മക അഭിരുചികളാവണം: ഡെപ്യൂട്ടി സ്പീക്കര്‍
1374795
Friday, December 1, 2023 12:23 AM IST
അടൂര്‍: വിദ്യാര്‍ഥികള്‍ക്കു ലഹരിയാകേണ്ടതു സര്‍ഗാത്മക അഭിരുചികളാവണമെന്ന് ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍. സംസ്ഥാന എക്സൈസ് വകുപ്പിന്‍റെ വിമുക്തി മിഷന്‍ അടൂര്‍ ഗവ. ബോയ്സ് ഹൈസ്‌കൂളില്‍ സംഘടിപ്പിച്ച ലഹരിക്കെതിരേ ഒരു ചുവര്‍ചിത്രം ജില്ലാതല മത്സരം ഉദ്ഘാടനം ചെയ്തു പ്രസംഗിക്കുകയായിരുന്നു അദേഹം.
എസ്‌വിജിവി കിടങ്ങന്നൂര്‍, എസ്എന്‍വി എച്ച്എസ്എസ് തിരുമൂലപുരം, മൗണ്ട് ബഥനി എച്ച്എസ്എസ് മൈലപ്ര, കെആര്‍പിഎം എച്ച്എസ്എസ് സീതത്തോട്, ജിഎച്ച്എസ് എസ് മാരൂര്‍, എന്‍എസ്എസ് എച്ച്എസ്എസ് കുന്നന്താനം, കിസുമം ജിഎച്ച്എസ്എസ് റാന്നി എന്നീ ഏഴു സ്‌കൂളുകളിലെ വിദ്യാര്‍ഥികളാണ് ചുവര്‍ചിത്രം മത്സരത്തില്‍ പങ്കെടുത്തത്.
പള്ളിക്കല്‍ ഗ്രാമപഞ്ചായത്ത് പ്രസിഡന്‍റ്് സുശീല കുഞ്ഞമ്മ കുറുപ്പ് അധ്യക്ഷത വഹിച്ച ചടങ്ങില്‍ പള്ളിക്കല്‍ ഗ്രാമപഞ്ചായത്തംഗം ശരത്കുമാര്‍, ജില്ലാ എക്സൈസ് ഡെപ്യൂട്ടി കമ്മീഷണര്‍ വി.എ. സലിം, വിമുക്തി മിഷന്‍ ജില്ലാ കോ-ഓര്‍ഡിനേറ്റര്‍ അഡ്വ. ജോസ് കളീക്കല്‍, വിമുക്തി മിഷന്‍ ജില്ലാ മാനേജര്‍ ഇന്‍-ചാര്‍ജ് എസ്. ഷാജി, അടൂര്‍ എഇഒ സീമാദാസ്, പ്രശസ്ത മ്യൂറല്‍ ആര്‍ട്ടിസ്റ്റ് സതീഷ് പറക്കോട്, അഡ്വ. കെ.ബി. രാജശേഖരകുറുപ്പ്, സജി വര്‍ഗീസ്, സന്തോഷ് റാണി, എ. അയൂബ്ഖാന്‍ തുടങ്ങിയവര്‍ പങ്കെടുത്തു.