മാ​ന്നാ​ർ: കു​ട്ടം​പേ​രൂ​ർ ഊ​ട്ടു​പ​റ​മ്പ് ജം​ഗ്ഷ​നു സ​മീ​പ​മു​ള്ള ര​ണ്ടു വീ​ടു​ക​ളി​ൽ മോ​ഷ​ണം. മാ​ന്നാ​ർ കു​ട്ടം​പേ​രൂ​ർ ദീ​പ്‌​തി​യി​ൽ ഡോ. ​ദി​ലീ​പ്കു​മാ​റി​ന്‍റെ വീ​ട്ടി​ലും രാ​ജ​ശ്രീ​യി​ൽ രാ​ജ​ശേ​ഖ​ര​ൻ പി​ള്ള​യു​ടെ വീ​ട്ടി​ലു​മാ​ണ് ക​ഴി​ഞ്ഞ ദി​വ​സം രാ​ത്രി മോ​ഷ​ണം ന​ട​ന്ന​ത്.

വീ​ട്ടു​കാ​ർ ആ​രും ഇ​ല്ലാ​തി​രു​ന്ന സ​മ​യ​ത്താ​ണ് സം​ഭ​വം. രാ​വി​ലെ ഡോ​ക്‌​ട​റു​ടെ വീ​ട്ടി​ലെ ജോ​ലി​ക്കാ​രി എ​ത്തി​യ​പ്പോ​ഴാ​ണ് മോ​ഷ​ണം ന​ട​ന്ന​താ​യി അ​റി​യു​ന്ന​ത്.

തു​ട​ർ​ന്ന് പോ​ലീ​സി​ൽ വി​വ​രം അ​റി​യി​ക്കു​ക​യാ​യി​രു​ന്നു. വീ​ട്ടി​ലെ സി​സി​ടി​വി കാ​മ​റ​ക​ൾ ഉ​ൾ​പ്പെ​ടെ ന​ശി​പ്പി​ച്ച നി​ല​യി​ലാ​ണ്. ര​ണ്ടു വീ​ടു​ക​ളി​ലും സ്ഥാ​പി​ച്ചി​രു​ന്ന സി​സിടി​വി കാ​മ​റ​ക​ൾ എ​ല്ലാം​ത​ന്നെ മോ​ഷ്ടാ​ക്ക​ൾ ദി​ശ മാ​റ്റി​യ നി​ല​യി​ലാ​യി​രു​ന്നു.

വീ​ട്ടി​നു​ള്ളി​ൽ​നി​ന്നും സി​സി​ടി​വി കാ​മ​റ​യു​ടെ ഡി​വി​ആ​ർ ഉ​ൾ​പ്പെ​ടെ മോ​ഷ്ടാ​ക്ക​ൾ കൊ​ണ്ടു​പോ​യി. ഡോ. ​ദി​ലീ​പ്‌​കു​മാ​റി​ന്‍റെ വീ​ടി​ന്‍റെ മു​ൻ​വ​ശ​ത്തെ​യും പി​ൻ​വ​ശ​ത്തെ​യും ഗ്രി​ല്ലു​ക​ളു​ടെ താ​ഴു​ക​ൾ ത​ക​ർ​ത്താ​ണ് മോ​ഷ്‌​ടാ​ക്ക​ൾ അ​ക​ത്തു ക​യ​റി​യ​ത്.

വാ​തി​ലു​ക​ൾ കു​ത്തി​ത്തു​റ​ന്ന നി​ല​യി​ലാ​ണ്. വീ​ടി​നു​ള്ളി​ൽ അ​ല​മാ​ര​ക​ളും മേ​ശ​യും കു​ത്തി​ത്തു​റ​ന്ന നി​ല​യി​ലാ​ണ്.