പ​ത്ത​നം​തി​ട്ട: കാ​ര്‍​ഷി​ക മേ​ഖ​ല​യി​ലെ പ്ര​ശ്‌​ന​ങ്ങ​ളി​ല്‍ വി​ട്ടു​വീ​ഴ്ച​യി​ല്ലാ​ത്ത പോ​രാ​ട്ട​ത്തി​ലൂ​ടെ ശ്ര​ദ്ധേ​യ​നാ​യി​രു​ന്നു കൊ​ടു​മ​ണ്‍ ജി. ​ഗോ​പി​നാ​ഥ​ന്‍ നാ​യ​ര്‍. ക​ര്‍​ഷ​ക​ര്‍​ക്കു വേ​ണ്ടി​യും തൊ​ഴി​ലാ​ളി​ക​ള്‍​ക്കു​വേ​ണ്ടി​യും പ​തി​റ്റാ​ണ്ടു​ക​ള്‍ നീ​ണ്ട നി​സ്വാ​ര്‍​ഥ​മാ​യ പോ​രാ​ട്ട​ത്തി​നു​ശേ​ഷ​മാ​ണ് അ​ദ്ദേ​ഹം ഇ​ന്ന​ലെ വി​ട​വാ​ങ്ങി​യ​ത്.

1972 -77ല്‍ ​പ്ലാ​ന്‍റേ​ഷ​ന്‍ കോ​ര്‍​പ​റേ​ഷ​ന്‍ ചെ​യ​ര്‍​മാ​നാ​യി​രു​ന്ന അ​ദ്ദേ​ഹം റ​ബ​ര്‍ ബോ​ര്‍​ഡി​ലും സ്‌​പൈ​സ​സ് ബോ​ര്‍​ഡി​ലും ഡ​യ​റ​ക്ട​റാ​യി പ്ര​വ​ര്‍​ത്തി​ച്ചു. 1984ല്‍ ​ക​ര്‍​ഷ​ക കോ​ണ്‍​ഗ്ര​സി​ന്‍റെ സം​സ്ഥാ​ന പ്ര​സി​ഡ​ന്‍റാ​യി. ക​ര്‍​ഷ​ക കോ​ണ്‍​ഗ്ര​സ് നേ​തൃ​രം​ഗ​ത്ത് ദീ​ര്‍​ഘ​കാ​ലം അ​ദ്ദേ​ഹ​ത്തി​നു പ​ക​രം വ​യ്ക്കാ​ന്‍ മ​റ്റൊ​രാ​ളി​ല്ലെ​ന്നാ​യി. നാ​യ​നാ​ര്‍ സ​ര്‍​ക്കാ​രി​ന്‍റെ ജ​ന​വി​രു​ദ്ധ കാ​ര്‍​ഷി​ക ന​യ​ങ്ങ​ള്‍​ക്കെ​തി​രേ ശ​ക്ത​മാ​യ പോ​രാ​ട്ടം ന​ട​ത്തി​ക്കൊ​ണ്ടാ​യി​രു​ന്നു തു​ട​ക്കം.

കേ​ര​ള​ത്തി​ലെ ക​ര്‍​ഷ​ക​രെ അ​വ​രു​ടെ വി​ള​ക​ളു​ടെ അ​ടി​സ്ഥാ​ന​ത്തി​ല്‍ സം​ഘ​ടി​പ്പി​ക്ക​ണ​മെ​ന്ന ആ​ശ​യം ക​ര്‍​ഷ കോ​ണ്‍​ഗ്ര​സ് ആ​വി​ഷ്‌​ക​രി​ച്ച് നെ​ല്ല്, തെ​ങ്ങ്, റ​ബ​ര്‍, സു​ഗ​ന്ധ​വി​ള​ക​ള്‍, കാ​പ്പി, കു​രു​മു​ള​ക് എ​ന്നി​വ​യ്‌​ക്കെ​ല്ലാം ഓ​രോ​രു​ത്ത​രെ ചു​മ​ത​ല ഏ​ല്പി​ച്ചു. ക​ര്‍​ഷ​ക കോ​ണ്‍​ഗ്ര​സി​ന്‍റെ നേ​തൃ​ത്വ​ത്തി​ല്‍ കേ​ര​ള​ത്തി​ലെ എ​ല്ലാ ജി​ല്ല​ക​ളി​ലും റ​ബ​ര്‍ ഉ​ത്പാ​ദ​ക സം​ഘ​ങ്ങ​ള്‍ രൂ​പീ​ക​രി​ച്ച​തും ഇ​ക്കാ​ല​യ​ള​വി​ലാ​ണ്. ഇ​തി​ന്‍റെ തു​ട​ര്‍​ച്ച​യാ​യി കൊ​ടു​മ​ണ്‍ ഗോ​പി​നാ​ഥ​ന്‍ നാ​യ​ര്‍ അ​ധ്യ​ക്ഷ​നാ​യി നാ​ഷ​ണ​ല്‍ ഫെ​ഡ​റേ​ഷ​ന്‍ ഓ​ഫ് റ​ബ​ര്‍ പ്രൊ​ഡ്യൂ​സേ​ഴ്‌​സ് സൊ​സൈ​റ്റി രൂ​പീ​ക​രി​ച്ചു. കേ​ര​ള​ത്തി​ല്‍ 18 ക​മ്പ​നി​ക​ള്‍ എ​ന്‍​എ​ഫ്ആ​ര്‍​പി​എ​സു​ക​ളു​ടെ നേ​തൃ​ത്വ​ത്തി​ല്‍ രൂ​പീ​ക​രി​ച്ചു.

പ​മ്പാ റ​ബേ​ഴ്‌​സി​ലും അ​ടൂ​ര്‍ റ​ബേ​ഴ്‌​സി​ലും ഗോ​പി​നാ​ഥ​ന്‍ നാ​യ​ര്‍ ആ​ദ്യ​കാ​ലം മു​ത​ല്‍ ഡ​യ​റ​ക്ട​റു​മാ​യി​രു​ന്നു. യു​ഡി​എ​ഫ് സ​ര്‍​ക്കാ​രി​ന്‍റെ കാ​ല​ത്ത് 1994ല്‍ ​പു​തി​യ കാ​ര്‍​ഷി​ക​ന​യം രൂ​പീ​ക​രി​ച്ച​പ്പോ​ള്‍ വേ​ണ്ട നി​ര്‍​ദേ​ശ​ങ്ങ​ളു​മാ​യി ഒ​പ്പം നി​ന്ന​വ​രി​ല്‍ കൊ​ടു​മ​ണ്‍ ഗോ​പി​നാ​ഥ​ന്‍ നാ​യ​രും സു​രേ​ഷ് കോ​ശി​യും പ​ത്ത​നം​തി​ട്ട​യി​ല്‍ നി​ന്നു​ണ്ടാ​യി​രു​ന്നു. എ​ല്ലാ പ​ഞ്ചാ​യ​ത്തു​ക​ളി​ലും കൃ​ഷി ഭ​വ​നു​ക​ളും പാ​ട​ശേ​ഖ​ര​സ​മി​തി​യും കേ​ര​സ​മി​തി​യു​മൊ​ക്കെ ക​ര്‍​ഷ​ക കോ​ണ്‍​ഗ്ര​സി​ന്‍റെ നി​ര്‍​ദേ​ശ​ങ്ങ​ളു​ടെ ഫ​ല​മാ​യി​രു​ന്നു​വെ​ന്നു ക​ര്‍​ഷ​ക കോ​ണ്‍​ഗ്ര​സ് സം​സ്ഥാ​ന വൈ​സ് പ്ര​സി​ഡ​ന്‍റ് കൂ​ടി​യാ​യ സു​രേ​ഷ് കോ​ശി പ​റ​ഞ്ഞു.

മ​ല​യോ​ര ക​ര്‍​ഷ​ക​ര്‍​ക്ക് കൈ​വ​ശ​ഭൂ​മി​യും പ​ട്ട​യ​ഭൂ​മി​യും തി​രി​ക്കു​ന്ന​തി​ലേ​ക്ക് മ​ന്ത്രി​യാ​യി​രു​ന്ന പി.​പി. ജോ​ര്‍​ജി​നെ സ്ഥ​ല​ത്തെ​ത്തി​ച്ച് ന​ട​പ​ടി​ക​ള്‍ ന​ട​ത്തി​യ​ത് ഗോ​പി​നാ​ഥ​ന്‍ നാ​യ​രാ​ണ്. പ്ലാ​ന്‍റേ​ഷ​ന്‍ കോ​ര്‍​പ​റേ​ഷ​ന്‍ ചെ​യ​ര്‍​മാ​നെ​ന്ന നി​ല​യി​ലും ക​ര്‍​ഷ​ക കോ​ണ്‍​ഗ്ര​സ് നേ​താ​വെ​ന്ന നി​ല​യി​ലും കൊ​ടു​മ​ണ്‍ ഗോ​പി​നാ​ഥ​ന്‍ ന​ട​ത്തി​യ പ്ര​വ​ര്‍​ത്ത​ന​ങ്ങ​ള്‍ പ​ത്ത​നം​തി​ട്ട ജി​ല്ല​യു​ടെ പു​രോ​ഗ​തി​യി​ല്‍ നി​ര്‍​ണാ​യ​ക പ​ങ്കു​വ​ഹി​ച്ച​താ​യി ജി​ല്ലാ പ​ഞ്ചാ​യ​ത്ത് മു​ന്‍ പ്ര​സി​ഡ​ന്‍റ് മാ​ത്യു കു​ള​ത്തു​ങ്ക​ല്‍ അ​നു​സ്മ​രി​ച്ചു.

റ​ബ​ര്‍ ത​ടി​വെ​ട്ടു​ന്ന​തി​നു​ള്ള ചു​മ​ട്ടു കൂ​ലി തൊ​ഴി​ലാ​ളി യൂ​ണി​യ​നു​ക​ള്‍​ക്ക് യ​ഥേ​ഷ്ടം വാ​ങ്ങാ​മെ​ന്ന​തി​ന് ഒ​രു പ​രി​ഹാ​ര​മു​ണ്ടാ​യ​തും അ​ദ്ദേ​ഹ​ത്തി​ന്‍റെ ഇ​ട​പെ​ട​ലി​ലൂ​ടെ​യാ​ണ്. ഐ​എ​ന്‍​ടി​യു​സി പ്ര​ഥ​മ ജി​ല്ലാ പ്ര​സി​ഡ​ന്‍റാ​ണ്. സം​സ്ഥാ​ന വൈ​സ് പ്ര​സി​ഡ​ന്‍റാ​യും പ്ര​വ​ര്‍​ത്തി​ച്ചി​ട്ടു​ണ്ട്.

കെ. ​ക​രു​ണാ​ക​ര​നൊ​പ്പം ഉ​റ​ച്ചു നി​ന്ന ഗോ​പി​നാ​ഥ​ന്‍ നാ​യ​ര്‍ 1980ല്‍ ​കോ​ന്നി നി​യ​മ​സ​ഭ മ​ണ്ഡ​ല​ത്തി​ല്‍ കോ​ണ്‍​ഗ്ര​സ് സ്ഥാ​നാ​ര്‍​ഥി​യാ​യി മ​ത്സ​രി​ച്ചു​വെ​ങ്കി​ലും പ​രാ​ജ​യ​പ്പെ​ട്ടു. 1995ലെ ​പ്ര​ഥ​മ ജി​ല്ലാ പ​ഞ്ചാ​യ​ത്തി​ന്‍റെ വൈ​സ് പ്ര​സി​ഡ​ന്‍റാ​യി​രു​ന്നു. ഭാ​ര​ത​ജ്യോ​തി പു​ര​സ്‌​കാ​ര​വും ല​ഭി​ച്ചി​ട്ടു​ണ്ട്. കേ​ര​ള​ത്തി​ലെ ക​ര്‍​ഷ​ക​രു​ടെ ശ​ബ്ദ​മാ​യി കോ​ണ്‍​ഗ്ര​സി​ല്‍ നി​ല​നി​ന്ന അ​ദ്ദേ​ഹം സ​ജീ​വ പൊ​തു​രം​ഗ​ത്തു​നി​ന്നു മാ​റു​ന്ന​തു​വ​രെ​യും താ​നു​യ​ര്‍​ത്തി​പ്പി​ടി​ച്ച ല​ക്ഷ്യ​ങ്ങ​ള്‍​ക്കു​വേ​ണ്ടി​യു​ള്ള പോ​രാ​ട്ട​ത്തി​ലാ​യി​രു​ന്നു.

ക​ര്‍​ഷ​ക​ര്‍​ക്കു​വേ​ണ്ടി നി​ല​കൊ​ണ്ട നേ​താ​വ്: ര​മേ​ശ് ചെ​ന്നി​ത്ത​ല

പ​ത്ത​നം​തി​ട്ട: സം​സ്ഥാ​ന ക​ര്‍​ഷ​ക കോ​ണ്‍​ഗ്ര​സ് അ​ധ്യ​ക്ഷ​നാ​യി ദീ​ര്‍​ഘ​കാ​ലം പ്ര​വ​ര്‍​ത്തി​ച്ച കൊ​ടു​മ​ണ്‍ ഗോ​പി​നാ​ഥ​ന്‍ നാ​യ​ര്‍ കാ​ർ​ഷി​ക ക്ഷേ​മ​ത്തി​നു​വേ​ണ്ടി ന​ട​ത്തി​യ പ​രി​ശ്ര​മ​ങ്ങ​ളും പോ​രാ​ട്ട​ങ്ങ​ളും ശ്ര​ദ്ധേ​യ​മാ​ണെ​ന്ന് മു​ന്‍ പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല. അ​ന്ത​രി​ച്ച കൊ​ടു​മ​ണ്‍ ഗോ​പി​നാ​ഥ​ന്‍ നാ​യ​ര്‍​ക്ക് ആ​ദ​രാ​ഞ്ജ​ലി അ​ര്‍​പ്പി​ച്ച​ശേ​ഷം സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. പ്ലാ​ന്‍റേ​ഷ​ന്‍ കോ​ര്‍​പ​റേ​ഷ​ന്‍ ചെ​യ​ര്‍​മാ​നെ​ന്ന നി​ല​യി​ലും പ്ര​ശം​സ​നീ​യ​മാ​യ പ്ര​വ​ര്‍​ത്ത​ന​മാ​ണ് അ​ദ്ദേ​ഹം ന​ട​ത്തി​യ​ത്. പ​ത്ത​നം​തി​ട്ട ജി​ല്ല​യി​ല്‍ കോ​ണ്‍​ഗ്ര​സി​നെ ശ​ക്തി​പ്പെ​ടു​ത്തു​ന്ന​തി​ന് അ​ദ്ദേ​ഹം ന​ട​ത്തി​യ സേ​വ​ന​ങ്ങ​ള്‍ ഒ​രി​ക്ക​ലും മ​റ​ക്കാ​നാ​വി​ല്ലെ​ന്നും ര​മേ​ശ് അ​നു​സ്മ​രി​ച്ചു.

ഡി​സി​സി മു​ന്‍ പ്ര​സി​ഡ​ന്‍റ് പി. ​മോ​ഹ​ന്‍​രാ​ജ്, ന​ഹാ​സ് പ​ത്ത​നം​തി​ട്ട, അ​ജി​കു​മാ​ര്‍ ര​ണ്ടാം​കു​റ്റി എ​ന്നി​വ​ര്‍ സ​ന്നി​ഹി​ത​രാ​യി​രു​ന്നു.

പ്ര​തി​പ​ക്ഷ നേ​താ​വും ഡി​സി​സി​യും
അ​നു​ശോ​ചി​ച്ചു

പ​ത്ത​നം​തി​ട്ട: മു​തി​ര്‍​ന്ന കോ​ണ്‍​ഗ്ര​സ് നേ​താ​വ് കൊ​ടു​മ​ണ്‍ ജി. ​ഗോ​പി​നാ​ഥ​ന്‍ നാ​യ​രു​ടെ നി​ര്യാ​ണ​ത്തി​ല്‍ പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ന്‍ അ​നു​ശോ​ചി​ച്ചു.

ക​ര്‍​ഷ​ക കോ​ണ്‍​ഗ്ര​സ് സം​സ്ഥാ​ന അ​ധ്യ​ക്ഷ​ന്‍, പ്ലാ​ന്‍റേ​ഷ​ന്‍ കോ​ര്‍​പ​റേ​ഷ​ന്‍ ചെ​യ​ര്‍​മാ​ന്‍ എ​ന്നീ നി​ല​ക​ളി​ല്‍ പ്ര​ശം​സ​നീ​യ​മാ​യ പ്ര​വ​ര്‍​ത്ത​ന​മാ​ണ് അ​ദ്ദേ​ഹം ന​ട​ത്തി​യ​തെ​ന്നു സ​തീ​ശ​ന്‍ അ​നു​സ്മ​രി​ച്ചു.

പ​ത്ത​നം​തി​ട്ട: എ​ഐ​സി​സി അം​ഗം, ക​ര്‍​ഷ​ക കോ​ണ്‍​ഗ്ര​സ് സം​സ്ഥാ​ന പ്ര​സി​ഡ​ന്‍റ്, ജി​ല്ലാ പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് തു​ട​ങ്ങി വി​വി​ധ നി​ല​ക​ളി​ല്‍ പ്ര​വ​ര്‍​ത്തി​ച്ച മു​തി​ര്‍​ന്ന കോ​ണ്‍​ഗ്ര​സ് നേ​താ​വ് കൊ​ടു​മ​ണ്‍ ജി. ​ഗോ​പി​നാ​ഥ​ന്‍ നാ​യ​രു​ടെ നി​ര്യാ​ണ​ത്തി​ല്‍ ജി​ല്ലാ കോ​ണ്‍​ഗ്ര​സ് ക​മ്മി​റ്റി അ​നു​ശോ​ച​നം രേ​ഖ​പ്പെ​ടു​ത്തി.

ജി​ല്ല​യി​ല്‍ കോ​ണ്‍​ഗ്ര​സ് പ്ര​സ്ഥാ​ന​ത്തി​ന് അ​ടി​ത്ത​റ​പാ​കി ശ​ക്തി​പ്പെ​ടു​ത്തു​ന്ന​തി​ല്‍ അ​ദ്ദേ​ഹം വ​ഹി​ച്ച പ​ങ്ക് നി​ര്‍​ണാ​യ​ക​മാ​യി​രു​ന്ന​താ​യി ഡി​ഡി​സി പ്ര​സി​ഡ​ന്‍റ് പ്ര​ഫ. സ​തീ​ഷ് കൊ​ച്ചു​പ​റ​മ്പി​ല്‍ പ​റ​ഞ്ഞു.