ഭ​ര​ണ​മാ​റ്റം, സ​ഹ​ക​ര​ണ ബാ​ങ്ക് അ​ഴി​മ​തി; മൈ​ല​പ്ര രാ​ഷ‌്ട്രീ​യം വീ​ണ്ടും ച​ർ​ച്ച​യി​ൽ
Wednesday, May 31, 2023 10:43 PM IST
മൈ​ല​പ്ര: ഉ​പ​തെ​ര​ഞ്ഞെ​ടു​പ്പു​ഫ​ലം അ​നു​കൂ​ല​മാ​യ​തോ​ടെ പ​ഞ്ചാ​യ​ത്ത് ഭ​ര​ണം തി​രി​കെ പി​ടി​ക്കു​ന്ന​തി​നെ​ക്കു​റി​ച്ചു​ള്ള ച​ർ​ച്ച​യും മൈ​ല​പ്ര​യി​ൽ സ​ജീ​വ​മാ​യി.
13 അം​ഗ ഭ​ര​ണ​സ​മി​തി​യി​ൽ യു​ഡി​എ​ഫി​ന് ആ​റും സ്വ​ത​ന്ത്രാം​ഗ​ത്തി​ന്‍റെ പി​ന്തു​ണ​യി​ൽ എ​ൽ​ഡി​എ​ഫി​ന് ആ​റും അം​ഗ​ങ്ങ​ളാ​ണു​ള്ള​ത്. ബി​ജെ​പി​ക്കും ഒ​രു അം​ഗ​മു​ണ്ട്.
നി​ല​വി​ൽ സ്വ​ത​ന്ത്ര​നു വൈ​സ് പ്ര​സി​ഡ​ന്‍റു സ്ഥാ​നം ന​ൽ​കി​യാ​ണ് എ​ൽ​ഡി​എ​ഫ് ഭ​ര​ണം മു​ന്നോ​ട്ടു പോ​കു​ന്ന​ത്. യു​ഡി​എ​ഫി​ന്‍റെ കു​ത്ത​ക പ​ഞ്ചാ​യ​ത്താ​യ മൈ​ല​പ്ര​യി​ൽ 2020ലെ ​തെ​ര​ഞ്ഞെ​ടു​പ്പി​ലാ​ണ് ഭ​ര​ണം കൈ​മോ​ശം വ​ന്ന​ത്. ഒ​രു സീ​റ്റ് കൂ​ടി ല​ഭി​ച്ച​തോ​ടെ നി​ല​വി​ലെ ഭ​ര​ണ​സ​മി​തി​യെ പു​റ​ത്താ​ക്കാ​നു​ള്ള ആ​ലോ​ച​ന​യും തു​ട​ങ്ങി.
നി​ല​വി​ലെ ഭ​ര​ണ​സ​മി​തി​ക്കെ​തി​രേ അ​വി​ശ്വാ​സം പാ​സാ​കാ​ൻ ഏ​ഴു പേ​രു​ടെ പി​ന്തു​ണ വേ​ണം. അ​വി​ശ്വാ​സ​ത്തെ ബി​ജെ​പി പി​ന്തു​ണ​ച്ചേ​ക്കാ​മെ​ങ്കി​ലും തു​ട​ർ​ന്ന് ഭ​ര​ണ​ത്തി​ലെ​ത്ത​ണ​മെ​ങ്കി​ൽ പി​ന്തു​ണ തേ​ടാ​നാ​കി​ല്ല.
ഇ​താ​ണ് യു​ഡി​എ​ഫി​നെ വി​ഷ​മി​പ്പി​ക്കു​ന്ന​ത്. സ്വ​ത​ന്ത്രാം​ഗ​ത്തി​ന്‍റെ പി​ന്തു​ണ തേ​ടാ​നു​ള്ള ശ്ര​മം മു​ന്പു പ​രാ​ജ​യ​പ്പെ​ട്ട​താ​ണ്.
മൈ​ല​പ്ര സ​ഹ​ക​ര​ണ ബാ​ങ്കു​മാ​യി ബ​ന്ധ​പ്പെ​ട്ടു​യ​ർ​ന്ന അ​ഴി​മ​തി ആ​രോ​പ​ണ​ങ്ങ​ളി​ൽ സ്വീ​ക​രി​ച്ച നി​ല​പാ​ടും ഉ​പ​തെ​ര​ഞ്ഞെ​ടു​പ്പി​ൽ എ​ൽ​ഡി​എ​ഫി​നു ദോ​ഷ​മാ​യെ​ന്നാ​ണ് വി​ല​യി​രു​ത്ത​ൽ.
പ​തി​ഞ്ചു​വ​ർ​ഷ​ത്തോ​ളം എ​ൽ​ഡി​എ​ഫ് കൈ​വ​ശം​വ​ച്ചി​രു​ന്ന വാ​ർ​ഡാ​ണ് ന​ഷ്ട​മാ​യ​ത്.
പ​ഞ്ചാ​യ​ത്ത് പ്ര​സി​ഡ​ന്‍റാ​യി​രു​ന്ന സി​പി​എം വ​നി​ത പ്ര​തി​നി​ധി​യു​ടെ നി​ര്യാ​ണ​ത്തി​ലൂ​ടെ​യാ​ണ് ഉ​പ​തെ​ര​ഞ്ഞെ​ടു​പ്പ് വേ​ണ്ടി​വ​ന്ന​തും.
മൈ​ല​പ്ര​യി​ൽ ജെ​സി വ​ർ​ഗീ​സ് നേ​ടി​യ വി​ജ​യം അ​ഴി​മ​തി രാ​ഷ്‌ട്രീ​യ​ത്തി​നെ​തി​രാ​യ ജ​ന​ങ്ങ​ളു​ടെ വി​ധി​യെ​ഴു​ത്താ​ണെ​ന്ന് ഡി​സി​സി പ്ര​സി​ഡ​ന്‍റ് സ​തീ​ഷ് കൊ​ച്ചു​പ​റ​മ്പി​ല്‍ പ​റ​ഞ്ഞു.
കോ​ന്നി എം​എ​ല്‍‌​എ​യു​ടെ നേ​തൃ​ത്വ്തി​ല്‍ ഭ​ര​ണ സ്വാ​ധീ​നം ഉ​പ​യോ​ഗി​ച്ചും പ​ണം ഒ​ഴു​ക്കി പ്ര​ച​ര​ണം ന​ട​ത്തി​യി​ട്ടും എ​ല്‍​ഡി​എ​ഫ് വി​ജ​യി​ക്കാ​തി​രു​ന്ന​ത് മൈ​ല​പ്ര സ​ര്‍​വീ​സ് സ​ഹ​ക​ര​ണ ബാ​ങ്കി​ലും പ​ഞ്ചാ​യ​ത്ത് ഭ​ര​ണ​ത്തി​ലും സിപിഎം ന​ട​ത്തി​യ അ​ഴി​മ​തി​യു​ടെ ഫ​ല​മാ​ണെ​ന്ന് ഡി​സി​സി പ്ര​സി​ഡ​ന്‍റ് പ​റ​ഞ്ഞു.
മൈ​ല​പ്ര സ​ഹ​ക​ര​ണ ബാ​ങ്കു​മാ​യി ബ​ന്ധ​പ്പെ​ട്ട് കോ​ടി​ക​ണ​ക്കി​നു രൂ​പ​യു​ടെ അ​ഴി​മ​തി പു​റ​ത്തു​വ​ന്നി​ട്ടും കു​റ്റ​ക്കാ​രാ​യ​വ​രെ സം​ര​ക്ഷി​ച്ച സി​പി​എം നി​ല​പാ​ടി​നെ​തി​രേ​യു​ള്ള വി​ധി​യെ​ഴു​ത്താ​ണ് ഉ​പ​തെ​ര​ഞ്ഞെ​ടു​പ്പ് ഫ​ല​മെ​ന്ന് ബാ​ങ്ക് മു​ൻ ഭ​ര​ണ​സ​മി​തി​യം​ഗം ഗീ​വ​ർ​ഗീ​സ് ത​റ​യി​ൽ പ​റ​ഞ്ഞു.

Copyright @ 2022 , Rashtra Deepika Ltd.