കാട്ടറിവ് ഭക്ഷ്യോത്പന്നമേള നടത്തി

അട്ടേങ്ങാനം: കോടോം-ബേളൂർ പഞ്ചായത്ത് കുടുംബശ്രീ സിഡിഎസ് മോഡൽ ജിആർസി എന്നിവയുടെ നേതൃത്വത്തിൽ കാട്ടറിവ് എന്ന പേരിൽ പരമ്പരാഗത ഭക്ഷ്യോത്പന്ന പ്രദർശനവും വിപണനമേളയും സംഘടിപ്പിച്ചു. പഞ്ചായത്ത് പ്രസിഡന്‍റ് പി. ശ്രീജ ഉദ്ഘാടനം ചെയ്തു. സിഡിഎസ് ചെയർപേഴ്സൺ സി. ബിന്ദു അധ്യക്ഷത വഹിച്ചു.

പഞ്ചായത്ത് വൈസ് പ്രസിഡന്‍റ് പി. ദാമോദരൻ, വിദ്യാഭ്യാസ സ്ഥിരംസമിതി അധ്യക്ഷ എൻ.എസ്. ജയശ്രീ, മെംബർമാരായ നിഷ അനന്തൻ, പി. ഗോപി, പഞ്ചായത്ത് സെക്രട്ടറി പി. ജെയ്സൺ, ട്രൈബർ കോ-ഓർഡിനേറ്റർ മനീഷ്, സുരേഷ് വയമ്പ്, രാമചന്ദ്രൻ എന്നിവർ പ്രസംഗിച്ചു. സിഡിഎസ് വൈസ് ചെയർ പേഴ്സൺ പി.എൽ. ഉഷ സ്വാഗതവും കമ്യൂണിറ്റി കൗൺസിലർ കെ.വി. തങ്കമണി നന്ദിയും പറഞ്ഞു.