വെ​ള്ള​റ​ട : വി​ദ​ഗ്ധ ചി​കി​ത്സ​യ്ക്ക് ആ​ശു​പ​ത്രി​യി​ലെ​ത്തി​ക്കാ​ൻ വൈ​കി​യ​തി​നെ തു​ട​ർ​ന്ന് രോ​ഗി മ​രി​ച്ചു. വെ​ള്ള​റ​ട സ്വ​ദേ​ശി​നി ആ​ന്‍​സി (52) ആ​ണ് മ​രി​ച്ച​ത്. പ​നി​യെ തു​ട​ര്‍​ന്ന് വെ​ള്ള​റ​ട​യി​ലെ സ്വ​കാ​ര്യ ആ​ശു​പ​ത്രി​യി​ല്‍ ചി​കി​ത്സ​യ്ക്ക് എ​ത്തി​യ ആ​ന്‍​സി​യു​ടെ നി​ല വ​ഷ​ളാ​വു​ക​യാ​യി​രു​ന്നു.

പ്ലേ​റ്റ് ലെ​റ്റ് താ​ഴ്ന്ന് ഗു​രു​ത​രാ​വ​സ്ഥ​യി​ലാ​യ രോ​ഗി​യെ എ​ത്ര​യും വേ​ഗം തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്കോ ജ​ന​റ​ല്‍ ആ​ശു​പ​ത്രി​യി​ലേ​ക്കോ മാ​റ്റ​ണ​മെ​ന്ന് ഡോ​ക്‌​ട​ര്‍ നി​ര്‍​ദേ​ശി​ച്ചു. തു​ട​ര്‍​ന്ന് ആ​ന്‍​സി​യെ വെ​ള്ള​റ​ട സാ​മൂ​ഹ്യ ആ​രോ​ഗ്യ കേ​ന്ദ്ര​ത്തി​ലേ​ക്ക് മാ​റ്റി​യെ​ങ്കി​ലും അ​വി​ടെ​യു​ള്ള ഡോ​ക്‌​ട​ര്‍​മാ​ർ പ്രാ​ഥ​മി​ക ചി​കി​ത്സ​ക​ള്‍​ക്ക് ശേ​ഷം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേക്ക് അ​ടി​യ​ന്ത​ര​മാ​യി റ​ഫ​ർ ചെ​യ്യു​ക​യാ​യി​രു​ന്നു.

ഓ​ക്‌​സി​ജ​ന്‍ സൗ​ക​ര്യ​മു​ള്ള ആം​ബു​ല​ന്‍​സ് ഉ​റ​പ്പാ​ക്ക​ണം എ​ന്നി​രി​ക്കെ സാ​മൂ​ഹി​ക ആ​രോ​ഗ്യ കേ​ന്ദ്ര​ത്തി​ലെ ജീ​വ​ന​ക്കാ​രും 108 സേ​വ​നം ഉ​റ​പ്പാ​ക്കാ​ന്‍ ശ്ര​മി​ച്ചെ​ങ്കി​ലും സ്‌​പെ​ഷ​ല്‍ ഡ്യൂ​ട്ടി​യു​ടെ കാ​ര​ണ​ത്താ​ല്‍ ആം​ബു​ല​ന്‍​സ് വി​ട്ടു​ന​ൽ​കാ​ന്‍ ക​ഴി​യി​ല്ലെ​ന്ന് സ​ന്ദേ​ശം ല​ഭി​ക്കു​ക​യാ​യി​രു​ന്നു. തു​ട​ര്‍​ന്ന് ഏ​റെ സ​മ​യ​ങ്ങ​ള്‍​ക്ക് ശേ​ഷം സാ​ധാ​ര​ണ ആം​ബു​ല​ന്‍​സ് വി​ളി​ച്ച് വ​രു​ത്തി വെ​ള്ള​റ​ട സാ​മൂ​ഹ്യ ആ​രോ​ഗ്യ കേ​ന്ദ്ര​ത്തി​ലെ ജീ​വ​ന​ക്കാ​രു​ടെ സ​ഹാ​യ​ത്താ​ല്‍ ന​ല്‍​കി​യ ഓ​ക്‌​സി​ജ​നും രോ​ഗി​ക്ക് ന​ല്‍​കി.

രോ​ഗി​യെ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്ക് കൊ​ണ്ടു​പോ​യെ​ങ്കി​ലും അ​മ​ര​വി​ളി​യി​ല്‍ വ​ച്ച് സ്ഥി​തി ഗു​രു​ത​ര​മാ​വു​ക​യാ​യി​രു​ന്നു. തു​ട​ര്‍​ന്ന് നെ​യ്യാ​റ്റി​ന്‍​ക​ര ജ​ന​റ​ല്‍ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചെങ്കിലും ജീവൻ രക്ഷിക്കാനായില്ല.