വെള്ളറട: സര്‍ക്കാര്‍ നടപ്പാക്കുന്ന ലൈഫ് ഭവന പദ്ധതിയില്‍ നിര്‍ധന കുടുംബങ്ങള്‍ വീട് വയ്ക്കുന്നതിനു ലക്ഷ്യമിടുന്ന മനസോടെ ഇത്തിരി മണ്ണ് പദ്ധതിയിലേക്കു പെരുങ്കടവിള പഞ്ചായത്തിലെ തൃപ്പലവൂര്‍ വാര്‍ഡില്‍ 20 സെന്‍റ് സ്ഥലം കൈമാറി മേപ്പാംകോട് വലിയകാല ആര്‍.ബി. വില്ലയില്‍ ജെ. രാജേന്ദ്രപ്രസാദ്. വസ്തുവിന്‍റെ പ്രമാണം മന്ത്രി എം.ബി. രാജേഷ് സ്വീകരിച്ചു.
20 ലക്ഷം രൂപ വിലമതിക്കുന്ന വസ്തുവാണു രാജേന്ദ്രപ്രസാദ് കൈമാറിയത്. സി.കെ. ഹരീന്ദ്രന്‍ എംഎല്‍എ, ജില്ലാ പഞ്ചായത്ത് പ്രസിഡന്‍റ് അഡ്വ. ഡി. സുരേഷ് കുമാര്‍, പഞ്ചായത്ത് പ്രസിഡന്‍റ് എസ്. സുരേന്ദ്രന്‍, വൈസ് പ്രസിഡന്‍റ് എസ്. ബിന്ദു, വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ കാനക്കോട് ബാലരാജ്, പഞ്ചായത്ത് മുന്‍ വൈസ് പ്രസിഡന്‍റ് തൃപ്പലവൂര്‍ പ്രസാദ്, പഞ്ചായത്തംഗം മിനി പ്രസാദ്, പഞ്ചായത്ത് സെക്രട്ടറി എം. ജഗദമ്മ എന്നിവര്‍ പങ്കെടുത്തു.