കോ​ട്ടൂ​ർ​ സു​നി​ൽ

പേ​യാ​ട്: രാ​ഷ്ട്ര​പ​തി​യു​ടെ ശ​ബ​രി​മ​ല സ​ന്ദ​ർ​ശ​ന ​വാ​ർ​ത്ത​ക​ളി​ൽ നിറഞ്ഞു നിൽക്കുന്ന ഈസമയത്ത് മുൻ പ്രസിഡന്‍റ് വി​.വി. ഗി​രി​യു​ടെ മ​ല​ക​യ​റ്റ​വും ഇ​പ്പോ​ൾ ശ്രദ്ധനേടുകയാണ്. പ​ഴ​യ രാ​ഷ്ട്ര​പ​തി​യെ ക​സേര​യി​ൽ ചു​മ​ന്നു മലയിലെത്തിച്ച ആൾ ദേ ഇവിടെയുണ്ട്. പേ​യാ​ട് കാ​ട്ടു​വി​ള സ്വ​ദേ​ശി കൃഷ്ണ​ൻ​കു​ട്ടി (81)യാണ് ആ ആൾ...

1973 ഏ​പ്രി​ൽ 10നാ​ണ് വി.​വി. ഗി​രി ശ​ബ​രി​മ​ല​യി​ൽ എ​ത്തി​യ​ത്. അ​ന്നു മ​ല​ക​യ​റ​ണ​മെ​ങ്കി​ൽ ഒ​ന്നു​കി​ൽ ന​ട​ക്ക​ണം. അ​ല്ലെ​ങ്കി​ൽ ഡോ​ളി​യി​ൽ കേ​റ​ണം. അ​ങ്ങി​നെ​യാ​ണ് കൃ​ഷ്ണ​ൻ​കു​ട്ടി​ക്ക് ഡോ​ളി ചു​മ​ക്കാ​നാ​യ​ത്. ഒ​രു ചൂ​ര​ൽ ക​സേ​ര​യി​ലാ​ണ് കൃ​ഷ്ണ​ൻ​കു​ട്ടി​യും മ​റ്റു മൂ​ന്നു പേ​രും ചേ​ർ​ന്നു വി.​വി. ഗി​രി​യെ മ​ല​ക​യ​റ്റി യ​ത്. രാ​വി​ലെ തു​ട​ങ്ങി​യ യാ​ത്ര​യ്ക്കു പോ​ലീ​സും അം​ഗ​ര​ക്ഷ​ക​രും അ​ക​ന്പ​ടി​യാ​യി.

അ​ന്നു കൃ​ഷ്ണ​ൻ​കു​ട്ടി ദേ​വ​സ്വം ബോ​ർ​ഡി​ലെ ഡോ​ളി ചു​മ​ക്കു​ന്ന​യാ​ളാ​യി​രു​ന്നു. ദേ​വ​സ്വം അ​ധി​കൃ​ത​ർ ഇ​വ​രെ ഇ​തി​നാ​യി ചു​മ​ത​ല​പ്പെ​ടു​ത്തി. രാ​ജ്യ​ത്തെ പ്ര​ധാ​ന പൗ​ര​ൻ ആ​ണെ​ന്ന​തും സു​പ്ര​ധാ​ന വ്യ​ക്തി​യാ​ണെ​ന്ന​തും ഇ​വ​രെ കൂ​ടു​ത​ൽ ക​രു​ത്തു​റ്റ​താ​ക്കി. എ​ന്നാ​ൽ ല​വ​ലേ​ശം പോ​ലും ഭ​യ​മി​ല്ലാ​തി​രു​ന്നു​വെ​ന്നും കൃ​ഷ്ണ​ൻ​കു​ട്ടി പ​റ​ഞ്ഞു. മ​ര​കൂ​ട്ട​ത്ത് ഇ​റ​ങ്ങി​യ ഇ​ദ്ദേ​ഹം അ​ൽ​പ്പ​സ​മ​യം വി​ശ്ര​മി​ച്ചു. ഭ​ക്ഷ​ണ​വും ക​ഴി​ച്ചു.

തു​ട​ർ​ന്ന് സ​ന്നി​ധാ​ന​ത്തെ​ത്തി ശ​ബ​രീ​ശ​നെ തൊ​ഴു​തു. ഉ​ച്ച​യ്ക്ക് ശേ​ഷ​മാ​ണ് വി.​വി. ഗി​രി തി​രി​കെ ഡോ​ളി​യി​ൽ​ത​ന്നെ താ​ഴെ​യി​റ​ങ്ങി​യ​ത്. ത​ന്‍റെ സ​ന്ദ​ർ​ശ​ത്തി​ൽ അ​ദ്ദേ​ഹം ബ​ന്ധ​പ്പെ​ട്ട​വ​രെ പ്ര​ത്യേ​കം അ​ഭി​ന​ന്ദി​ക്കു​ക​യും ചെ​യ്തു. ത​നി​ക്ക് ഇ​തൊ​രു അ​പൂ​ർ​വ അ​നു​ഭ​വ​മാ​യി​രു​ന്നു​വെ​ന്നും അ​ദ്ദേ​ഹം പ​റ​ഞ്ഞ​താ​യും കൃ​ഷ്ണ​ൻ​കു​ട്ടി പ​റ​ഞ്ഞു. തി​രി​കെ ഇ​റ​ങ്ങി പ​മ്പ​യി​ൽ എ​ത്തി​യ​പാ​ടെ ത​ങ്ങ​ൾ നാ​ലു പേ​രെ​യും പ്ര​ത്യേ​കം വി​ളി​ച്ച് അ​ഭി​ന​ന്ദി​ക്കു​ക​യും കാ​ര്യ​ങ്ങ​ൾ ചോ​ദി​ച്ച് മ​ന​സി​ലാ​ക്കു​ക​യും ചെ​യ്ത​താ​യും കൃ​ഷ്ണ​ൻ​കു​ട്ടി ഓ​ർ​ത്തെ​ടു​ത്തു.

പി​ന്നീ​ട് ഡ​ൽ​ഹി​യി​ൽ എ​ത്തി​യ​ശേ​ഷം ഈ ​നാ​ല് പേ​ർ​ക്കും ജോ​ലി ന​ൽ​കാ​ൻ ഉ​ത്ത​ര​വി​ടു​ക​യും ചെ​യ്തു. എ​ന്നാ​ൽ മ​റ്റു മൂ​ന്ന് പേ​ർ​ക്കും ജോ​ലി ല​ഭി​ച്ചെ​ങ്കി​ലും കൃ​ഷ്ൻ​കു​ട്ടി​ക്ക് ല​ഭി​ച്ചി​ല്ല. ജോ​ലി വി​വ​ര​ങ്ങ​ൾ​ക്കാ​യി പോ​ലീ​സ് നാ​ട്ടി​ലെ​ത്തി അ​ന്വേ​ഷി​ച്ച​പ്പോ​ൾ നാ​ട്ടു​കാ​രി​ൽ പ​ല​രും അ​ങ്ങ​നെ​യൊ​രു ആ​ളെ അ​റി​യി​ല്ലെ​ന്ന ഉ​ത്ത​ര​മാ​ണ് ന​ൽ​കി​യ​ത​ത്രേ.

ക​ഴി​ഞ്ഞ 30 വ​ർ​ഷ​ത്തോ​ളം കൃ​ഷ്ണ​ൻ​കു​ട്ടി ശ​ബ​രി​മ​ല​യി​ൽ ഡോ​ളി​യാ​യി ജോ​ലി​യെ​ടു​ത്തി​രു​ന്നു. പ്രാ​യം ക​വി​ഞ്ഞ​തോ​ടെ അ​തി​ൽ നി​ന്നും വി​ട​പ​റ​ഞ്ഞു നാ​ട്ടി​ലെ​ത്തു​ക​യാ​യി​രു​ന്നു. ഇ​പ്പോ​ൾ പോ​യാ​ട്ടെ ഒ​രു വി​ല്ലാ പ്രോ​ജ​ക്ടി​ലെ സെ​ക്യൂ​രി​റ്റി​യാ​ണ് കൃ​ഷ്ണേ​ട്ട​ൻ. അ​ന്ന് ന​ഷ്ട​പ്പെ​ട്ട ജോ​ലി​യി​ൽ നി​രാ​ശ​യി​ല്ല. പ​ക്ഷേ ഒ​രു കൂ​ര​യി​ൽ ജീ​വി​തം ത​ള്ളി നീ​ക്കു​ക​യാ​ണ് ഇ​ദ്ദേ​ഹം.

പ്രാ​യം കൂ​ടു​ന്ന​തോ​ടെ ഇ​നി അ​തി​നും ക​ഴി​യാ​തെ വ​രു​മെ​ന്ന ആ​ശ​ങ്ക​യും കൃ​ഷ്ണ നേ​ട്ട​നു​ണ്ട്. ഇ​നി ക​നി​യേ​ണ്ട​ത് ദേ​വ​സ്വം ബോ​ർ​ഡാ​ണ്. അ​വ​ർ എ​ന്തെ​ങ്കി​ലും സാ​മ്പ​ത്തി​ക സ​ഹാ​യം ചെ​യ്യു​മെ​ന്ന വി​ശ്വാ​സ​മാ​ണു കൃ​ഷ്ണ​ൻ​കു​ട്ടി​ക്കും ഭാ​ര്യ​ക്കു​മു​ള്ള​ത്.