പാലോട് അഗ്നിരക്ഷാനിലയം എത്രയും വേഗം പ്രാവർത്തികമാക്കണം: മനുഷ്യാവകാശ കമ്മീഷൻ
1429683
Sunday, June 16, 2024 6:58 AM IST
തിരുവനന്തപുരം: 2021 ഫെബ്രുവരി18 ന് പുറത്തിറക്കിയ സർക്കാർ ഉത്തരവിൽ അനുമതി നൽകിയ പാലോട് അഗ്നിരക്ഷാനിലയം എത്രയും വേഗം പ്രാവർത്തികമാക്കണമെന്ന് മനുഷ്യാവകാശ കമ്മീഷൻ.
കമ്മീഷൻ ആക്റ്റിംഗം ചെയർപേഴ്സണും ജുഡീഷ്യൽ അംഗവുമായ കെ . ബൈജൂനാഥ് ആഭ്യന്തര വകുപ്പ് അഡീഷണൽ ചീഫ് സെക്രട്ടറിക്കും ഫയർ സർവീസസ് ഡയറക്ടർക്കുമാണ് നിർദേശം നൽകിയത്.
ഫയർ സർവീസസിന് സർക്കാർ 34.5 സെന്റ് ഭൂമി അനുവദിച്ചു. എംഎൽഎ 10 ലക്ഷം രൂപയും നൽകി. രണ്ട് മൊബൈൽ ടാങ്ക് യൂണിറ്റുകൾ പാർക്ക് ചെയ്യാൻ ഗ്യാരേജ് നിർമിച്ചു. കൂടി വെള്ളത്തിനായി പൈപ്പ് സ്ഥാപിച്ചെങ്കിലും അത് വാട്ടർ ലൈനുമായി കണക്റ്റ് ചെയ്യാത്തതു കാരണം വാഹനങ്ങളിൽ വെള്ളം നിറയ്ക്കാൻ കഴിയാതായി.
ഫയർ സ്റ്റേഷന് ആവശ്യമായ സൗകര്യം സ്ഥലത്തിനില്ലെന്നാണ് ആഭ്യന്തര വകുപ്പ് അഡീഷണൽ ചീഫ് സെക്രട്ടറി കമ്മീഷനെ അറിയിച്ചത്. ചെമ്പൻകോട് മണികണ്ഠൻ സമർപ്പിച്ച പരാതിയിലാണ് നടപടി.