ഈ​ദ് ഗാ​ഹി​ലും പൊ​ങ്കാ​ല​യി​ലും പ​ങ്കെ​ടു​ത്ത് സ്ഥാ​നാ​ർ​ഥികൾ
Thursday, April 11, 2024 6:20 AM IST
തി​രു​വ​ന​ന്ത​പു​രം: ഈ​ദ് ഗാ​ഹി​ലും പൊ​ങ്കാ​ല മ​ഹോ​ത്സ​വ​ത്തി​ലും പ​ങ്കെ​ടു​ത്ത് സ്ഥാ​നാ​ർ​ഥി​ക​ൾ. ഇ​സ്‌ലാം മ​ത വി​ശ്വാ​സി​ക​ൾ​ക്ക് പെ​രു​ന്നാ​ൾ ആ​ശം​സ​ക​ൾ നേ​രു​ന്ന​തി​നാ​യി യു​ഡി​എ​ഫ് സ്ഥാ​നാ​ർ​ഥി ഡോ.​ശ​ശി ത​രൂ​ർ ഇ​ന്ന​ലെ രാ​വി​ലെ പാ​ള​യം ച​ന്ദ്ര​ശേ​ഖ​ര​ൻ നാ​യ​ർ സ്റ്റേ​ഡി​യ​ത്തി​ലെ ഈ​ദ് ഗാ​ഹ് സ​ന്ദ​ർ​ശി​ച്ചു. പ്രാ​ർ​ഥ​ന​യി​ൽ വി​ശ്വാ​സി​ക​ൾ​ക്കൊ​പ്പം പ​ങ്കെ​ടു​ത്ത അ​ദ്ദേ​ഹം തു​ട​ർ​ന്ന് ബീ​മ​പ​ള്ളി​യി​ലേ​ക്ക് പോ​യി. അ​വി​ടെ​യും പ​ള്ളി​യി​ലെ​ത്തി​യ വി​ശ്വാ​സി​ക​ളു​മാ​യി അ​ദ്ദേ​ഹം സൗ​ഹൃ​ദം പ​ങ്കു​വ​ച്ചു.

തു​ട​ർ​ന്ന് വി​വി​ധ ക്ഷേ​ത്ര​ങ്ങ​ൾ സ​ന്ദ​ർ​ശി​ക്കു​ക​യും ഉ​ത്സ​വാ​ശം​സ നേ​രു​ക​യും ചെ​യ്തു. തു​ട​ർ​ന്ന് യു​ഡി​എ​ഫ് ഡി​ജി​റ്റ​ൽ മീ​ഡി​യ സെ​ല്ലി​ന്‍റെ ജി​ല്ലാത​ല യോ​ഗ​ത്തി​ൽ പ​ങ്കെ​ടു​ത്തു. തു​ട​ർ​ന്നു നെ​യ്യാ​റ്റി​ൻ​ക​ര​യി​ൽ ശ്രീ​കൃ​ഷ്ണ സ്വാ​മി ക്ഷേ​ത്ര​ത്തി​ലെ ഉ​ത്സ​വ​ത്തി​ലും അ​ദ്ദേ​ഹം പ​ങ്കെ​ടു​ത്തു.

പെ​രു​ന്നാ​ൾ ദി​ന​ത്തി​ൽ ഈ​ദ് ഗാ​ഹു​ക​ളി​ൽ വി​ശ്വാ​സി​ക​ൾ​ക്കൊ​പ്പം ചേ​ർ​ന്നാ​യി​രു​ന്നു തി​രു​വ​ന​ന്ത​പു​രം എ​ൽ​ഡി​എ​ഫ് സ്ഥാ​നാ​ർ​ഥി പ​ന്ന്യ​ൻ ര​വീ​ന്ദ്ര​നും ഇ​ന്ന​ലെ ദി​വ​സം ആ​രം​ഭി​ച്ച​ത്. ചെ​റി​യ പെ​രു​ന്നാ​ൾ ദി​ന​മാ​യ ഇ​ന്ന​ലെ പൊ​തു​പ​രി​പാ​ടി​ക​ളോ പ​ര്യ​ട​ന​മോ അ​ദ്ദേ​ഹ​ത്തി​ന് ഉ​ണ്ടാ​യി​രു​ന്നി​ല്ല.

ച​ന്ദ്ര​ശേ​ഖ​ർ നാ​യ​ർ സ്റ്റേ​ഡി​യ​ത്തി​ലെ ഈ​ദ് ഗാ​ഹ്, വ​ട്ടി​യൂ​ർ​ക്കാ​വ് ജു​മാ മ​സ്ജി​ദി​ലെ ഈ​ദ് ഗാ​ഹ് എ​ന്നി​വി​ട​ങ്ങി​ൽ പന്ന്യൻ രവീന്ദ്രൻ പ​ങ്കെ​ടു​ത്തു. വി​ശ്വാ​സി​ക​ളു​മാ​യി സ്നേ​ഹാ​ന്വേ​ഷ​ണ​ങ്ങ​ൾ ന​ട​ത്തി. തു​ട​ർ​ന്ന് വ​ട്ടി​യൂ​ർ​ക്കാ​വ് മ​ണ്ഡ​ല​ത്തി​ലെ വി​വി​ധ ക്ഷേ​ത്ര​ങ്ങ​ളി​ലെ ഉ​ത്സ​വ​ങ്ങ​ളി​ലും പ​ങ്കെ​ടു​ത്തു. സ്ഥാ​നാ​ർ​ഥി പ്ര​ഖ്യാ​പ​ന​ത്തി​നു മു​ന്പേ തു​ട​ങ്ങി​യ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നു നേ​രി​യ വി​ശ്ര​മം ല​ഭി​ച്ച ദി​നം കൂ​ടി​യാ​യി​രു​ന്നു ഇ​ന്ന​ലെ.

ഇ​ന്നു പാ​റ​ശാ​ല മ​ണ്ഡ​ല​ത്തി​ലെ ര​ണ്ടാംഘ​ട്ട പ​ര്യ​ട​നം ന​ട​ക്കും. ക​ടു​ത്ത വേ​ന​ൽ ചൂ​ടി​നെ അ​വ​ഗ​ണി​ച്ചും ദീ​ർ​ഘ​നേ​രം കാ​ത്തു​നി​ന്ന് സ്ഥാ​നാ​ർ​ഥി​യു​മാ​യി സെ​ൽ​ഫി എ​ടു​ത്തും കു​ശ​ലം പ​റ​ഞ്ഞു​മാ​ണ് വോ​ട്ട​ർ​മാ​ർ മ​ട​ങ്ങു​ന്ന​ത്.

എ​ൻ​ഡി​എ സ്ഥാ​നാ​ർ​ഥി രാ​ജീ​വ് ച​ന്ദ്ര​ശേ​ഖ​റി​ന്‍റെ വാ​ഹ​ന പ​ര്യ​ട​ന ജാ​ഥ​യു​ടെ മൂ​ന്നാം ദി​ന​മാ​യി​രു​ന്നു ഇ​ന്ന​ലെ. ച​ട്ട​ന്പി​സ്വാ​മി​യു​ടെ ക​ണ്ണ​മ്മൂ​ല​യി​ലെ സ്മാ​ര​ക ഐ​ല​ന്‍റി​ൻ ഇ​ന്ന​ലെ ഉ​ച്ച​ക​ഴി​ഞ്ഞ് നാ​ലി​ന് പു​ഷ്പാ​ർ​ച്ച​ന ന​ട​ത്തി​യാ​യി​രു​ന്നു വാ​ഹ​ന പ്ര​ച​ാര​ണ​ത്തി​നു തു​ട​ക്ക​മാ​യ​ത്.

ബി​ജെ​പി ദേ​ശീ​യ നി​ർ​വാ​ഹ​ക സ​മി​തി അം​ഗം പി.​കെ. കൃ​ഷ്ണ​ദാ​സ് പ്ര​ച​ര​ണ​ജാ​ഥ ഉ​ദ്ഘാ​ട​നം ചെ​യ്തു. പ​തി​നെ​ട്ടാം ലോ​ക്സ​ഭാ തെര​ഞ്ഞെ​ടു​പ്പി​ൽ ആ​രു ഭ​രി​ക്കു​മെ​ന്ന് മു​ൻ​കൂ​ട്ടി തീ​രു​മാ​നി​ച്ച തെ ര​ഞ്ഞെ​ടു​പ്പാ​ണു വ​രാ​ൻ പോ​കു​ന്ന​തെ​ന്ന് പി.​കെ. കൃ​ഷ്ണ​ദാ​സ് പ​റ​ഞ്ഞു. ന​രേ​ന്ദ്ര​മോ​ദി സ​ർ​ക്കാ​ർ വീ​ണ്ടും അ​ധി​കാ​ര​ത്തി​ൽ വ​രും എ​ന്ന​തി​ൽ കോ​ണ്‍​ഗ്ര​സിനോ കോ​ണ്‍​ഗ്ര​സ് നേ​തൃ​ത്വം ന​ൽ​കു​ന്ന മു​ന്ന​ണി​ക്കോ സം​ശ​യ​മി​ല്ല.

ബി​ജെ​പി​ക്ക് 400 സ്റ്റീ​റ്റും കോ​ണ്‍​ഗ്ര​സി​ന് 40 സീ​റ്റും ല​ഭി​ക്കു​മെ​ന്ന് അ​റി​ഞ്ഞ തെ​ര​ഞ്ഞെ​ടു​പ്പാ​ണ് വ​രാ​ൻ പോ​കു​ന്ന​തെ​ന്നും അ​ദ്ദേ​ഹം പ​റ​ഞ്ഞു. ഇ​ത് മാ​റ്റ​ത്തി​ന്‍റെ തെര​ഞ്ഞെ​ടു​പ്പാ​ണെന്നും എ​ൻ​ഡി​എ സ്ഥാ​നാ​ർ​ഥി രാ​ജീ​വ് ച​ന്ദ്ര​ശേ​ഖ​ർ വ്യക്തമാക്കി.