പേ​രൂ​ര്‍​ക്ക​ട: പോ​ലീ​സ് നാ​യ ക​ല്യാ​ണി മരിക്കാനി​ട​യാ​യ സം​ഭ​വ​ത്തി​ല്‍ പൂ​ന്തു​റ പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു. ഇ​ക്ക​ഴി​ഞ്ഞ ന​വം​ബ​ര്‍ 20-നാ​ണ് പോ​ലീ​സ് സേ​ന​യി​ലെ ഏ​റ്റ​വും മി​ടു​ക്കി​യാ​യ നാ​യ​യാ​യി അ​റി​യ​പ്പെ​ടു​ന്ന ക​ല്യാ​ണി ച​ത്ത​ത്. വ​യ​ര്‍ അ​സാ​ധാ​ര​ണ​മാ​യി വീ​ര്‍​ത്ത​തി​നെ​ത്തു​ട​ര്‍​ന്ന് നാ​യ​യെ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.

പോ​സ്റ്റു​മോ​ര്‍​ട്ടം റി​പ്പോ​ര്‍​ട്ടി​ല്‍ ആ​ന്ത​രി​കാ​വ​യ​വ​ത്തി​ല്‍ വി​ഷ​ത്തി​ന്‍റെ സാ​ന്നി​ധ്യം ക​ണ്ടെ​ത്തി​യി​രു​ന്നു. ഇ​താ​ണ് പൊ​തു​വേ സം​ശ​യ​ത്തി​നി​ട ന​ല്‍​കി​യ​ത്. പോ​സ്റ്റു​മോ​ര്‍​ട്ടം റി​പ്പോ​ര്‍​ട്ടി​ന്‍റെ അ​ടി​സ്ഥാ​ന​ത്തി​ല്‍ ഡോ​ഗ് സ്‌​ക്വ​ഡി​ലെ മൂ​ന്നു പോ​ലീ​സു​കാ​ര്‍​ക്കെ​തി​രെ​യാ​ണ് അ​ന്വേ​ഷ​ണം ന​ട​ക്കു​ന്ന​ത്.


ഇ​തി​ല്‍ ര​ണ്ടു പേ​ര്‍ നാ​യ​യെ പ​രി​പാ​ലി​ച്ചി​രു​ന്ന​വ​രും ഒ​രാ​ള്‍ സം​ഭ​വദി​വ​സം ഡ്യൂ​ട്ടി​യി​ല്‍ ഉ​ണ്ടാ​യി​രു​ന്ന​യാ​ളു​മാ​ണെ​ന്നാ​ണ് പൂ​ന്തു​റ പോ​ലീ​സ് ന​ല്‍​കി​യ വി​വ​രം. എ​ന്നാ​ല്‍ ക​ല്യാ​ണി​യു​ടെ മ​ര​ണ​ത്തി​ല്‍ മ​റ്റ് ദു​രൂ​ഹ​ത​ക​ളൊ​ന്നും ഇ​ല്ലെ​ന്നും ആ​ന്ത​രി​കാ​വ​യ​വ​ത്തി​ല്‍ ഉ​ണ്ടാ​യ ട്യൂ​മ​റാ​ണ് നാ​യ മ​രി​ക്കാ​ന്‍ ഇ​ട​യാ​യ​തെ​ന്നു​മാ​ണ് പോ​ലീ​സ് ന​ല്‍​കു​ന്ന സൂ​ച​ന.

എ​ഫ്ഐ​ആ​ര്‍ എ​ടു​ത്ത് കേ​സ് ര​ജി​സ്റ്റ​ര്‍ ചെ​യ്ത​ത് പോ​സ്റ്റു​മോ​ര്‍​ട്ടം ന​ട​ത്താ​ന്‍ നാ​യ​യു​ടെ ശ​രീ​രം പാ​ലോ​ട് അ​നി​മ​ല്‍ ഡി​സീ​സ് സെ​ന്‍റ​റി​ലേ​യ്ക്ക് അ​യ​ക്കു​ന്ന​തി​നു വേ​ണ്ടി​യാ​ണെ​ന്നു പോ​ലീ​സ് അ​റി​യി​ച്ചു. പൂ​ന്തു​റ സ്റ്റേ​ഷ​ന്‍ പ​രി​ധി​യി​ലു​ള​ള ബീ​മാ​പ്പ​ള​ളി പ​ത്തേ​ക്ക​റി​ലാ​ണ് ഡോ​ഗ് സ്‌​ക്വാ​ഡ് ഓ​ഫീ​സ് പ്ര​വ​ര്‍​ത്ത​നം.