നെ​ടു​മ​ങ്ങാ​ട്: ആ​നാ​ട് പ​ഞ്ചാ​യ​ത്തി​ൽ കി​ട​പ്പു​രോ​ഗി​ക​ൾ വ​ല​യുന്നു. ​ആ​വ​ശ്യ​മാ​യ ജീ​വ​ൻ ര​ക്ഷാമ​രു​ന്നു​ക​ൾ ഇ​ല്ലാ​തെ​യാ​ണ് പാ​ലി​യേ​റ്റീ​വ് കെ​യ​റി​ന്‍റെ പ്ര​വ​ർ​ത്ത​ന​മെ​ന്നും ആ​രോ​പ​ണം. 200 ഓ​ളം കി​ട​പ്പ് രോ​ഗി​ക​ളാ​ണ് പ​ഞ്ചാ​യ​ത്തി​ൽ ഉ​ള്ള​ത്.

ക​ഴി​ഞ്ഞ ഭ​ര​ണ​സ​മി​തി​യു​ടെ കാ​ല​ത്ത് വാ​ർ​ഷി​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി 10ല​ക്ഷം പാ​ലി​യേ​റ്റീ​വ് കെ​യ​റി​നും അ​ഞ്ചു​ല​ക്ഷം മ​രു​ന്നു​വാ​ങ്ങു​ന്ന​തി​നും ഒ​രു​ല​ക്ഷം രൂ​പ പ്ര​മേ​ഹ രോ​ഗി​ക​ൾ​ക്കും ഒ​ന്നേ​കാ​ൽ ല​ക്ഷം രൂ​പ വൃ​ക്ക രോ​ഗി​ക​ൾ​ക്കു​മാ​യി പ്ര​ത്യേ​കം ഫ​ണ്ട് വ​ച്ചി​രു​ന്നു.

അ​തി​നു​പു​റ​മേ 75 ല​ക്ഷം രൂ​പ പ്രാ​ഥ​മി​ക ആ​രോ​ഗ്യ​കേ​ന്ദ്രം കു​ടും​ബാ​രോ​ഗ്യ കേ​ന്ദ്ര​മാ​യി ഉ​യ​ർ​ത്തു​ന്ന​തി​നാ​യി പ​ഞ്ചാ​യ​ത്ത് ഫ​ണ്ട് പ്ര​ത്യേ​കം മാ​റ്റി​വെ​ച്ചിട്ടുണ്ടായിരുന്നു. ഒ​രു ഡോ​ക്ട​റു​ടെ​യും ര​ണ്ട് ന​ഴ്സു​മാ​രു​ടെ​യും ഒ​രു ഫാ​ർ​മ​സി​സ്റ്റി​ന്‍റേ​യും ലാ​ബ് ടെ​ക്നീ​ഷ്യ​ന്‍റേ​യും സേ​വ​നം പ​ഞ്ചാ​യ​ത്ത് ന​ട​പ്പി​ലാ​ക്കി​യി​രു​ന്നു.

ഇ​തു​ൾ​പ്പെ​ടെ ക​ഴി​ഞ്ഞ ഭ​ര​ണ​സ​മി​തി​യു​ടെ കാ​ല​ത്ത് കു​ടും​ബാ​രോ​ഗ്യ കേ​ന്ദ്ര​ത്തി​ൽ ഏ​ഴ് ഡോ​ക്ട​ർ​മാ​രു​ടെ സേ​വ​ന​വും ല​ഭ്യ​മാ​യി​രു​ന്നു. പ​ക്ഷേ ഇ​പ്പോ​ൾ സാ​ധാ​ര​ണ​ക്കാ​രാ​യ ആ​ൾ​ക്കാ​ർ ആ​ദ്യം ഓ​ടി​യെ​ത്തു​ന്ന കു​ടും​ബാ​രോ​ഗ്യ കേ​ന്ദ്ര​ത്തി​ൽ എ​ത്തു​ന്ന​വ​ർ​ക്ക് ജീ​വി​ത​ശൈ​ലി രോ​ഗ​ങ്ങ​ൾ​ക്കു​ള്ള മ​രു​ന്നു​ക​ൾ ല​ഭ്യ​മാ​കു​ന്നി​ല്ലെന്നും വ്യാ​പ​ക പ​രാ​തി​യു​ണ്ട്.

കി​ട​പ്പ് രോ​ഗി​ക​ളാ​യ ആ​ൾ​ക്കാ​രി​ൽ ഹൃ​ദ​യ​സം​ബ​ന്ധ​മാ​യ രോ​ഗ​ങ്ങ​ൾ ഉ​ള്ള​വ​ർ​ക്കുപോ​ലും കൊ​ടു​ക്കാ​ൻ മ​രു​ന്നി​ല്ലാ​ത്ത അ​വ​സ്ഥ​യി​ലാ​ണ് കു​ടും​ബാ​രോ​ഗ്യ കേ​ന്ദ്രം പ്ര​വ​ർ​ത്തി​ക്കു​ന്ന​ത്. സാ​ധാ​ര​ണ​ക്കാ​രാ​യ രോ​ഗി​ക​ൾ​ക്ക് അ​ടി​യ​ന്ത​ര​മാ​യി സൗ​ക​ര്യം ഒ​രു​ക്കാ​ത്തപ​ക്ഷം ശ​ക്ത​മാ​യ സ​മ​ര​പ​രി​പാ​ടി​ക​ൾ​ക്ക് രൂ​പം ന​ൽ​കു​മെ​ന്ന് മു​ൻ പ​ഞ്ചാ​യ​ത്ത്‌ പ്ര​സി​ഡ​ന്‍റ് ആ​നാ​ട് സു​രേ​ഷ് പ​റ​ഞ്ഞു.