വിദേശിയെ ആക്രമിച്ച ടാക്സി ഡ്രൈവർ പിടിയിൽ
1280607
Friday, March 24, 2023 11:05 PM IST
വിഴിഞ്ഞം: കോവളത്ത് നെതർലാൻഡ് സ്വദേശിയെ ആക്രമിച്ച ടാക്സി ഡ്രൈവർ പിടിയിൽ . ഇന്നലെ ഉച്ചയ്ക്ക് കോവളം ലൈറ്റ് ഹൗസ് ഭാഗത്ത് നിന്ന് സുഹൃത്തിന്റെ കാറിൽ ഹോട്ടലിലേക്ക് പോകാൻ ഇറങ്ങിയ വിദേശിയായ കാൽവിൻ സ്കോൾട്ടൻ (27) നെയാണ് ടാക്സി ഡ്രൈവറായ വിഴിഞ്ഞം ടാൺ ഷിപ്പ് കോളനിയിൽ ഷാജഹാൻ അടിച്ച് പരിക്കേൽപ്പിച്ചത്. ഓണേഴ്സ് വണ്ടിൽ വിദേശിയെ കയറ്റിയതുമായി ബന്ധപ്പെട്ട് ഉണ്ടായ തർക്കമാണ് അടിയിൽ കലാശിച്ചത്. പിതാവ് ജാക്സിനൊപ്പം ഉച്ചഭക്ഷണം കഴിച്ചശേഷം ഓണേഴ്സ്കാറിൽയാത്ര പോകാൻ ശ്രമിക്കുന്നതിനിടയിൽ ഷാജഹാൻ തടഞ്ഞതാണ് പ്രശ്നമായത്. അടിപിടി തടയാൻ എത്തിയ കാൽവിന്റെ ചുണ്ടിന് പരിക്കേറ്റു. ആക്രമണത്തിൽ വിദേശിയോടൊപ്പമുണ്ടായിരുന്ന സുഹൃത്തും ഡ്രൈവറുമായ ശ്യാമപ്രസാദിനും പരിക്കേറ്റിരുന്നു. കോവളം സിഐ ബിജോയ്,എസ് ഐ അനീഷ് കുമാർ,സിപിഒ സെൽവൻ എന്നിവർ അറസ്റ്റിനു നേതൃത്വം നൽകി.