ഇന്ത്യൻ നേവിയുടെ വെസ്റ്റേൺ നേവൽ കമാൻഡ് മുംബൈ ഹെഡ്‌ക്വാർട്ടേഴ്സിനു കീഴിൽ ബോട്ട് ക്രൂ സ്റ്റാഫ് വിഭാഗത്തിൽ 327 ഒഴിവിലേക്കുള്ള വിജ്‌ഞാപനം കേന്ദ്ര സർക്കാർ പ്രസിദ്ധീകരണമായ "എംപ്ലോയ്മെന്‍റ് ന്യൂസി’ന്‍റെ മാർച്ച് 8-14 ലക്കത്തിൽ പ്രസിദ്ധീകരിച്ചു. ജനറൽ സെൻട്രൽ സർവീസ്, ഗ്രൂപ് സി നോൺ ഗസറ്റഡ്, നോൺ മിനിസ്റ്റീരിയൽ തസ്‌തികയാണ്. ഏപ്രിൽ 1 വരെ ഓൺലൈനായി അപേക്ഷിക്കാം.
തസ്‌തിക, ഒഴിവ്, യോഗ്യത: ലാസ്കർ I (192 ഒഴിവ്): പത്താം ക്ലാസ് ജയം, നീന്തൽ അറിയണം, ഒരു വർഷ ജോലി പരിചയം. ഫയർമാൻ (73): പത്താം ക്ലാസ് ജയം, നീ ന്തൽ അറിയണം, പ്രി- സീ ട്രെയിനിംഗ് കോഴ്‌സ് സർട്ടിഫിക്കറ്റ്. സ്രാങ്ക് ഓഫ് ലാസ്കർ (57): പത്താം ക്ലാസ് ജയം, സ്രാങ്ക് സർട്ടിഫിക്കറ്റ്, സ്രാങ്ക് ഇൻ ചാർജ് ആയി 2 വർഷ ജോലി പരിചയം.
ടോപസ് (Topass) (5): പത്താം ക്ലാസ് ജയം, നീന്തൽ അറിയണം. പ്രായം: 18-25. അർഹർക്ക് ഇളവ്. ശമ്പളം: സ്രാങ്ക് ഓഫ് ലാസ്കർ - 25,500-81,100; ലാസ്കർ I, ഫയർമാൻ, ടോപസ് തസ്‌തികളിൽ 18,000-56,900. തെരഞ്ഞെടുപ്പ്: കംപ്യൂട്ടർ അധിഷ്‌ഠിത എഴുത്തുപരീക്ഷ മുഖേന.
വിജ്‌ഞാപനം www. joinindiannavy. gov.inൽ ഉടൻ പ്രസിദ്ധീകരിക്കും.