ഗോരഖ്പുർ ആസ്ഥാനമായ നോർത്ത് ഈസ്റ്റേൺ റെയിൽവേയുടെ വിവിധ വർക്‌ഷോപ്/യൂണിറ്റുകളിൽ അപ്രന്‍റിസ് അവസരം. 1104 ഒഴിവ്. പരിശീലനം ഒരു വർഷം. ഓൺലൈൻ അപേക്ഷ ഫെബ്രുവരി 23 വരെ.
ഒഴിവുള്ള ട്രേഡുകൾ: ഫിറ്റർ, വെൽഡർ, ഇലക്‌ട്രീഷൻ, കാർപെന്‍റർ, പെയിന്‍റർ, മെഷിനിസ്റ്റ്, ടർണർ, മെക്കാനിക് ഡീസൽ, ട്രിമ്മർ. യോഗ്യത: 50% മാർക്കോടെ ഹൈസ്‌കൂൾ/പത്താം ക്ലാസ് ജയം, ബന്ധപ്പെട്ട ട്രേഡിൽ ഐടിഐ.
പ്രായം: 15-24. അർഹർക്ക് ഇളവ്. സ്റ്റൈപൻഡ്: ചട്ടപ്രകാരം. തെരഞ്ഞെടുപ്പ്: യോഗ്യതാപരീക്ഷയിലെ മാർക്ക് അടിസ്ഥാനമാക്കി, ഡോക്യുമെന്‍റ് വെരിഫിക്കേഷനും ഉണ്ടാകും.
ഫീസ്: 100, ഓൺലൈനായി അടയ്ക്കണം. പട്ടികവിഭാഗം, ഭിന്നശേഷിക്കാർ, സ്ത്രീകൾ എന്നിവർക്കു ഫീസില്ല. www.ner.indianrailways.gov.in
കായികതാരങ്ങൾക്ക് 38 ഒഴിവ്
നോർത്തേൺ റെയിൽവേയ്ക്കു കീഴിൽ കായികതാരങ്ങൾക്ക് 38 ഒഴിവ്. ഗ്രൂപ് ഡി തസ്‌തികകളിലാണ് അവസരം. മാർച്ച് 9 വരെ ഓൺലൈനായി അപേക്ഷിക്കാം.
യോഗ്യത: പത്താം ക്ലാസ് ജയം. പ്രായം: 18-25, ശമ്പളം: 5200-20,200. സ്പോർട്സ് യോഗ്യതകൾക്കും മറ്റു വിശദവിവരങ്ങൾക്കും. www.rrenr.org