നാഷണൽ ഹൈവേ അഥോറിറ്റി ഓഫ് ഇന്ത്യയിൽ ഡെപ്യൂട്ടി മാനേജർ (ടെക്ന‌ിക്കൽ) തസ്തികയിലേക്ക് അപേക്ഷ ക്ഷണിച്ചു. 60 ഒഴിവുണ്ട്. സിവിൽ എൻജിനിയറിംഗ് വിഭാഗത്തിലാണ് ഒഴിവ്.
2024-ലെ ഗേറ്റ് സ്കോർ അടിസ്ഥാനമാക്കിയായിരിക്കും തെരഞ്ഞെടുപ്പ്. തെരഞ്ഞെടുക്കപ്പെടുന്നവർ രാജ്യത്ത് എവിടെയും ജോലിചെയ്യാൻ സന്നദ്ധരായിരിക്കണം. ശമ്പളം: 56,100-1,77,500 രൂപ. പ്രായം: 30 കവിയരുത്.
സംവരണവിഭാഗങ്ങൾക്ക് നിയമാനുസൃത ഇളവ് ലഭിക്കും. യോഗ്യത: സിവിൽ എൻജിനിയറിംഗ് ബിരുദം. തെരഞ്ഞെടുക്കപ്പെടുന്നവർ മൂന്നുവർഷത്തേക്ക് അഞ്ചു ലക്ഷം രൂപയുടെ സർവീസ് ബോണ്ട് സമർപ്പിക്കണം.
അപേക്ഷ: ഓൺലൈനായി അപേക്ഷിക്കണം. വിശദവിവരങ്ങൾക്കും അപേക്ഷിക്കുന്നതിനുമുള്ള വെബ്സൈറ്റ്: www. nhai.gov.in. അവസാനതീയതി: ഫെബ്രുവരി 24 (വൈകുന്നേരം 6 മണിവരെ).