ആസാം റൈഫിൾസിൽ ടെക്നിക്കൽ ആൻഡ് ട്രേഡ്‌സ്മെൻ തസ്‌തികകളിലായി 215 ഒഴിവ്. ഏപ്രിലിൽ നടത്തുന്ന റിക്രൂട്ട്മെന്‍റ് റാലിയിൽ പങ്കെടുക്കാൻ മാർച്ച് 22 വരെ ഓൺലൈനായി അപേക്ഷിക്കാം. ചില തസ്‌തികകളിൽ സ്ത്രീകൾക്കും അവസരമുണ്ട്. ഗ്രൂപ്പ് ബി, സി തസ്ത‌ികകളാണ്. റാലി സംബന്ധിച്ച വിശദവിവരങ്ങൾ വെബ്സൈറ്റിൽ പ്രസിദ്ധീകരിക്കും.
തസ്ത‌ിക, യോഗ്യത, പ്രായം: റിലീജിയസ് ടീച്ചർ: ബിരുദം, ഹിന്ദി ഭൂഷൺ അല്ലെങ്കിൽ സംസ്‌കൃത മാധ്യമ യോഗ്യത, 18-30. റേഡിയോ മെക്കാനിക്: പത്താം ക്ലാസ്/തത്തുല്യം, ഡിപ്ലോമ (റേഡിയോ ആൻഡ് ടെലിവിഷൻ ടെക്നോളജി, ഇലക്‌ട്രോണിക്സ്, ടെലി കമ്യൂണിക്കേഷൻ, കംപ്യൂട്ടർ/ഇലക്‌ട്രിക്കൽ/മെക്കാനിക്കൽ എൻജിനിയറിംഗ്, ഡൊമസ്റ്റിക് അപ്ലയൻസസ്, അല്ലെങ്കിൽ ഫിസിക്സ്, കെമിസ്ട്രി, മാത്‌സ് വിഷയം പഠിച്ച് പ്ലസ്‌ടു/തത്തുല്യം 18-25.
ലൈൻമാൻ: പത്താം ക്ലാസ്/തത്തുല്യം, ബന്ധപ്പെട്ട ട്രേഡിൽ ഐടിഐ യോഗ്യത, 18-23.
എൻജിനിയറിംഗ് എക്വിപ്മെന്‍റ് മെക്കാനിക്: പത്താം ക്ലാസ്/തത്തുല്യം, ബന്ധപ്പെട്ട ട്രേഡിൽ ഐടിഐ യോഗ്യത, 18-23
ഇലക്‌ട്രീഷൻ മെക്കാനിക് വെഹിക്കിൾ: പത്താം ക്ലാസ്/തത്തുല്യം, ബന്ധപ്പെട്ട ട്രേഡിൽ ഐടിഐ യോഗ്യത, 18-23. റിക്കവറി വെഹിക്കിൾ മെക്കാനിക്: പത്താം ക്ലാസ്/തത്തുല്യം, ബന്ധപ്പെട്ട ട്രേഡിൽ ഐടിഐ യോഗ്യത, 18-25.
അപ്ഹോൾ‌സ്റ്റർ: പത്താം ക്ലാസ്/തത്തുല്യം, ബന്ധപ്പെട്ട ട്രേഡിൽ ഐടിഐ യോഗ്യത, 18-23
വെഹിക്കിൾ മെക്കാനിക് ഫിറ്റർ: പത്താം ക്ലാസ്/തത്തുല്യം (ഇംഗ്ലിഷ്, മാത്‌സ്, സയൻസ് വിഷയങ്ങൾ പഠിച്ച്), ബന്ധപ്പെട്ട ട്രേഡിൽ ഐടിഐ യോഗ്യത, 18-23.
ഡ്രാഫ്റ്റ്സ്‌മാൻ: പ്ലസ് ടു/തത്തുല്യം, ആർക്കിടെക്ചറൽ അസിസ്റ്റൻസ്ഷിപ്പിൽ 3 വർഷ ഡിപ്ലോമ, 18-25. ഇലക്‌ട്രിക്കൽ ആൻഡ് മെക്കാനിക്കൽ: ഇലക്‌ട്രിക്കൽ/മെക്കാനിക്കൽ/സിവിൽ എൻജിനിയറിംഗ് ബിരുദം, 18-30.
പ്ലംബർ: പത്താം ക്ലാസ്/തത്തുല്യം, ബന്ധപ്പെട്ട ട്രേഡിൽ ഐടിഐ യോഗ്യത, 18-23. ഓപ്പറേഷൻ തിയറ്റർ ടെക്‌നിഷൻ: പ്ലസ് ടു, ബന്ധപ്പെട്ട ട്രേഡിൽ ഡിപ്ലോമ, 18-23. ഫാർമസിസ്റ്റ്: പ്ലസ് ടു/തത്തുല്യം, ഫാർമസിയിൽ 2 വർഷ ഡിഗ്രി/ഡിപ്ലോമ, 20-25.
എക്സ്-റേ അസിസ്റ്റന്‍റ്: പ്ലസ് ടു, റേഡിയോളജിയിൽ ഡിപ്ലോമ, 18-23. വെറ്ററിനറി ഫീൽഡ് അസിസ്റ്റന്‍റ്: പ്ലസ് ടു/തത്തുല്യം, വെറ്ററിനറി സയൻസിൽ 2 വർഷ ഡിപ്ലോമ, ഒരു വർഷ പരിചയം. 21-23.
സഫായ്: പത്താം ക്ലാസ്, 18-23. ഫാർമസിസ്റ്റ് തസ്‌തികയിൽ സ്ത്രീകൾക്കും അപേക്ഷിക്കാം. ഓരോ തസ്‌തികയുടെയും ശാരീരിക യോഗ്യത സംബന്ധിച്ച വിവരങ്ങൾ വെബ്സൈറ്റിൽ.
തെരഞ്ഞെടുപ്പ്: കായികക്ഷമതാപരീക്ഷ, രേഖകളുടെ പരിശോധന, ശാരീരിക അളവെടുപ്പ്, എഴുത്തുപരീക്ഷ, ട്രേഡ് ടെസ്‌റ്റ്, വൈദ്യപരിശോധന എന്നിവയുണ്ടാകും. ഫീസ്: ഗ്രൂപ്പ് ബി (റിലീജിയസ് ടീച്ചർ, ഇലക്‌ട്രിക്കൽ ആൻഡ് മെക്കാനിക്കൽ) തസ്ത‌ികയ്ക്ക് 200 രൂപ.
ഗ്രൂപ്പ് സി (മറ്റുള്ളവ) തസ്‌തികകൾക്കു 100 രൂപ. എസ്‌സി/എസ്‌ടി, വനിതകൾ, വിമുക്തഭടന്മാർ എന്നിവർക്കു ഫീസില്ല. എസ്ബിഐ ഓൺലൈൻ സംവിധാനം ഉപയോഗിച്ചും ചെലാനായും ഫീസടയ്ക്കാം.
അപേക്ഷ സംബന്ധിച്ച വിശദവിവരങ്ങൾക്ക് www.assamrifles.gov.in