സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്സിൽ വിവിധ കോൺസ്റ്റബിൾ തസ്‌തികകളിലേക്ക് ഉടൻ വിജ്‌ഞാപനമാകും. കോൺസ്റ്റബിൾ/ഡ്രൈവർ, കോൺസ്റ്റബിൾ/ഡ്രൈവർ കം പമ്പ് ഓപ്പറേറ്റർ (ഡ്രൈവർ ഫോർ ഫയർ സർവീസസ്) എന്നീ വിഭാഗങ്ങളിലായി 1124 ഒഴിവുകളിലാണ് അവസരം പുരുഷന്മാർക്ക് അപേക്ഷിക്കാം.
ഓൺലൈൻ അപേക്ഷ മാർച്ച് 4 വരെ. യോഗ്യത: പത്താം ക്ലാസ് ജയം/തത്തുല്യം, ഹെവി, ലൈറ്റ് മോട്ടർ വെഹിക്കിൾ ഡ്രൈവിംഗ് ലൈസൻസ്, 3വർഷ ഡ്രൈവിംഗ് പരിചയം. പ്രായം: 21-27. അർഹർക്കു നിയമാനുസൃത ഇളവ്. ശമ്പളം: 21,700-69,100.
ശാരീരിക യോഗ്യത: ഉയരം: 167 സെമീ (എസ്ടിക്ക്: 160 സെമീ), നെഞ്ചളവ്: 80-85 സെമീ (എസ്ടിക്ക്: 78-83 സെമീ), തൂക്കം: ആനുപാതികം. തെരഞ്ഞെടുപ്പുരീതി: ശാരീരിക അളവുപരിശോധന, ശാരീരികക്ഷമതാ പരിശോധന, വൈദ്യ പരിശോധന, കംപ്യൂട്ടർ അധിഷ്‌ഠിത ഓൺലൈൻ എഴുത്തുപരീക്ഷ എന്നിവ മുഖേന.
അപേക്ഷാഫീസ്: 100. പട്ടികജാതി, പട്ടികവർഗ വിഭാഗക്കാർക്കും വിമുക്‌തഭടന്മാർക്കും ഫീസില്ല. എസ്ബിഐ ചെലാൻ ഉപയോഗിച്ചോ ഓൺലൈനായോ ഫീസടയ്ക്കാം.
കൂടുതൽ വിവരങ്ങൾ https://cisfrectt. cisf. gov.in എന്ന വെബ്സൈറ്റിൽ.