കോൺഗ്രസിന്‍റെ നേതൃത്വത്തിൽ ഡി​എ​ഫ്ഒ ഓ​ഫീ​സി​ലേ​ക്ക് 23ന് ‘ആ​ന സ​മ​രം’
Saturday, September 21, 2024 3:58 AM IST
കോ​ത​മം​ഗ​ലം: കോ​ണ്‍​ഗ്ര​സ് കോ​ത​മം​ഗ​ലം, ക​വ​ള​ങ്ങാ​ട് ബ്ലോ​ക്ക് ക​മ്മി​റ്റി​ക​ളു​ടെ നേ​തൃ​ത്വ​ത്തി​ൽ 23ന് ​കോ​ത​മം​ഗ​ലം ഡി​എ​ഫ്ഒ ഓ​ഫീ​സി​ലേ​ക്ക് ‘ആ​ന സ​മ​രം’ ന​ട​ത്തും. രാ​വി​ലെ പ​ത്തി​ന് കെ​സ്ആ​ർ​ടി​സി ബ​സ്‌സ്റ്റാൻഡ് പ​രി​സ​ര​ത്തു​നി​ന്നും ആ​ന​യുടെ രൂപം മു​ന്നി​ൽ​നി​ർ​ത്തി​യാ​ണ് പ്ര​തി​ഷേ​ധ പ്ര​ക​ട​നം ആ​രം​ഭി​ക്കു​ന്ന​ത്. വ​ന്യ​മൃ​ഗ​ശ​ല്യം രൂ​ക്ഷ​മാ​കു​ന്പോ​ൾ ഒ​രു ന​ട​പ​ടി​യു​മെ​ടു​ക്കാ​ൻ ത​യാ​റാ​കാ​ത്ത എം​എ​ൽ​എ​യ്ക്കും എ​ൽ​ഡി​എ​ഫ് സ​ർ​ക്കാ​രി​നു​മെ​തി​രേ​യാ​ണ് സ​മ​രം.

നി​യോ​ജ​ക​മ​ണ്ഡ​ല​ത്തി​ലെ കോ​ട്ട​പ്പ​ടി, പി​ണ്ടി​മ​ന, കീ​രം​പാ​റ, കു​ട്ട​ന്പു​ഴ, ക​വ​ള​ങ്ങാ​ട് പ​ഞ്ചാ​യ​ത്തു​ക​ളി​ൽ വ​ന്യ​മൃ​ഗ ശ​ല്യം രൂ​ക്ഷ​മാ​യി​ട്ടും ഫെ​ൻ​സിം​ഗ് സ്ഥാ​പി​ക്കു​ന്ന​തി​നോ, ട്ര​ഞ്ച് കു​ഴി​ക്കു​ന്ന​തി​നോ അ​ധി​കാ​രി​ക​ൾ ത​യാ​റാ​കു​ന്നി​ല്ല.

ദി​വ​സേ​ന ആ​ന​യി​റ​ങ്ങു​ന്ന ഭ​യാ​ന​ക സാ​ഹ​ച​ര്യ​മു​ണ്ടാ​യി​ട്ടും പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ ന​ട​ത്താ​ൻ ക​ഴി​യാ​ത്ത സ​ർ​ക്കാ​ർ അ​നാ​സ്ഥ ഇ​നി​യും അ​വ​സാ​നി​പ്പി​ച്ചി​ല്ലെ​ങ്കി​ൽ ശ​ക്ത​മാ​യ ജ​ന​കീ​യ പ്ര​തി​ഷേ​ധം കോ​ണ്‍​ഗ്ര​സ് സം​ഘ​ടി​പ്പി​ക്കു​മെ​ന്ന് നേ​താ​ക്ക​ൾ മു​ന്ന​റി​യി​പ്പ് ന​ൽ​കി.

ക​ഴി​ഞ്ഞ എ​ട്ടു വ​ർ​ഷ​ത്തി​നി​ടെ ആ​ക്ര​മ​ണ​ങ്ങ​ൾ​ക്ക് ഇ​ര​യാ​യി മ​ര​ണം സം​ഭ​വി​ച്ച​വ​ർ​ക്കും, പ​രി​ക്കേ​റ്റ​വ​ർ​ക്കും, കൃ​ഷി ന​ശി​ച്ച​വ​ർ​ക്കും, വ​ള​ർ​ത്തു​മൃ​ഗ​ങ്ങ​ൾ ന​ഷ്ട​മാ​യ​വ​ർ​ക്കും മ​തി​യാ​യ ന​ഷ്ട​പ​രി​ഹാ​രം ന​ൽ​കാ​ൻ സ​ർ​ക്കാ​രി​ന് ക​ഴി​ഞ്ഞി​ട്ടി​ല്ല. നേ​ര്യ​മം​ഗ​ലം കാ​ഞ്ഞി​ര​വേ​ലി​യി​ൽ ഇ​ന്ദി​ര എ​ന്ന വീ​ട്ട​മ്മ മ​ര​ണ​പ്പെ​ട്ട​പ്പോ​ൾ ന​ൽ​കി​യ വാ​ഗ്ദാ​ന​ങ്ങ​ൾ ഒ​ന്നും ഇ​തു​വ​രെ പാ​ലി​ച്ചി​ട്ടി​ല്ല.

ശാ​സ്ത്രീ​യ പ​ഠ​നം ന​ട​ത്തി വ​ന്യ​മൃ​ഗ ശ​ല്യം നി​യ​ന്ത്രി​ക്കു​ന്ന​തി​ന് ന​ട​പ​ടി സ്വീ​ക​രി​ക്ക​ണ​മെ​ന്നും കോ​ണ്‍​ഗ്ര​സ് ബ്ലോ​ക്ക് പ്ര​സി​ഡ​ന്‍റു​മാ​രാ​യ ഷ​മീ​ർ പ​ന​ക്ക​ൽ, ബാ​ബു ഏ​ലി​യാ​സ് എ​ന്നി​വ​ർ ആ​വ​ശ്യ​പ്പെ​ട്ടു.
Copyright @ 2018 , Rashtra Deepika Ltd.