നി​കു​തി വ​രു​മാ​നം : തൃ​ക്കാ​ക്ക​ര ന​ഗ​ര​സ​ഭ​യ്ക്ക് 10 കോ​ടി വ​ർ​ധ​ന
Friday, September 20, 2024 3:23 AM IST
കാ​ക്ക​നാ​ട് : റ​വ​ന്യൂ വ​രു​മാ​ന​ത്തി​ൽ സം​സ്ഥാ​ന​ത്ത് ഒ​ന്നാം സ്ഥാ​ന​ത്തു​ള്ള തൃ​ക്കാ​ക്ക​ര ന​ഗ​ര​സ​ഭ​യി​ൽ വി​വി​ധ നി​കു​തി​യി​ന​ങ്ങ​ളി​ലും കെ​ട്ടി​ട​വാ​ട​ക​യി​ലു​മാ​യി ബാ​ങ്കി​ലു​ള്ള​ത് 63 കോ​ടി രൂ​പ. ക​ഴി​ഞ്ഞ ഒ​രു കൊ​ല്ല​ത്തി​നു​ള്ളി​ൽ 10.3 കോ​ടി രൂ​പ​യാ​ണ് വ​ർ​ധി​ച്ച​ത്. പ്ര​ഫ​ഷ​ണ​ൽ ടാ​ക്സാ​യി ഇ​ത്ത​വ​ണ അ​ഞ്ചു കോ​ടി​യു​ടെ വ​ർ​ധ​ന​യു​ണ്ടാ​യ​പ്പോ​ൾ ഈ​യി​ന​ത്തി​ൽ മാ​ത്രം സ​മാ​ഹ​രി​ച്ച​ത് 23 കോ​ടി രൂ​പ.

വാ​ട​ക​യി​ന​ത്തി​ൽ 50 ല​ക്ഷം രൂ​പ​യെ​ന്ന​ത് 1.20 കോ​ടി​യാ​യും വ​ർ​ധി​ച്ചു. കെ​ട്ടി​ട നി​കു​തി ഇ​ന​ത്തി​ൽ 11 കോ​ടി​യാ​യി​രു​ന്നു ക​ഴി​ഞ്ഞ കൊ​ല്ലം വ​രെ ല​ഭി​ച്ച​തെ​ങ്കി​ൽ ഇ​പ്പോ​ൾ തു​ക 13 കോ​ടി​യാ​യി വ​ർ​ധി​ച്ചു. വാ​ട​ക, പ്ര​ഫ​ഷ​ണ​ൽ ടാ​ക്സ് എ​ന്നി​വ പി​രി​ക്കു​ന്ന​തി​ൽ വി​ട്ടു​വീ​ഴ്ച വേ​ണ്ടാ​യെ​ന്നാ​ണ് ഭ​ര​ണ​സ​മി​തി​യു​ടെ തീ​രു​മാ​നം. നി​കു​തി​യി​ന​ത്തി​ൽ ഒ​രു കോ​ടി രൂ​പ​യു​ടെ കു​ടി​ശി​ക​യു​ള്ള ഇ​ൻ​ഫോ​പാ​ർ​ക്കി​ലെ ഐ​ടി സ്ഥാ​പ​ന​ത്തി​ന് വീ​ണ്ടും നോ​ട്ടീ​സ് അ​യ​ച്ച​താ​യി അ​ധി​കൃ​ത​ർ പ​റ​ഞ്ഞു.

മു​നി​സി​പ്പ​ൽ കെ​ട്ടി​ട​വാ​ട​ക കു​ടി​ശി​ക അ​ട​ക്കാ​ത്ത​വ​ർ​ക്കു ര​ണ്ടു​ത​വ​ണ നോ​ട്ടീ​സ് അ​യ​ച്ചു. മൂ​ന്നാം ത​വ​ണ നോ​ട്ടി​സ് ഈ ​ആ​ഴ്ച ത​ന്നെ അ​യ​ക്കു​മെ​ന്നും അ​ടു​ത്ത പ​ടി​യാ​യി റ​വ​ന്യൂ റി​ക്ക​വ​റി ന​ട​ത്തു​മെ​ന്നും പി.​എം. യൂ​നി​സ് പ​റ​ഞ്ഞു.
Copyright @ 2018 , Rashtra Deepika Ltd.